Éxodo 32:17 - La'aqtaqa Ñim Lo'onatac 'Enauacna 2013

¹⁷ Qaq so Josué co'ollaq hua'axaỹa da la'alaxac so shiỹaxauapi, nache 'enapega so Moisés, 'eeta': «Chetot da la'alaxac da alaataxac ye qanayeuta'a nanataqa'».

Éxodo 32:17 Referans Kwoze

Éxodo 24:13

Ime, nache ñesheguem so Moisés, nache tasheguemec aso qasoxonaxa maye lma' Ñim Lo'onatac 'Enauacna, nnaictague' so ltaua le'enaxat Josué.

Éxodo 17:9

Nache so Moisés 'enapego' so Josué, 'eeta': «'Auauo'oi qome caua 'auaconeua'alo shiỹaxau'. Ime, qaq qojec 'aulogui' na amaleciitapi. Aỹem qalaq sootalec qonte' nte'eta añi qaỹoqotcheguemec 'alhua, llasoqta'a qome aye lashelte Ñim Lo'onatac 'Enauacna.»

Amós 2:2

Ỹoqo'oye sauo'o qome ca norec da ỹavic ñaqa'en yi'iye 'alhua Moab, nache que'eca norec nlachiguiñi naqa'en qome na nma' lta'araicpi ye Queriot, nache da na'alaxac da qaỹa'alaxalec da alaataxac qataq da l-lamaxa ana nasheerepi, qalaq nache huaigui qome da ileu na Moab le'ecpi.

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Jeremías 51:14

Ñim Nataxala' maye Qaica ca Ỹaqalanapec, maiche ỹan co'ollaxa da la'aqtac, 'eeta': «'Am ñamaxa qome ca qalota 'ampa'aguenaxauapi 'eeta'am ana shiiquioxoipi, nache camayepi 'am do'onaxaatalec qome da 'am loxonec.»

Salmos 47:1

Qami' ỹotta'a't shiỹaxauapi, qauaxañiỹa't naua qarhuaxayilli', qavio'oxoyiñi Ñim Lo'onatac 'Enauacna qaua'alqaitai' da qantonaxaqui.

Da na'aqtaguec so Job 39:25

Nache nỹeetai' da hua'aqtega da l-lamaxa ana nasheere, nache da ña qaỹoqta qalaq itata'aguet na laita da alaataxac, qataq hua'axaỹa da namaxasoxonaxac qataq da qaỹa'alaxalec da alaataxac.

1 Samuel 17:52

Nache so alleppi Israel le'ecpi, qataq som chegoxoguet so Judá ỹa'alaqtalec da nalaataxac, nache jec da icanapec som filisteopi, choche iviraxatta'a ye ca'amegue qataq ñeua laso'omi ye Ecrón. Qaq 'enauac som nqa'aic maye chegoqchiguiña ye Sagarayin da taỹa'a ye Gat qataq ye Ecrón, ỹataqta vichiguiiñalo na nalaatac filisteopi.

1 Samuel 17:20

Qaq so lỹa na'a'q, nache so David ỹataqta no'ottasheguem, nache aso qaguetapi ỹaqa'a so ipataxaguet da ilo'ogue naqa'en. Qaq somaye nache jec, ỹache 'enauac so nallecpi maye chegoqo'ot so lta'a Yesé. Qaq co'ollaq ivita so nanataqa', nache so alleppi mashe naỹamaxattac da nalat, qataq ỹa'alaqtalec da nalaataxac.

Jueces 15:14

Qaq co'ollaq ivireua'a ye Lehí, nache so filisteopi ca'atta'aguet somaye, nache ỹa'alaqtai' da ntonaxac. Qalaxaye so Saqcha'a La'añaxac Ñim Nataxala' ỹanem da la'añaxac so Sansón, nache soua nañeqa maye qaicoñettaguilo naua lapique, qataq naua lhua'q, huesochiguilo naqa'en 'eeta'am ca hualoq laỹe da mashe ỹavic.

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Josué 6:16

Nache soua ntaxaỹaxanaxanaqa co'ollaq mashe ivi' siete da ỹe'eguelaxalec da ỹashiiyigui soua lasheerel, nache so Josué 'enapega so shiỹaxauapi, 'eeta': «¡Qaua'alqai! Cha'aye Ñim Nataxala', qami' ỹanema ne'ena huaqta'a't nỹecpi.

Josué 6:10

Qalaxaye so Josué 'enapega so shiỹaxauapi da ỹe'emaqtom nato' qom ivita da 'enapega da ỹa'alaq, nache ỹataqta na'axannec da la'alaxac.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Éxodo 32:18

Qalaxaye so Moisés 'enapeco': «Dam sa'aqtega saishet da lo'onec ca dauegaxaatai', huo'otaq da lo'onec ca daquicotac da noxonec, damaye ỹaqa'a».

Éxodo 32:6

Nache so nte'etom so lỹa na'a'q, nache no'ottasheguem somayepi da yaqto' ỹaneuo aso lachetaqtaxanaqte maye qaỹavigaxatta, qataq aso qanhuaachigui. Ime, nache 'enauac somayepi nso'ooñi da deque'e, qataq nỹom. Qaq so ime nache dasora't.

Éxodo 32:16

Qaq nacheñi Ñim Lo'onatac 'Enauacna da maiche lo'onataqa soomaye, qataq Ñimaye maiche lerec som nanettalecpi se'esoua coma'ye.

1 Crónicas 7:27

Nun qataq so Josué.