Éxodo 30:15 - La'aqtaqa Ñim Lo'onatac 'Enauacna 2013

¹⁵ qataq da ỹaneuo aca lsheetenaxanaqte, nache que'eca sallaxanec, saishet qome da napacalec aca cinco gramos ca lcat plata aca ỹaneuo, qataq ca choxoraq nataqa'en saishet da desheetenaxana aca sa ivi' aca cinco gramos ca lcat plata.

Éxodo 30:15 Referans Kwoze

Números 31:50

Ỹoqo'oye ñi 'oonolec qomi' sanaxauo 'enauac nam saconaxa co'ollaxa: oro, nhuaxashecpi, chiguishaqtepi, nshetepi, nqolacpi qataq na laỹe 'otaxatpi da sanqot Ñim Nataxala' da qarachetaqtaxanaxat da yaqto' qaỹapalaxat na qarasouaxashetpi.»

Efesios 6:9

Qataq qami' 'aco'pi, iuen nataqa'en da ỹataqta qaue'enaxacheeteguet qome na qarlataquipi. Saishet da qauayiñiitalec. Qauennachiỹa'a da qami' qataq namayepi qoviito'ot Ñim Nataxala' maye neta'ague da piguem, qaq Ñimaye saishet da lca'atagui na shiỹaxauapi.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Levítico 17:11

Cha'aye 'enauac na huo'o da lca'alaxa, namaye chegoqchigui na ltago'q da nca'altauec. Ỹoqo'oye qami' sanema da huaña añi nca'atoxonaxalate da Aỹem qaỹa'añiỹot ca ltago'q na shiguiỹacpi, qataq nache chegoqchigui camaye da sapalaxat ca qarasouaxashichi.

Éxodo 30:12

«Da ivita da 'auo'ot aca ne'enaxat lmalate da 'analoqna't ye Israel le'ecpi, nache ñi 'oonolec yemayepi ỹauo'o aca lsheetenaxanaqte da Aỹem ỹanot, da yaqto' lasheue da nachaalataxac, yaqto' saishet da huec naua ỹotta'a't napaxaco maye ishet da qanlema.

Colosenses 3:25

Qalaxaye 'enauac nam ỹo'ottac ca sa ỹaỹamaxañi, qalaq Ñim Lo'onatac 'Enauacna ỹauo'o ca nhuaxanaguec, ipagaqchiichigui cam qauem maye ỹo'ottac. Cha'aye Ñimaye saishet da lca'atagui na shiỹaxauapi.

Proverbios 22:2

Ca sallaxanec qataq ca choxoraq caamaye nache 'eeta'a't, cha'aye caamaye maiche lo'onataqa Ñim Nataxala'.

2 Samuel 21:3

Nache so David, inat co'ollaxa somayepi, 'eeta': Qaq ¿negue'to' taxa ca qami' so'oteque, da yaqto' 'onaxaic qanqa'eñi ca talec ne'ena nhuo' le'ecpi maye lalamaxat Ñim Nataxala'?

Éxodo 30:14

Qataq 'enauac cam 'ereguishecpi maye napacalec ye veinte vi'i da nachaalataxac, iuen da ỹaneuo aca lsheetenaxanaqte da Aỹem ỹanot,

Éxodo 30:16

Qataq nache 'am qome da 'auaconeguet aca'aca nsheetenaxanaqte da qaisheeten da achaalataxac. Ime, nache 'aỹa'anem ca ntaxaỹaxanaxanecpi da yaqto' isheeten 'enauac nam qaỹo'otpi maye huaña ca npe'l. Qaq damaye nache ỹo'ot da Ñim Nataxala' mashe ỹaỹaten da na Israel le'ecpi mashe isheeten da nachaalataxac».

Éxodo 38:26

Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.

Ezequiel 45:16

Qaq 'enauac na nhuo' le'ecpi maye hueta'a ne'ena 'alhua, ỹaneua'a qome aca'aca lachetaqtaxanaqte ca nta'a na Israel,