Éxodo 3:17 - La'aqtaqa Ñim Lo'onatac 'Enauacna 2013

¹⁷ Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Éxodo 3:17 Referans Kwoze

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Josué 24:11

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.

Génesis 46:4

Qataq 'am ñenaictague' qom 'anqo'ona ye Egipto, qataq nachaỹem qome ñeqateeguesop yemaye cam 'am chegoxoguetpi. Qataq da lỹa 'eeta': qom 'aleu, nache ñi José huetaua'a qome na 'araỹe.»

Génesis 50:25

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 13:5

Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua Ñim Nataxala', yem 'alhua maye huaña da qaica ca qoue na nallec, yem na'alhua na Canaán le'ecpi, hitiitapi, amorreopi, heveopi qataq na jebuseopi. Nacheye yem ỹachaxanapeguem co'ollaxa soua hua'au' qarta'alli' da ỹauotaique da qarmaye.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Éxodo 33:3

Nache qanqo'oñiỹa ye 'alhua maye sa qoue na nallec. Qalaxaye Aỹem saishet da qami' seca'attaiguilo, ten qom qami' selaxachiguilo, souaxat da ỹataqta sa qaualaqai.»

Números 13:27

Nataqa'en da'aqtaxaarem so Moisés, 'eeta': Qomi' seviraqa'a ye 'alhua maye qomi' 'auamaxalo, qaq yemaye ỹataqta 'eesa da sa qoue na huaca lche', qataq na te'esaq lli'i, qaq 'ana ana ala na nañiguishec maye huaña yemaye.

Deuteronómio 6:3

Qaq ỹoqo'oye qami' Israel le'ecpi ỹataqta qauo'oche qome de'era, yaqto' 'onaxaic da qanachaalataxaqui qataq ivitta'a da ỹataqta qami' qalota qom qoñiitalec yi'iye 'alhua maye huaña da sa qoue na huaca lche' qataq na te'esaq lli'i, nache ipacchigui da ỹan la'aqtac co'ollaxa Ñim Nataxala' maye Natamnaxala' so hua'au qarta'ailpi.

Deuteronómio 26:9

nache qomi' nauegalo ne'ena souaqta'a nagui, qataq qomi' ỹanema ne'ena 'alhua, maye huaña da sa qoue na huaca lche' qataq na te'esaq lli'i.

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Jeremías 32:22

Nache 'aỹa'anem na Israel le'ecpi ne'ena 'alhua, maye na huaca lche' qataq na dapic lli'i, ipa'axanec 'eeta'am ca 'etaxat, ipacchigui dam 'auachaxanapeguem co'ollaxa som hua'au lta'alpi namayepi.

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.

Josué 5:6

Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.

1 Crónicas 1:15

heveopi, araceopi, sineopi,

Salmos 102:21

da yaqto' qaỹa'axatec da le'enaxat Ñim Nataxala' da huaña ye Sión, qataq da qaỹo'oxoren Ñimaye da huaña ye Jerusalén

Jeremías 11:5

Qaq qami' da aỹem qaualaqaiguet, nache aỹem sepacchigui qome som ỹa'aqtac maye sanem co'ollaxa som hua'au qarta'ailpi da sanem ca 'alhua, nam 'alhua maye qoñiitalec nagui nam huaña da na huaca lche' qataq na dapic lli'i 'eeta'am ca 'etaxat da ỹa'auat.» Nache aỹem sasat, sheeta': «Aja' 'am Nataxala'.»

Ezequiel 20:6

Qaq se'eso na'a'q nache huetoigui co'ollaxa da ñañan da ñeqateeguesop somayepi ye Egipto, nache sauega yem 'alhua maye imitaqteguishec, yem 'alhua maye huaña da saqoue na huaca lche' qataq na dapic lli'i 'eeta'am na 'etaxat, ¡yem 'alhua maye napacalec da lyac na laỹepi 'alhuapi!