Éxodo 32:1 - La'aqtaqa Ñim Lo'onatac 'Enauacna 2013

¹ Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 32:1 Referans Kwoze

Hechos 7:40

Nache somayepi 'enapego' so Aarón maye lqaỹa so Moisés, 'eeta': «So Moisés qomi' nqateeguesopa ye Egipto, qalaxaye nagui sa saỹatenaq cam 'eetec camaye. Qaq ỹoqo'oye no'on da 'auo'ot cam 'are'enaqtac da yaqto' sho'oxorenaq qataq nacheca cam qomi' ỹauecta'agueta qome qataq qomi' npaxattaleguete.»

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

2 Pedro 3:4

Qataq qami' inatta'ape qome, 'eeta': «¿Hua'ague ca 'eetec cam qami' qaỹachaxanapecoto lle'eguelaxasoxoc So Cristo? Ye choche ivitta'a da ileu so hua'au qarta'alpi, qalaq ñaq 'eetalec da lataxac ana 'alhua, chegoqta'a co'ollaq cheta'ague da qaỹo'ot.»

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Mateo 24:48

Qalaxaye saloqnaxanaxa da huo'o ca namaxashec qauemaic, nache 'eeta' da lhuennataxac: «Que'eca ña'aco' qaỹoqtegue da taigue nache qaỹaloqta da ñe'eguelaq»,

Hechos 17:29

Ỹoqo'oye nagui da ỹoqta 'en da qomi' llalaqpi Ñim Lo'onatac 'Enauacna, nache saishet da 'eeta'am ñaqa'enaq Ñimaye ca choche ne'enaqtac nqui'i maye chegaqaigui na oro, huo'otaq na plata qataq na coma' maye maiche lo'onatac ca shiỹaxaua ỹachegoxotchigui ca maiche lhuennataxac.

Hechos 19:26

Qalaxaye qami' mashe qauauañiichigui, qataq qaua'aqaichigui da se'eso Pablo, somaye 'eetega da na ne'enaqtacpi maye qanatameetacotpi maye maiche qaro'onatac, namayepi saishet da ỹoqta 'en da deca'alaqtaxan. Qaq somaye ỹataqta qalota na ỹañoxot da ỹa'amaqten dam 'eetega, qaq saishet da chaqnata na Éfeso, nataqa'en 'enauaque naua 'aleu' na 'alhua Asia.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Oseas 12:13

Qaq Ñim Nataxala' ỹachegoxotchigui so 'oonolec na'aqtaxanaxanec, da nqateeguesop ye Egipto na Israel le'ecpi, qataq do'ogoxona so 'oonolec na'aqtaxanaxanec da ilotague' namayepi.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 14:11

Nache somayepi 'enapega so Moisés, 'eeta': «¿Peta'a saqaco' aca huachiquipi ye Egipto, yem qomi' 'anqateeguesopa da qomi' 'anauegalo na toolec 'alhua da qarleuqa'? ¿Ta'ainco' da qomi' 'auo'oteque de'era? ¿Ta'ainco' ye qomi' 'anqateeguesopa ye Egipto?

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Génesis 44:15

Nache so José 'enapegalo', 'eeta': «¿Ta'ainco' da aỹem qauo'ochec de'era? ¿Sa qauaỹaañiỹo' peta'a da ca shiỹaxaua maye 'eeta'am aỹem ishet da ilaviigui ca lỹa?»

Josué 7:13

Qaq ỹoqo'oye qoñisheguem nagui, nache qonapega na nhuo' le'ecpi da naỹamaxat, qataq ỹataqta nqui'itaxatta namayepi yaqto' Aỹem nachaateua'a qoyo'oxoñi. Cha'aye aỹem Nataxala' maye Natamnaxala' na Israel le'ecpi, 'era da ỹa'aqtac, 'eeta': ‹'Am Israel, 'auacona co'ollaxa nam iuen da ỹataqta 'enauac da qailaxachigui, qaq ỹoqo'oye qom saishet da 'aulaxachigui qataq da sa 'auasaxauec namayepi, nache sa 'aushet qome da 'auataỹa'aguet na 'ampa'aguenaxauapi.›

Éxodo 33:3

Nache qanqo'oñiỹa ye 'alhua maye sa qoue na nallec. Qalaxaye Aỹem saishet da qami' seca'attaiguilo, ten qom qami' selaxachiguilo, souaxat da ỹataqta sa qaualaqai.»

