Éxodo 3:20 - La'aqtaqa Ñim Lo'onatac 'Enauacna 2013

²⁰ Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 3:20 Referans Kwoze

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Deuteronómio 6:22

Qataq sauanaqchigui na na'anecpi qataq na lta'araic lchecpi maye ỹo'ot Ñim Nataxala', maye ỹo'otec so lta'a na netaña ye Egipto qataq na llalaqpi somaye.

Éxodo 9:15

Qaq ỹoqo'oye 'am sachaxana da ỹa'añaxac da 'am seuaxan qataq na 'arhuo' le'ecpi, qami' seroleguete ca napiina, nache ishet da qami' pa'l ana 'alhua.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Salmos 105:27

nache soomaye ỹo'o't na la'anaxatpi nam ỹo'otpi Ñim Lo'onatac 'Enauacna, qataq na ỹo'ot da na'aalaxa co'ollaq huaña ye 'alhua ye Cam.

Éxodo 12:39

Qaq souaxat da qaica ca ldaqa' da ỹaqataxanai' ca aloq somayepi, cha'aye so Egipto le'ecpi ỹataqta ỹo'orauec da ca'ai naqa'en yi'iye 'alhua, nache ỹo'ot aso lauole na ndaqñiguishec 'ayiiña maye qaca aca lalecte maye ỹasheeraxachigui ỹachegoxotta'a ye Egipto.

Ezequiel 20:33

Cha'aye Aỹem Nataxala', maye Qanatamnaxala'ai, maiche ñañan da san da ỹa'aqtac, da qami' selo'oguelo qome sauota'a da ỹa'añaxac, qataq sachaxanec na ihuaq, qataq ñashetcheguem da inogoxonaxac,

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Isaías 19:22

Ñim Nataxala', ique'emaqchet qome ye Egipto le'ecpi, qalaxaye qaltaq nataren qome, qaq yemayepi ỹe'eguelaxa qome Ñim Nataxala', qaq Ñimaye ichoxoren qome yemayepi nache nataren.

Salmos 106:22

qataq na ỹo'ot da na'aalaxa co'ollaq huaña ye 'alhua Cam, qataq na qaica ca 'ena'am co'ollaq huaña aso Auaxai Togaxarai.

Salmos 105:38

Nache so Egipto le'ecpi ỹataqta ntootapeguec da ỹauaateueegue da jec somayepi, cha'aye ỹataqta ñi'iỹa somayepi.

Jueces 8:16

Nache so Gedeón ỹacona aso ỹaxat qataq aso poqo maye ỹachegoxotaña ye toolec 'alhua, nache ira'a asomaye da iuaxan som nqueroxonecpi nataxala'pi, maye lma' ye Sucot.

Jueces 6:8

nache Ñimaye namaq so la'aqtaxanaxanec nache, 'eeta': «'Era da la'aqtac Ñim Nataxala' maye Natamnaxala' na Israel le'ecpi, 'eeta': ‹Aỹem qami' ñeqateeguesopa co'ollaxa ye Egipto, yem huaña co'ollaq qami' nlatacpi,

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Éxodo 11:1

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 15:6

'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Miqueas 7:15

Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.