Éxodo 32:15 - La'aqtaqa Ñim Lo'onatac 'Enauacna 2013

¹⁵ Nache so Moisés ñe'eguelaxañi, ca'ai aso qasoxonaxa, qataq nacheta'ape soua dos coma'ye maye nanettaleguete 'enauaque soua dos laỹel soua nqataxaco.

Éxodo 32:15 Referans Kwoze

Deuteronómio 9:15

Qaq co'ollaq senotec, da sheca'ai añi qasoxonaxa maye ỹataqta 'ettangui na le'eraxa, nache ñacheta'ape soua dos coma'ye maye nanettaleguete da aỹamaxataxac.

Apocalipsis 5:1

Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

Deuteronómio 5:22

Qaq 'ena na la'aqtacpi maye na'axannec da nasaxauec co'ollaxa Ñim Nataxala' co'ollaq qoviito'ot na loigue añi qasoxonaxa, Ñimaye chemaqtapoigui so norec maye huetaigui so sansatchiguiñi qataq napalñi lo'oc. Qaq co'ollaq ime ne'ena la'aqtacpi, nache ỹereleguete soua dos coma'ye, nache aỹem ỹanema.

Éxodo 40:20

Qaq co'ollaq ime, nache so Moisés ỹaconalo soua coma'ye maye nanettaleguete soua nqataxaco, nache ỹachanguilo aso laỹe'. Ime, nache ỹa'aldeuo soua lachoxola'ate, qataq ỹauo'o so lapoxot asomaye.

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Éxodo 16:34

Qaq qaipacchigui da la'aqtac Ñim Nataxala' maye ỹami' so Moisés, nache so Aarón ỹanaña aso naco'oña 'alhua so nalochiguiña aso laỹe' soua lqataxaco Ñim Lo'onatac 'Enauacna, da yaqto' ỹaỹamaxat.

2 Corintios 3:7

Ñim Lo'onatac 'Enauacna ỹettaleguete co'ollaxa soua coma' ne'ena namaxasoxonaxacpi, nache ỹami' co'ollaxa so Moisés. Qaq se'eso na'a'q ỹataqta lta'araic da llo'oxoyec ivira'a na lashec so Moisés da ỹataqta qashelectapiguiñi. Qaq ỹoqo'oye na Israel le'ecpi saishet da ỹamataigui na lashec so Moisés. Qalaxaye se'eso ne'eraxa nquictañi co'ollaxa, ivitta'a da 'om. Qaq da huo'otaq huo'o da llo'oxoyec se'eso namaxasoxonaxacpi co'ollaq qoỹan, ¡qaq taloxocheyectoxo' da saq ỹactec da llo'oxoyec da qaỹa'axat da no'on na'axaỹaxac maye chegaqaigui da nca'alaxa! Cha'aye se'eso namaxasoxonaxacpi ỹa'axat da saỹaqa'a da seleuaq souaxat naua qarasouaxashe'ete. Qalaxaye huo'o da qana'achec souaxat da qomi' ỹo'oteque So Saqcha'a Na'añaxac Qui'itta da Ñim Lo'onatac 'Enauacna ỹa'axat da qaica ca qarasouaxashet.

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Éxodo 32:16

Qaq nacheñi Ñim Lo'onatac 'Enauacna da maiche lo'onataqa soomaye, qataq Ñimaye maiche lerec som nanettalecpi se'esoua coma'ye.

Éxodo 34:29

Qaq co'ollaq ime, nache so Moisés huenoteeguesop aso qasoxonaxa Sinaí, qaq nachetrañi soua dos coma'ye maye nanettaleguete soua diez nqataxaco. Qataq somaye co'ollaq huenotec, nache saishet da nanoma da 'ettaigui da lashiguiỹaxac souaxat da detaqtague' Ñim Nataxala'.