Éxodo 32:14 - La'aqtaqa Ñim Lo'onatac 'Enauacna 2013

¹⁴ Nache Ñim Nataxala' nmooñi da layeloxo, nache ỹaxaañi da ỹauotaique nmatchiguiñi so lalamaxat nhuo' le'ecpi.

Éxodo 32:14 Referans Kwoze

Jonás 3:10

Qaq Ñim Lo'onatac 'Enauacna, co'ollaq ila'a da so netaña ye Nínive ỹaxanec nam qauem maye ỹo'ottacpi, nache Ñimaye saishet da ipaca'a da ilaxachigui.

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

1 Crónicas 21:15

Qataq Ñim Nataxala' namaxa ye Jerusalén so lamaxashec piguem le'ec da yaqto' nlaxaañi yemaye, qalaxaye co'ollaq ñaq nlaxattapiguiñi yemaye, nache Ñim Nataxala' ilota'a somaye, nache huo'o da ntogotaxac da ỹauo'o da nhuaxanaguec somayepi. Nache 'enapega somaye 'eeta': «¡A'aye qome, saishet da qoqueto'ot de'era!» Qaq som lamaxashec piguem le'ec Ñim Nataxala' hueta'a co'ollaxa ye sa qaỹapeque so lchegoxosoxonqa' so Ornán, som jebuseo.

2 Samuel 24:16

Qaq so nale piguem le'ec Ñim Nataxala', co'ollaq mashe huotaique da nlaxaañi ye Jerusalén, nache Ñim Nataxala' ntogottague' de'era qauem maye ỹo'ot, nache 'enapega so lamaxashec piguem le'ec maye ỹalauattac se'eso shiỹaxauapi, 'eeta': «¡A'aye, 'axaañi de'era 'auo'ottac!» Qaq se'eso namaxashec piguem le'ec, hueta'a co'ollaxa ye lchegoxosoxonqa' so Arauna som jebuseo, maye ichegoqtac na trigo.

Jonás 4:2

Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Jeremías 26:19

¿Qaq peta'a so nta'a Ezequías qataq 'enauac so nhuo' le'ecpi ye Judá, ỹalauat co'ollaxa so Miqueas? 'A'i, maye nacherata da so nta'a huo'o co'ollaxa da lcolanaxa Ñim Nataxala', nache iỹaxanot da yaqto' ichoxoren somayepi. Huaña nache Ñim Nataxala' saishet co'ollaxa da namaxa somayepi cam qauem maye ỹa'axatta'a co'ollaxa. Qalaxaye qomi' sauoqtaique da maiche qomi' taleguete ca qauem.»

Deuteronómio 32:26

Qaq Aỹem iuennataxa co'ollaxa da selagaxattac namayepi, qataq ỹataqta sapalaxat namayepi ana 'alhua,

Éxodo 33:13

Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Génesis 6:6

nache ỹataqta huo'o da nqui'ic souaxat da ỹo'ot co'ollaxa so shiỹaxaua.

Números 14:20

Nache Ñim Nataxala', 'eeta': Aja', Aỹem 'am salaxaguet da sechoxoren namayepi.

Deuteronómio 10:10

«Qaq aỹem sootasheguemec co'ollaxa añi qasoxonaxa soua cuarenta na'axa'te qataq cuarenta pe', da 'eeta'am so hua'auchiguiñi da soota'a añimaye, qaq Ñim Nataxala' aỹem na'axaỹaxana, nache saishet da ipaca'a da qami' ilaxachiguilo,

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Amós 7:3

Huaña, nache Ñim Nataxala' huo'o da lchoxonnataxanaxa, nache 'eeta': ¡Aỹem saishet qome da sepaca'a da so'ot de'era!

Amós 7:6

Huaña nache Ñim Nataxala' huo'o da lchoxonnataxanaxa, nache 'eeta': ¡Nataqa'en de'era, saishet qome da sepaca'a da so'ot!