Éxodo 30:34 - La'aqtaqa Ñim Lo'onatac 'Enauacna 2013

³⁴ Ñim Nataxala' 'enapega so Moisés, 'eeta': «'Aulaique qome aca ỹotta'a't huouepi maye ama da alaitaỹaxac, qataq 'eeta'a't 'anqa'en ye lcata ca 'auacona lcha'q aca ámbar, gálbano, qataq ca no'on nchenaxanaxat,

Éxodo 30:34 Referans Kwoze

Éxodo 37:29

So Besalel nataqa'en ỹo'ot so aceite maye ncoraxanaxat, qataq so nchenaxanaxat maye ama da laitaỹaxac, 'eeta'am na lo'onatac ca lo'o na coraxat.

Levítico 2:15

Qataq nache icorelec ca aceite qataq ỹachalec ca qo'oipaq lcha'q nchenaxanaxat ama na laita, cha'aye acamaye qaỹauo'o nachetaqtaxanaqte chegaqaigui ana ala ca nañiguishec.

Éxodo 30:23

«'Alaique qome aca ỹataqta no'on huoue maye ama da laitaỹaxac, nache seis kilos 'anqa'en ca ỹataqta no'on lcha'q le'enaxat mirra, qataq tres kilos ca lcha'q aca canela, qataq tres kilos ca 'eco' coqta maye ama da laitaỹaxac,

Éxodo 25:6

qataq ca aceite maye lalonaxat ana ncoỹaraxanaxaqui, qataq ca coraxat ama da laitaỹaxac lalegue na aceite, maye ncoraxanaxat da huo'o na qaicorelec, qataq na lalegue na nchenaxanaxat maye ama da laitaỹaxac,

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Nehemías 13:5

Ỹoqo'oye ỹanaigui so nanataxaqui lta'araic maye laponaxaqui co'ollaxa so nachetaqtaxanaxatpi, nchenaxanaxat ama na laita, nogoxoshetpi, qataq aso diezmo maye chegaqaigui so ala so trigo, lataxa, qataq so aceite, maye nachetaxat so leviitapi, qataq so no'onaxanaxanecpi, lasom lo'opi qataq so nachetaqtaxanaxat maye talec so ntaxaỹaxanaxanecpi.

Levítico 24:7

Nache 'auachaua'alo naua laỹel ca ndochiguiñi nchenaxanaxat ama na laita, nache 'auavigaxat camaye da yaqto' nmeneguet aca nachetaqtaxanaqte nauolepi, cha'aye naigui da qaiuennate da Ñimaye lalamaxat 'enauacna.

Levítico 5:11

Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Levítico 2:1

Qaq da huo'o ca 'oonolec da qoñiita da ỹanot Ñim Nataxala' aca lachetaqtaxanaqte, da chegaqaigui ana ala na nañiguishec maye ishet da qaỹo'ot na lsoche, nache icorelec ca aceite qataq ỹachalec ca qo'oipaq lcha'q nchenaxanaxat ama na laita.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 30:35

nache 'enauac camaye 'aualecna't da yaqto' 'auo'ot ca ỹataqta no'on da laitaỹaxac nchenaxanaxat, 'aue'enaxatchigui ca lo'o na coraxatpi da ỹo'ot ca ỹotta'a't coraxatpi.

Éxodo 31:11

qataq ca ncoraxanaxat qataq ca nchenaxanaxat maye ama da laitaỹaxac, nataqa'en ca npe'l. Qaq ñiimaye ipacchigui qome da ỹo'o't 'enauac na 'am samaxalec.»

Éxodo 35:15

qataq aca lca'atoxolate ca nchenaxanaxat, qataq caua 'epaxaye maye lachoxola'ate, qataq ca aceite maye ncoraxanaxat, qataq ca nchenaxanaxat maye ama da laitaỹaxac, qataq ca lapoxonaxat ca ñegueuo que'eca npe'l,

Levítico 16:12

Ime, nache ỹacona aca nchenaxanaxat laỹe' maye nlaqchigui aca poqo maye ỹachegoxotalec añi nca'atoxonaxalate, qataq ca lsoche ca nchenaxanaxat maye ama na laita ỹauota'a dos napocna da ỹacona, nache iroua'a ye pa'auo ñi lapoxonaxat ñi npe'l,

Números 4:16

Qaq so Eleazar, maye llalec so ntaxaỹaxanaxanec Aarón, nacheso so pa'aiguet da ilo'ogue ca aceite maye lca'atoxot ana ncoỹaraxanaxaquipi, qataq ca nchenaxanaxat maye ama da laitaỹaxac, qataq ca nachetaqtaxanaxat maye chegaqaigui ana ala ca nañiguishec, qataq ca aceite maye ncoraxanaxat. Qataq ilo'ogue ca npe'l, qataq 'enauac ca sa qaishetapec logoxoshetpi camaye.»

Isaías 43:23

Saishet da aỹem 'aỹa'anot aca 'arachetaqtaxanaqte qagueta maye qaỹavigaxatta. Qataq aca 'arachetaqtaxanaqte da aỹem 'avio'oxoren, Aỹem saishet da 'am ñasamaqchiiñi da 'am sequicto'ot, huo'otaq da 'am sa salemaxat da 'am sequicto'ot da 'auo'ot ca 'archenaxanaxat ama na laita.

Éxodo 30:7

Qaq 'enauaque naua na'axa'te, nache ye nte'eta, ñi Aarón huapegue' da ỹaỹamaxaañi aca ncoỹaraxanaxaquipi, nache nataqa'en ỹavigaxat ca nchenaxanaxat maye ama da laitaỹaxac, ỹachalec aca nca'atoxonaxalate.

Números 7:14

qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat,