Éxodo 30:24 - La'aqtaqa Ñim Lo'onatac 'Enauacna 2013

²⁴ qataq seis kilos ca casia, qataq ca seis litro ca aceite. Qataq nache ipacchigui aca lasheue maye qoỹaneua'a ca npe'l.

Éxodo 30:24 Referans Kwoze

Salmos 45:8

Qaq 'enauac na 'ogoxot ỹataqta quichigui da laitaỹaxac na coraxat maye chegaqaigui ana mirra, áloe, qataq ana canela. Qataq da l-lamaxa ana nviquepi maye huo'oi naua lque'ete, ỹo'ot da 'antonaxac da qouetaigui ca nỹec lta'araic maye llo'oxoraxat na marfil.

Éxodo 29:40

Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

Ezequiel 45:12

Qaq nache 'eeta'am nataqa'en da huo'o ca qanaloten ye lsallaxa: Ca siclo qalaq ivi' diez gramos, qaq ca sesenta siclos maye 'oonole mina qalaq ivi' seiscientos gramos.

Números 15:5

Nache 'enauac que'eca nachetaqtaxanaxat qagueta llalec, huaqtalec qanqa'en ca un litro ca lataxa.

Números 3:47

nache qaisheetenaxana aca cinco lcatpiole plata da qaisheeten ñi 'oonolec, maye ivi' once gramos ye lsallaxa, cha'aye nachañi añi lasheue da huaña ñi npe'l,

Levítico 19:36

Nacherata da qauo'ogoxoñiỹa aca naloqnaxaqui ca 'etaxat, qataq ca naloqnaxanaxat, qataq aca naloqnaxanaxaqui maye ỹataqta nalochiguiñi da huo'o ca qanaloqten. Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto.

Éxodo 30:23

«'Alaique qome aca ỹataqta no'on huoue maye ama da laitaỹaxac, nache seis kilos 'anqa'en ca ỹataqta no'on lcha'q le'enaxat mirra, qataq tres kilos ca lcha'q aca canela, qataq tres kilos ca 'eco' coqta maye ama da laitaỹaxac,

Éxodo 30:25

Nache 'enauac camaye 'aualecna't da yaqto' 'auo'ot ca ncoraxanaxat, 'aue'enaxatchigui ca lo'o na coraxat da ỹo'ot camaye. Qaq que'eca ncoraxanaxat nache lcoraxat da huo'o ca qoỹaneuo da yaqto' qaiỹotauga,