Éxodo 32:10 - La'aqtaqa Ñim Lo'onatac 'Enauacna 2013

¹⁰ ¡Qaq nagui, nache Aỹem 'aua'aqta'a, ten mashe 'eroigui da ỹalemataic, nache ñematchiguiñi qome yemayepi! Qaq 'am, qalaxaye 'am sachegoxotchigui qome ca qalota shiỹaxauapi.»

Éxodo 32:10 Referans Kwoze

Deuteronómio 9:14

Qaq aỹem 'aua'aqta'a qome da selaxachigui qataq ỹataqta pal ñaqa'en da le'enaxat yemayepi ana'ana 'alhua. Qalaxaye 'am sachegoxotchigui qome ca qalota ỹotta'a't shiỹaxauapi, 'añaxaicpi qataq napacalec ye lcata yemayepi.›

Números 14:12

Aỹem ñamaxa qome namayepi ca nalolaxa maye dalaataxanapec da ñelaaxaañi, qalaxaye 'am qalota qome ñaqa'en ca 'am chegoxoguetpi, qataq napacalec qome da la'añaxac namayepi.»

Deuteronómio 9:19

Qaq aỹem ỹataqta shi'iỹa se'eso layeloxo, qataq lalemataic Ñim Nataxala', souaxat da huotaique da ỹataqta qami' ilaxachiguilo. Qalaxaye ishet da qaltaq aỹem na'axaỹaxana Ñimaye.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Éxodo 32:19

Qaq co'ollaq sa qaỹapeque so mataqa' maye qanayeuta'a, nache so Moisés ila'a co'ollaxa so ne'enaqtac huaca llalec, qataq so dasottacpi, nache somaye ỹataqta 'eroigui da lalemataic, nache nhuaxaayiñi soua nasoqta'alo coma'ye, ỹataqta dolachiguilo naqa'en huaña so loigue añi qasoxonaxa.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 22:24

nache ỹataqta lta'araic da ỹalemataic. Nache qami' seroleguete ca ỹeelonec da qami' salaua't, nache ishet da pa'aipi aca qaramoxouaipi, qataq ca qaỹa'alquipi nache saploqpi.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Jeremías 14:11

Qaq huaña nache Ñim Nataxala' aỹem 'enapega, 'eeta': «Saishet qome da Aỹem 'auỹaxanot da 'auỹaxanaique ca laỹamaxa ne'ena nhuo' le'ecpi.

Éxodo 33:3

Nache qanqo'oñiỹa ye 'alhua maye sa qoue na nallec. Qalaxaye Aỹem saishet da qami' seca'attaiguilo, ten qom qami' selaxachiguilo, souaxat da ỹataqta sa qaualaqai.»

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.