Éxodo 32:22 - La'aqtaqa Ñim Lo'onatac 'Enauacna 2013

²² Nache so Aarón 'enapeco': «'Am ỹataxala', saishet qome da aỹem 'aualemataỹa. Qataq 'auaỹaten mque' da ne'ena shiỹaxauapi nqopita da ỹo'ot na sa ỹaỹamaxañi.

Éxodo 32:22 Referans Kwoze

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

Éxodo 16:20

Qalaxaye ñaqaiyeta huo'o so saishet da ỹalaxaguet so Moisés, nache huo'o so no'onaxatañi na aloq da yaqto' iviraigui so lỹa na'a'q. Qalaxaye se'eso qano'onaxatañi nlaxagui na qoche'l, qataq qauem na laita. Nache so Moisés ỹataqta dalemataỹa somayepi.

Éxodo 15:24

Huaña nache se'eso shiỹaxauapi ỹasaxaleguete naua qauema ltaxaỹaxaco so Moisés, qataq inattac, 'eeta': «¿Negue't ca ñiỹomaxagui nagui?»

Éxodo 14:11

Nache somayepi 'enapega so Moisés, 'eeta': «¿Peta'a saqaco' aca huachiquipi ye Egipto, yem qomi' 'anqateeguesopa da qomi' 'anauegalo na toolec 'alhua da qarleuqa'? ¿Ta'ainco' da qomi' 'auo'oteque de'era? ¿Ta'ainco' ye qomi' 'anqateeguesopa ye Egipto?

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Salmos 36:4

Qataq da nnaatalec ca lmala', nache ỹaqataxaatapigui' da ỹo'ot na qauem, cha'aye saishet da ỹaxanec da qauem llecỹaxac, qataq saishet da ỹaxanec na qauemsat.

Deuteronómio 31:27

Cha'aye aỹem saỹaten da ỹataqta sa qana'axaỹaxañi, qataq qami' qaramchiguilo, ten nagui da ñaq qami' salectaiguilo qalaq huo'o naxa da qauataiỹa'aguet Ñim Nataxala', ¿qaq chaq 'eetec ca qarataxaqui qom seleu?

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Éxodo 16:28

Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Génesis 44:18

Nache so Judá nquicot so José, nache 'enapega 'eeta': «'Am ñachoxonnot, 'am ỹataxala', da aỹem 'auasheetem da huo'o catai' ỹa'aqtacolec da 'am sesoxootot. Aỹem 'arqouaguec qome, saishet da aỹem 'aualemataỹa, cha'aye 'am nache qoneta'am ñi Faraón.

Éxodo 32:21

Ime, nache 'enapega so Aarón, 'eeta': «¿Negue't ca 'am ỹo'otec ne'ena shiỹaxauapi ye 'auauega da ỹo'ot da lta'araic lasouaxashet?»

1 Samuel 15:15

Nache so Saúl, 'enapeco': Qomye qaỹachegoxotta'a ye Amalec, cha'aye ne'ena nhuo' le'ecpi no'onaxatañi ana ỹataqta no'on qaguetapi qataq ana huacapi da yaqto' ỹaneuo da lachetaqtaxanaqte, da ỹanot Ñim Nataxala' maye 'Anatamnaxala'. Qalaxaye so laỹepi nogoxoshetpi ỹataqta ñemataqchiguiñi da ñelaxataxañi.

1 Samuel 15:21

Qalaxaye na ñalleppi no'onaxatañi ana ỹataqta no'on qaguetapi, qataq ana huacapi, maye taỹa'a taxa da ỹataqta qanmatchiguiñi da qailaxachigui, da yaqto' nachetaqtaxanaqte da qoỹanot Ñim Nataxala' maye 'Anatamnaxala', da huaña ye Gilgal.

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».