Éxodo 32:16 - La'aqtaqa Ñim Lo'onatac 'Enauacna 2013

¹⁶ Qaq nacheñi Ñim Lo'onatac 'Enauacna da maiche lo'onataqa soomaye, qataq Ñimaye maiche lerec som nanettalecpi se'esoua coma'ye.

Éxodo 32:16 Referans Kwoze

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Hebreos 8:10

Ỹoqo'oye da dalaxaic ñaỹamaxataxac da ñaỹamaxate' na Israel le'ecpi, damaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac. Nache namayepi, Aỹem Lataxala', qaq namayepi, nache ỹalamaxatpi. Qaq de'era san ỹa'aqtac, damaye ỹataqta 'eesa.

2 Corintios 3:7

Ñim Lo'onatac 'Enauacna ỹettaleguete co'ollaxa soua coma' ne'ena namaxasoxonaxacpi, nache ỹami' co'ollaxa so Moisés. Qaq se'eso na'a'q ỹataqta lta'araic da llo'oxoyec ivira'a na lashec so Moisés da ỹataqta qashelectapiguiñi. Qaq ỹoqo'oye na Israel le'ecpi saishet da ỹamataigui na lashec so Moisés. Qalaxaye se'eso ne'eraxa nquictañi co'ollaxa, ivitta'a da 'om. Qaq da huo'otaq huo'o da llo'oxoyec se'eso namaxasoxonaxacpi co'ollaq qoỹan, ¡qaq taloxocheyectoxo' da saq ỹactec da llo'oxoyec da qaỹa'axat da no'on na'axaỹaxac maye chegaqaigui da nca'alaxa! Cha'aye se'eso namaxasoxonaxacpi ỹa'axat da saỹaqa'a da seleuaq souaxat naua qarasouaxashe'ete. Qalaxaye huo'o da qana'achec souaxat da qomi' ỹo'oteque So Saqcha'a Na'añaxac Qui'itta da Ñim Lo'onatac 'Enauacna ỹa'axat da qaica ca qarasouaxashet.

Deuteronómio 10:1

«Qaq se'eso na'a'q Ñim Nataxala' qaltaq aỹem 'enapega, 'eeta': ‹'Achecte' qome caua dos coma'ye 'eeta'ama 'anqa'en soua hua'auchiyiñi, qataq 'auo'ot nataqa'en aca laỹe' chegaqaigui 'anqa'en na 'epaq, ime, nache 'asheguema qome añi qasoxonaxa da yaqto' aỹem 'autaxaỹapegue'.

Deuteronómio 9:15

Qaq co'ollaq senotec, da sheca'ai añi qasoxonaxa maye ỹataqta 'ettangui na le'eraxa, nache ñacheta'ape soua dos coma'ye maye nanettaleguete da aỹamaxataxac.

Éxodo 34:4

Nache so Moisés ỹo'o't soua dos coma'ye, ỹe'enaxatchiguilo soua hua'auchiyiñi. Qaq so nte'etom so lỹa na'a'q, nache ỹaconalo da yaqto' ỹache' soomaye, nache tasheguema añi qasoxonaxa Sinaí. Nache ipacchigui da la'aqtac Ñim Nataxala'.

Éxodo 34:1

Nache Ñim Nataxala' 'enapega so Moisés, 'eeta': «'Auche'c qome caua dos coma'ye, 'aue'enaxatchiguilo soua hua'auchiyiñi, yaqto' sereleguete soua na'aqtaqa maye nanettaleguete co'ollaxa soua hua'auchiyiñi coma'ye maye 'aulaxachiguilo.

Éxodo 32:15

Nache so Moisés ñe'eguelaxañi, ca'ai aso qasoxonaxa, qataq nacheta'ape soua dos coma'ye maye nanettaleguete 'enauaque soua dos laỹel soua nqataxaco.

Éxodo 32:17

Qaq so Josué co'ollaq hua'axaỹa da la'alaxac so shiỹaxauapi, nache 'enapega so Moisés, 'eeta': «Chetot da la'alaxac da alaataxac ye qanayeuta'a nanataqa'».

Da na'aqtaguec so Job 19:24

¡'Onaxaictoxo' da huo'o ca ỹauota'a ca leraxanaxat lcat, nache ỹerelec ca quiguiñi, huo'otaq ca coma' da yaqto' nache 'eetai' da nanettalec camaye!