Éxodo 32:19 - La'aqtaqa Ñim Lo'onatac 'Enauacna 2013

¹⁹ Qaq co'ollaq sa qaỹapeque so mataqa' maye qanayeuta'a, nache so Moisés ila'a co'ollaxa so ne'enaqtac huaca llalec, qataq so dasottacpi, nache somaye ỹataqta 'eroigui da lalemataic, nache nhuaxaayiñi soua nasoqta'alo coma'ye, ỹataqta dolachiguilo naqa'en huaña so loigue añi qasoxonaxa.

Éxodo 32:19 Referans Kwoze

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Marcos 10:14

Qaq So Jesús co'ollaq ỹauaachigui de'era, nache dalemataỹalo soua lapaxaguenataqa. Nache 'eetegalo soomaye, 'eeta': «Ña qauaqaita'a na ñaqpiolec da Aỹem naua'a, saishet da sa qanashiñiiguet, cha'aye da lo'onataxanaxac Ñim Lo'onatac 'Enauacna, taigui cam 'eeta'am da lataxac ne'ena ñaqpiolec.

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Zacarías 11:14

Ime, nache qaltaq sacagaxachigui aso lỹa ỹashelte maye le'enaxat «Na'atta'a't» qaq huaña, nache nlaguiñi da na'atta'a't yeua Judá qataq ye Israel.

Lamentaciones 5:15

Da qarquiyaqteỹaxac qalaq mashe qaica ca ntonaxac, da qarasotaxac maye ỹo'ot naxa da qaramachiguiñi qalaq nmeneguet da qaraquicoxo.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

2 Samuel 6:14

Qaq so David ỹaatañi co'ollaxa so efod maye chegaqaigui na lino, nache ỹataqta nmatasheguem da la'añaxac da dasotto'ot Ñim Nataxala'.

Deuteronómio 27:26

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ne'ena nqataxacpi, qataq saishet da ỹo'ot. Nache 'enauac qome na nhuo' le'ecpi, 'eeta': Aja', nache 'eetec.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 15:20

Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

1 Corintios 10:7

Ỹoqo'oye qami' saishet da qaue'enaxache da 'eetec somayepi da huo'o na natameetacot na ỹaqa'api maye saq 'en qataq choche ne'enaqtacpi. Cha'aye naua nanettaleguete ana la'aqtac lmalate Ñim Lo'onatac 'Enauacna 'eeta': «So shiỹaxauapi nso'ooñi. Ime, qaq ỹo'ot so lquia'axac qataq nỹomtac. Ime, nache nachaañi da dasora't, qaỹo'oxoreetac na ne'enaqtacpi.»

Éxodo 32:18

Qalaxaye so Moisés 'enapeco': «Dam sa'aqtega saishet da lo'onec ca dauegaxaatai', huo'otaq da lo'onec ca daquicotac da noxonec, damaye ỹaqa'a».

Éxodo 34:1

Nache Ñim Nataxala' 'enapega so Moisés, 'eeta': «'Auche'c qome caua dos coma'ye, 'aue'enaxatchiguilo soua hua'auchiyiñi, yaqto' sereleguete soua na'aqtaqa maye nanettaleguete co'ollaxa soua hua'auchiyiñi coma'ye maye 'aulaxachiguilo.

Salmos 119:53

Cha'aye aỹem nlaqchigui da inogoxonaxac souaxat na 'etaxaloxoicpi, nam ca'aisalo co'ollaxa naua 'arqataxaco.

Deuteronómio 10:2

Qaq Aỹem nache sereleguete qome caamaye, 'enauac na ỹa'aqtacpi maye nanettaleguete co'ollaxa soua hua'auchiyiñi coma'ye maye 'aulaxachiguilo, qaq da ime nache 'auaỹamaxa't, 'auacheraiguilo aca'aca laỹe'.›