Génesis 44:4

Qaq co'ollaq saxanaxa da qaỹoqteueeguelo soomaye da quera'ai yem huaqta'a't nỹecpi, nache so José 'enapego' so ilotague' so lma', 'eeta': «'Aue qome, 'aucaaleguete se'esoua shiỹaxau', qaq qom 'avi't soomaye, nache qonapegalo, qoneta': Aỹem qami' so'oteque da ỹaỹamaqchiguiñi, qaq nagui qalaq ¿Ta'ainco' ye aỹem qauo'ochec da qauem? ¿Ta'ainco' da qaucachiỹai aca ỹomaxaqui maye chegaqaigui na plata,

Génesis 39:8

Qalaxaye so José saỹaỹamaxaren co'ollaxa damaye, nache 'enapego' asomaye, 'eeta': «'Am 'auaỹateeta da so ña'aco' aỹem ipataxalec da selo'ogue 'enauac nam logoxoshetpi. Qaq nagui da soota'a ne'ena, nache somaye qaica ca lhuogoxo.

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Mateo 24:43

Qaq ỹoqta 'eesa de'era qami' sa'aqtaxanema da ca lalamaxat ca nỹec da huo'otaq ỹaỹaten ca laloqo' da nvi' ca cachaxaic, nache camaye nauaatac ca lma', da yaqto' saishet da qaicachiỹot.

Génesis 21:26

Nache so Abimelec ỹasateguet somaye, 'eeta': «Ỹataqta ivitta'a nagui da sa saỹaten de'era, qataq 'am, ye saq aỹem 'aua'aqtaxanem co'ollaxa. Nache aỹem sa saỹaten negue'to' cam ỹo'ot co'ollaxa de'era.»

Éxodo 20:23

Saishet qome da qauo'oche ca qare'enaqtaqui chegaqaigui na lcat oro huo'otaq na plata da yaqto' qanatamñiitacot da 'eeta'am Aỹem.

Éxodo 32:23

Cha'aye namayepi maichena da aỹem 'enapega, 'eeta': Qoñisheguem qome, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa co'ollaxa ye Egipto».

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Ezequiel 20:8

Qalaxaye somayepi Aỹem dataỹa'aguet co'ollaxa, nache saishet da Aỹem na'axaỹaxana, saishet da ỹaxanec na nqaigaxat natamnaxala'pi, qataq saishet da ca'ai na nqolacpi maye lalamaxat ye Egipto. Qaq Aỹem iuennataxac co'ollaxa da sematalec da ỹayeloxo somayepi, qataq da sauo'o ca nhuaxanaguec da huaña ye Egipto, choche ivitta'a da samachiguiñi da nmisheguem da ỹayeloxo.

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Éxodo 32:22

Nache so Aarón 'enapeco': «'Am ỹataxala', saishet qome da aỹem 'aualemataỹa. Qataq 'auaỹaten mque' da ne'ena shiỹaxauapi nqopita da ỹo'ot na sa ỹaỹamaxañi.

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

Deuteronómio 31:8

Qaq Ñim Nataxala', nacheñi Ñim hua'auta'ague qome da 'ata'ague, qataq 'am hueta'aguet, saishet da 'am ỹaxanec qataq da 'am ỹalat, qaq ỹoqo'oye saishet qome da 'añe'etac qataq da 'anlautapiguiñi.»

Salmos 106:19

Qataq co'ollaq huaña añi qasoxonaxa ye Horeb nache ỹo'ot so le'enaqtac huaca llalec, nache somayepi natamnot se'eso lqatelleguishec maye le'enaqtac.