Éxodo 30:10 - La'aqtaqa Ñim Lo'onatac 'Enauacna 2013

¹⁰ Qataq ye 'oonolec vi'i nache huetoigui da ñi Aarón, ỹo'ot aca nachetaqtaxanaqte ỹavigaxat da yaqto' qaỹapalaxat ca lasouaxashet ca dalaxaic ñalaqpi, nache ca ltago'q aca nachetaqtaxanaqte maye qanhuaachigui ỹa'ame'n caua lcoue aca nca'atoxonaxalate. Nache aca'aca nca'atoxonaxalate ỹataqta sa qaishetapec».

Éxodo 30:10 Referans Kwoze

Levítico 16:18

Ime, nache ñi Aarón pa'auec, tauga da ỹo'ot da qui'itta naqa'en añi nca'atoxonaxalate maye ỹalamaqte. Nache ỹacona aca laỹe' ca ltago'q ca huaca qataq ca quetaq, nache ỹauota'alo naua llaxaata da ỹa'ame'n naua lsheeneqa naua lcouel qataq icoroto naua laỹel añi nca'atoxonaxalate.

Hebreos 9:25

So Cristo saishet da ỹe'eguelaqtalec da huenoxoneuo da, 'eeta'am na nachetaqtaxanaxat maye qaỹavigaxatta maye ỹo'ottac naxa na lataxala'pi na ntaxaỹaxanaxanecpi ana 'alhua, cha'aye namayepi 'oonolec da pa'auo naxa ye vi'i da ỹaareuo naua ntago'q maye saishet da lalamaxat.

Levítico 23:27

«Qaq ca na'a'q diez ca ca'agoxoic siete, camaye nache laloxoqui da qaỹapalaxat ca nasouaxashet. Nache que'eca na'a'q qauo'oche ca naponaxac lta'araic, qataq qanqouaqchichi, qataq qauavigaxache aca qarachetaqtaxanaqche da qaỹa'añiỹot Ñim Nataxala'.

Hebreos 9:7

Qalaxaye so pa'auo Ndaqa' maye sa Qaishetapec, qalaq nda'a't ca lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna ishet da taua'a, qalaxaye 'oonolec na'a'q ye vi'i. Ỹachetrauo naua ltago'q na shiguiỹac da ỹaneuo da yaqto' qaỹapalaxat ca maiche lasouaxashet, qataq nam Israel le'ecpi, qataq iỹaxanot Ñim Lo'onatac 'Enauacna da ỹapalaxat na lasouaxashetpi maye saishet da noma.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Apocalipsis 9:13

Qaq co'ollaq ivita so seis soua siete namaxa'she piguem lashe' da ỹashiiyigui aso lasheere. Nache sa'axaỹa so na'aqtac chemaqchiguingui na laiñi soua cuatro lcoue aso nca'atoxonaxalate maye chegaqaigui na oro maye netaña ye naloteuga Ñim Lo'onatac 'Enauacna.

Éxodo 30:9

Qataq aca'aca nca'atoxonaxalate saishet qome da 'auachalec da 'auavigaxat ca nchenaxanaxat maye qaỹachegoxotauec, qataq da 'auachalec aca nachetaqtaxanaqte maye 'auavigaxatta, huo'otaq aca nañiguishe ala, huo'otaq da 'aucorelec ca nachetaqtaxanaxat lataxa.

Éxodo 30:11

Ñim Nataxala' 'enapega so Moisés, 'eeta':

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Levítico 16:16

Qaq 'era da 'eetec da ỹo'ot da qui'itta naqa'en ye pa'auo ñi lapoxonaxat ñi npe'l maye netaña añi laỹe' naua aỹamaxataxaco, souaxat na lle'etaxaloxosat na Israel le'ecpi, qataq da sa ỹalaxaguet Ñim Nataxala', qataq sa iren da qui'itta lataxac. Qaq 'enauac de'era da nache 'eetec naqa'en ñi npe'l.

1 Reyes 1:50

Qaq so Adonías ye ỹataqta ñi'iỹa so Salomón, nache ỹe'egueneua'a so npe'l, huaña nache nasoqchiyiñi soua lcoue aso nca'atoxonaxalate.

1 Crónicas 6:49

Qaq so Aarón qataq soua llalqa, nachesoua soua pa'aỹa'agueta ana qoỹaneuo nachetaqtaxanaqtepi, maye qaỹasaxalec naxa aso nca'atoxonaxalate, maye lmalate anam nachetaqtaxanaqte maye qaỹavigaxatta, qataq aso nca'atoxonaxalate da qaỹavigaxat na nchenaxanaxat. Qaq nataqa'en huetague' 'enauac nam no'onataxanaxacpi maye hueta'a yem ndaqa' maye sa qaishetapec, qataq da yaqto' qaỹapalaxat nam lasouaxashetpi so Israel le'ecpi, da yaqto' ipacchigui da lamaxasoxonaxac co'ollaxa so Moisés, maye lamaxashec Ñim Lo'onatac 'Enauacna.

Levítico 4:7

Qataq ỹa'ame'n naua lsheeneqa ñeua lcoue añi lca'atoxolate na nchenaxanaxat maye ama na laita maye netaigui ñi npe'l. Qaq ca no'onañi ltago'q ca huaca llalec, nache icorot na pa'aguiñi añi nca'atoxonaxalate da huo'o na qaỹavigaxat maye netaña ye ñegueuo ñi npe'l.

Levítico 4:18

Qataq nache ỹa'ame'n naua lsheeneqa ñeua lcoue añi lca'atoxolate na nchenaxanaxat ama na laita, maye netaigui ñi npe'l. Qaq ca no'onañi ntago'q, nache icorot na pa'aguiñi añi nca'atoxonaxalate da huo'o na qaỹavigaxat, maye netaña ye ñegueuo ñi npe'l.