Éxodo 3:4 - La'aqtaqa Ñim Lo'onatac 'Enauacna 2013

⁴ Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Éxodo 3:4 Referans Kwoze

Deuteronómio 33:16

qataq da ỹataqta no'on alaỹaxac na 'alhua, qataq da sa qoue ana ala na nañiguishec, chegoqchigui da maiche 'eetapeguec Ñim netaigui co'ollaxa asotai' 'epaqole maye 'ettaigui. Nache 'enauac damaye talec naqa'en so José, som qaiỹotauga maye chegaqaigui so lqaỹañecpi.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

1 Samuel 3:8

Qalaxaye Ñim Nataxala' mashe tres da ỹe'eguelaxalec da iỹaxana so Samuel, nache somaye ñisheguem, nache taua'a so hueta'a so Elí, nache 'enapega, 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Huaña, nache so Elí ỹaỹaten da nacheñi Ñim Nataxala' ñi iỹaxaatega se'eso nsoq.

1 Samuel 3:6

Qalaxaye Ñim Nataxala' qaltaq ỹe'eguelaxalec da iỹaxana, 'eeta': ¡Samuel! Nache somaye ñisheguem, nache taua'a so hueta'a so Elí, nache 'enapega, 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Nache so Elí 'enapeco': Aỹem saishet da 'am seỹaxaneua'a, 'am ỹalcolec. ¡'avi'eguelaxauo, 'annaañi!

1 Samuel 3:4

Nache Ñim Nataxala' iỹaxana so Samuel, 'eeta': ¡Samuel! Nache somaye ỹasat, 'eeta': ¡Aja', soota'a ne'ena!

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Salmos 62:11

Huo'o so na'a'q detaqa Ñim Lo'onatac 'Enauacna, qataq dos da sa'aqchigui da 'eeta': «Ñim Lo'onatac 'Enauacna lalamaxat da na'añaxac,

Hechos 10:13

Nache somaye hua'axaỹa so na'aqtac 'eeta': –Pedro, 'anachaañi, 'auauo'o ca 'aualauat ne'enapi, nache qollec.

Hechos 10:3

Qaq huo'o so na'a'q mashe dasheta añi nala', nache somaye huo'o so lauanaqchec: ila'aguet so lamaxashec piguem le'ec Ñim Lo'onatac 'Enauacna da naỹa'a ca hueta'a somaye, nache 'enapego', 'eeta': «¡Cornelio!»

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

Génesis 28:16

Qaq so Jacob, co'ollaq nlouec, nache deuennataxan, nache 'enapeco': «Ỹoqta 'eesa da Ñim Nataxala' hueta'a ne'ena 'alhua, qaq aỹem sa saỹaten co'ollaxa.»

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Éxodo 4:5

Qaq 'era qome da 'eetec da 'am qaỹa'amaqten da ỹataqta 'eesa da 'am nachaxana nam Nataxala', maye Natamnaxala' soua hua'au' 'arta'al, Natamnaxala' so Abraham, Isaac qataq so Jacob.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Éxodo 33:12

So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':