Éxodo 30:19 - La'aqtaqa Ñim Lo'onatac 'Enauacna 2013

¹⁹ yaqto' ñi Aarón qataq ñeua llalqa da iuen ca 'etaxat da iỹoi' naua lhuaxaye qataq naua lchel, nache ỹachegoxotangui camaye.

Éxodo 30:19 Referans Kwoze

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Salmos 26:6

Ỹoqo'oye seỹote' naua ihua'q, maye qaica ca ỹasouaxa't, cha'aye sauotaique da secoleetacot añi nca'atoxonaxalate maye 'aralamaqte,

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Éxodo 30:20

Nache da inoxooreua'a ca npe'l, huo'otaq da taua'alo aca nca'atoxonaxalate da yaqto' Aỹem ỹanoto aca nachetaqtaxanaqte maye qaỹavigaxat,

Levítico 8:6

Nache so Moisés, ỹamaxalec da nquigueuo so Aarón qataq soua llalqa, nache nỹoi' naqa'en ỹauota'a so 'etaxat.

Éxodo 29:4

Ime, nache 'auauegueua'alo ca lasom ca npe'l, ñi Aarón qataq ñeua llalqa nache 'auamaxaleguete da nache'l,