Éxodo 30:14 - La'aqtaqa Ñim Lo'onatac 'Enauacna 2013

¹⁴ Qataq 'enauac cam 'ereguishecpi maye napacalec ye veinte vi'i da nachaalataxac, iuen da ỹaneuo aca lsheetenaxanaqte da Aỹem ỹanot,

Éxodo 30:14 Referans Kwoze

Números 1:20

Nache so llalaqpi, qataq so chegoxoguetpi so Rubén, maye la'auaxanec llalec so Israel, qoỹiyiñi 'enauac na le'enaxatpi so ỹalleppi, maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalaxataxac, maye mashe ishet da taỹa ca alaataxac.

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Números 26:2

«Qauo'oche qome ca naneraguec, 'enauac na Israel le'ecpi cam ivi' qataq napacalec naua veinte vi'iye, maye mashe ishet da nalat. Qaq camayepi ỹataqtac qanqa'eñi cam chegoxoguetpi lta'alpi.»

Números 14:29

Nache 'enauac ne'ena Aỹem quetapeguelecpi ỹepi, maye napacalec naua veinte vi'iye da nachaalataxac nam mashe qoỹettauopi ileu qome, nache da lo'ocỹaxac laguelec ñaqa'en ye toolec 'alhua.

Números 1:18

nache lapona't 'enauac so Israel le'ecpi, huetoigui so la'auaxanec na'a'q soua dos ca'agoxoiqa se'eso vi'i. Nache qoỹereuo 'enauac so shiỹaxauapi maye huo'o na maiche lalamaxat llalaqpi, qataq na maiche nalamaxat nhuo' le'ecpi. Qaq 'era da 'eetec co'ollaxa qoỹereuo na le'enaxat 'enauac so ỹalleppi maye ivi', qataq so napacalec naua veinte vi'iye da nachaalataxac.

Números 1:3

maye ivi', qataq na napacalec naua veinte vi'iye, maye mashe ishet da taỹa ca alaataxac. Nache 'am itauan qome so Aarón da qa'aiyiñi ñi 'oonolec namayepi, da ime nache qauallecñiỹoigui na alleppi.

Éxodo 30:13

Qaq ñi 'oonolec que'eca 'ereguishecpi Aỹem ỹanot qome aca cinco gramos ca lcat plata, maye tachigingui na laiñi ye lcata aca nsheetenaxanaqte da qoỹaneua'a ca npe'l.

Éxodo 30:15

qataq da ỹaneuo aca lsheetenaxanaqte, nache que'eca sallaxanec, saishet qome da napacalec aca cinco gramos ca lcat plata aca ỹaneuo, qataq ca choxoraq nataqa'en saishet da desheetenaxana aca sa ivi' aca cinco gramos ca lcat plata.

Ezequiel 45:16

Qaq 'enauac na nhuo' le'ecpi maye hueta'a ne'ena 'alhua, ỹaneua'a qome aca'aca lachetaqtaxanaqte ca nta'a na Israel,

Ezequiel 45:12

Qaq nache 'eeta'am nataqa'en da huo'o ca qanaloten ye lsallaxa: Ca siclo qalaq ivi' diez gramos, qaq ca sesenta siclos maye 'oonole mina qalaq ivi' seiscientos gramos.