Éxodo 30:12 - La'aqtaqa Ñim Lo'onatac 'Enauacna 2013

¹² «Da ivita da 'auo'ot aca ne'enaxat lmalate da 'analoqna't ye Israel le'ecpi, nache ñi 'oonolec yemayepi ỹauo'o aca lsheetenaxanaqte da Aỹem ỹanot, da yaqto' lasheue da nachaalataxac, yaqto' saishet da huec naua ỹotta'a't napaxaco maye ishet da qanlema.

Éxodo 30:12 Referans Kwoze

Números 31:50

Ỹoqo'oye ñi 'oonolec qomi' sanaxauo 'enauac nam saconaxa co'ollaxa: oro, nhuaxashecpi, chiguishaqtepi, nshetepi, nqolacpi qataq na laỹe 'otaxatpi da sanqot Ñim Nataxala' da qarachetaqtaxanaxat da yaqto' qaỹapalaxat na qarasouaxashetpi.»

1 Crónicas 27:24

Qaq so Joab, maye llalec aso Seruyá, ỹacoolec co'ollaxa da ỹo'ot aso ne'enaxat lmalate, qalaxaye saishet da imat, cha'aye nachaso asom ỹo'ot da talec da nhuaxanaguec so Israel le'ecpi. Qaq ỹoqo'oye saishet da nanettalec aso nere maye huetalec da na'aqtaguec so nta'a David.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Salmos 49:7

namayepi saishet da nca'alaxatec ca lỹa, qataq saishet da isheeten Ñim Lo'onatac 'Enauacna da yaqto' nca'alec camaye.

1 Timoteo 2:6

So Jesús ỹan co'ollaxa da lalamaxat nachaalataxac da yaqto' nca'alaxatec 'enauac na shiỹaxauapi ana 'alhua. Qaq nache chegoqchiguiña, da Ñim Lo'onatac 'Enauacna qomi' ỹachaxanalo da huotaique da nca'alaxatec 'enauac na shiỹaxauapi.

Marcos 10:45

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac, qataq ñanac da sesoueeguesop na lasouaxashetpi na shiỹaxauapi, qataq san da ñachaalataxac da lasheue damaye.

Da na'aqtaguec so Job 36:18

Qataq 'antela'aguet qome da choche 'am qaisheeten, qataq saishet da 'anañaneguet da 'am loxonec da nsallaxa.

Da na'aqtaguec so Job 33:24

souaxat da ichoxoreetac camaye, nache nqouagaxaunot Ñim Lo'onatac 'Enauacna, 'eeta': «Ñaq 'anca'alaxateeguesop da l-leuaxa, cha'aye mashe huo'o ana lasheue da yaqto' nca'alec»,

2 Crónicas 24:6

Huaña nache so nta'a, iỹaxaneuga so Joyadá som lataxala' so ntaxaỹaxanaxanecpi, nache 'enapega 'eeta': «Ta'ainco' da sa 'auỹalapegue' da qonapega nam leviitapi da ndouo aca lachetaqtaxanaqte na lma' na Judá, qataq na Jerusalén, maye so Moisés, som lamaxashec Ñim Nataxala' ỹamaxalec co'ollaxa so Israel le'ecpi da yaqto' iroua'a so npe'l maye netaña aso laỹe' da aỹamaxataxac.»

1 Crónicas 21:14

Qaq huaña nache Ñim Nataxala', talec naqa'en ye Israel so nalolaxa, nache ileu so setenta mil Israel le'ecpi.

1 Crónicas 21:12

Tres vi'iye ca nqouaxa, huo'otaq tres ca'agoxoiqa da 'ancanaguec, da 'am icaatac na 'ampa'aguenaxauapi da 'am irolec na lainec, huo'otaq caua tres na'axa'te da Ñim Nataxala' talec naqa'en ca nalolaxa 'enauac na 'alhua na Israel.» Qaq nagui ñaq 'auo'ot cam 'arasataxac yaqto' sa'aqtaxanem ñim aỹem namaq.

Éxodo 30:11

Ñim Nataxala' 'enapega so Moisés, 'eeta':

Números 31:49

nache, 'eeta': «Qomi' ñaloqtenaqtega't 'enauac so alleppi maye seloqtague'pi, qalaq somayepi nalota't.

1 Crónicas 21:1

Qaq se'eso pa'aguenataxanaxaic dataỹa'aguet co'ollaxa so Israel le'ecpi, nache ỹayena'a so David da ỹo'ot aso le'enaxat lmalate so Israel le'ecpi.

1 Crónicas 21:3

Qalaxaye so Joab, 'enapeco': Ñim Nataxala', cien qome da ỹe'eguelaxalec da nquigaxatec ye lcata na nhuo' le'ecpi; qalaxaye 'am ỹataxala'! ¿Peta'a saisheto' da 'enauac namayepi da 'aramaxashecpi? Qaq 'am ỹataxala' ¿ta'ainco' da 'auauotaique da 'auo'ot de'era maye taỹa'a da ỹo'ot ca lasouaxashet na Israel le'ecpi?

2 Crónicas 24:9

Ime, nache qaỹa'axatem 'enauac na lma' ye Judá, qataq ye Jerusalén da yaqto' iroua'a Ñim Nataxala' aso lachetaqtaxanaqte anom maye damaxasoxoolec co'ollaxa so Moisés, som lamaxashec Ñim Nataxala' maye ỹamaxalec so Israel le'ecpi co'ollaq huaña ye toolec 'alhua.