Éxodo 32:12 - La'aqtaqa Ñim Lo'onatac 'Enauacna 2013

¹² ¿Ta'ainco' ctaxa da 'aua'aqta'a da huo'o ca la'aqtac ye Egipto le'ecpi da, 'eeta'?: ‹Ñim Lo'onatac 'Enauacna nqatec yemayepi, cha'aye huotaique da choche ỹalauat, hualec naqa'en añi qasoxonaxa, qataq nshetaique da choche ỹapalaxat, yaqto' saishet da huetalec ana 'alhua›. Qaq ỹoqo'oye 'am shenapega da 'aỹa'axaañi da 'annogonaxac, qataq 'aỹa'axaañi da 'anshetaique da 'ana'aqchet ye 'aralamaxat nhuo' le'ecpi.

Éxodo 32:12 Referans Kwoze

Deuteronómio 9:28

yaqto' na lma' yi'iye 'alhua maye qomi' 'auachegoxotchiguiñalo, saishet da 'eeta': Ñim Nataxala' saishet da ỹañoxot da inoxonaqcheteua'a ye 'alhua maye ỹachaxanapeguem co'ollaxa yemayepi, souaxat da choche nquiỹatega yemayepi, nache ỹauega da yaqto' ileuaña naqa'en ye toolec 'alhua.

Josué 7:9

Cha'aye na Canaán le'ecpi qataq 'enauac nam netalec na 'alhuapi qom ỹaỹaten de'era maye huaña ne'ena, nache namayepi huaxaỹa't qome da qomi' iloquiaxa'n, huaña nache saishet da huo'o ca no'onañi da shenaqta. Huaña nache ¿ca 'eetec qome da la'amaqchec da 'are'enaxat?»

Éxodo 32:14

Nache Ñim Nataxala' nmooñi da layeloxo, nache ỹaxaañi da ỹauotaique nmatchiguiñi so lalamaxat nhuo' le'ecpi.

Zacarías 8:14

'Era da la'aqtac Ñim Nataxala' maye Qaica ca Ỹaqalanapec 'eeta': «Aỹem maiche iuennataxac co'ollaxa, da sauo'o da nhuaxanaguec som qauachegoqoiguet qarta'ailpi, co'ollaq aỹem inogoqchet, nache saishet da ñetogottac.

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

Amós 7:6

Huaña nache Ñim Nataxala' huo'o da lchoxonnataxanaxa, nache 'eeta': ¡Nataqa'en de'era, saishet qome da sepaca'a da so'ot!

Amós 7:3

Huaña, nache Ñim Nataxala' huo'o da lchoxonnataxanaxa, nache 'eeta': ¡Aỹem saishet qome da sepaca'a da so'ot de'era!

Ezequiel 20:22

qalaxaye sha'axaneguet co'ollaxa damaye, souaxat dam la'amaqchec da ỹe'enaxat, yaqto' saishet da saiyacnapec da ỹe'enaxat nam ỹotta'a't shiỹaxauapi, maye ỹauaachigui co'ollaq ñeqateeguesop ye Egipto namayepi.

Ezequiel 20:14

qalaxaye souaxat da la'amaqchec da ỹe'enaxat, nache saishet da so'ot damaye, qataq yaqto' saishet da saiyacnapec da ỹe'enaxat nam ỹotta'a't shiỹaxauapi maye ỹauaachigui co'ollaq ñeqateeguesop ye Egipto namayepi.

Ezequiel 20:9

Qalaxaye souaxat da la'amaqchec da ỹe'enaxat, qataq yaqto' saishet da qauem da na'aqtaguec namayepi da ỹalectaigui na ỹotta'a't shiỹaxauapi, cha'aye nache ỹalecta'aguet co'ollaxa ne'ena ỹotta'a't shiỹaxauapi co'ollaq ñachaxana namayepi, qataq co'ollaq sachaxanapeguem da ñeqateeguesop ye Egipto.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Salmos 90:13

'Am Nataxala', ñaq qomi' 'añe'eguelaxalo, ña 'auchoxoren qome ne'ena 'aralamaxat 'aramaxashecpi.

Salmos 85:3

Qataq 'avia'axaneguet 'enauac da 'aralemataic, qataq 'anllañi da ỹataqta lta'araic 'annogoxonaxac.

Salmos 78:38

Qalaxaye Ñimaye huo'o da lchoxonnataxanaxa namayepi, nache ichoxoren da ỹapalaxat na qauemsat, maye ỹo'ot namayepi qataq saishet da nlaxaañi, qataq qalota naxa da choche ỹacha'ague da laỹe da lalemataic.

Salmos 74:18

Ña 'auennata'a qome 'Am Nataxala', da na 'am ipa'agueetacpi ỹataqta 'am ỹe'enai', qataq na shiỹaxauapi maye qaica ca ỹaỹaanapec, ỹataqta qauema naua la'aqtaqa da 'am detaqtega.

Esdras 10:14

Qaq 'onaxaic da ndotec na qarataxala'pi da no'onañi da detaxaỹapigui de'era, nache sa iuen da salegaqtauo. Qaq qom ime, nache qaỹauo'o ca laloqo' da anac 'enauac na huaroneguet na 'alpi maye chegaqauec, qaq namayepi nache lỹateuo qome ca lataxala'pi qataq ca nmit qataq ỹaỹaxaañi ca nasouaxashet. Nache ivitta'a da vi'iguet de'era lta'araic lalemataic Ñim Qanatamnaxala' souaxat nam qarasouaxashetpi.

Josué 7:26

Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

Génesis 6:6

nache ỹataqta huo'o da nqui'ic souaxat da ỹo'ot co'ollaxa so shiỹaxaua.

Éxodo 33:13

Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

1 Samuel 12:22

Qaq Ñim Nataxala' souaxat da llo'oxoyec da le'enaxat, nache saishet da qami' ca'aisalo, cha'aye Ñimaye ỹauotaique da qami' lalamaxatpi nhuo' le'ecpi.

1 Reyes 8:51

Cha'aye ne'ena nhuo' le'ecpi, maiche 'aralamaxat, qataq namayepi 'anqateeguesop co'ollaxa ye Egipto, maye 'eeta'am aca nqatelaxaqui na lcat.

Jeremías 28:16

Qaq ỹoqo'oye Ñim Nataxala', 'eeta': ‹Aja', Aỹem 'am samaq, qalaxaye 'am samaq da yaqto' 'am sapalaxat ana'ana 'alhua. Qaq nachena ne'ena vi'i, nache 'am 'aleu, cha'aye 'auo'otec ne'ena shiỹaxauapi da Aỹem dataỹa'aguet.›»

Joel 2:17

Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Números 14:19

Qaq souaxat de'era lta'araic 'arsoxoyec, nache 'auapalaxat nagui na qauem maye ỹo'otpi ne'ena nhuo' le'ecpi, cha'aye chegoqchiguiña co'ollaxa ye Egipto da ỹataqta 'anhualaxaueetague' choche 'anviraxatta'a ne'ena.»

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.