Éxodo 30:20 - La'aqtaqa Ñim Lo'onatac 'Enauacna 2013

²⁰ Nache da inoxooreua'a ca npe'l, huo'otaq da taua'alo aca nca'atoxonaxalate da yaqto' Aỹem ỹanoto aca nachetaqtaxanaqte maye qaỹavigaxat,

Éxodo 30:20 Referans Kwoze

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

1 Crónicas 13:10

Huaña nache Ñim Nataxala', dalemataỹa so Uzá souaxat da ỹauota'a na lhuaq da nllañi aso arca maye laỹe' soua nqataxaco, qaq nache huaña yemaye da nqat da nachaalataxac somaye.

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Hechos 5:10

Huaña, nache asomaye huañi, nache ileu, huaña ca hueta'a so Pedro. Qaq co'ollaq nnoxooreuo soua nso'q, nache ilaleguete asomaye, nache nqatre'c da ilalyiñi, ỹauaxaỹaxaatre' so lhua.

Éxodo 30:19

yaqto' ñi Aarón qataq ñeua llalqa da iuen ca 'etaxat da iỹoi' naua lhuaxaye qataq naua lchel, nache ỹachegoxotangui camaye.

Éxodo 30:21

nache iỹoi' naua lhuaxaye qataq naua lchel. Yaqto' saishet da ileu'. Qaq 'era qome da nache 'eetai' lataxac da llec da lo'onataxanaxac ñi Aarón qataq cam chegoxoguetpi».

Éxodo 40:31

Qaq nacheso se'eso nỹoxonaxaqui so ỹachegoxottapiguingui na 'etaxat so Moisés, qataq so Aarón qataq soua llalqa so Aarón da iỹoi' naua lhuaq, qataq naua lchel.

Levítico 8:6

Nache so Moisés, ỹamaxalec da nquigueuo so Aarón qataq soua llalqa, nache nỹoi' naqa'en ỹauota'a so 'etaxat.

Levítico 16:4

Qataq da huenoxoneuo, nache ỹa'auaxaañi nachel. Ime, nache ỹaayiñi soua lpa'axanaqa'ate, qataq napogoña so lapo' ca ntaxaỹaxanaxanec, qataq nsaachigui so lasot alaxa, qataq so lqaic alaxa soua alogo maye chegaqaiguilo na lino maye lalamaqa'ate da ntaxaỹaxanaxanec.