Éxodo 3:15 - La'aqtaqa Ñim Lo'onatac 'Enauacna 2013

¹⁵ Ñim Lo'onatac 'Enauacna nataqa'en 'enapega so Moisés, 'eeta': «Qonapega qome ye llalaqpi so Israel, qoneta': ‹Ñim Nataxala', Ñim Natamnaxala' soua hua'au' qarta'alli' Abraham, Isaac qataq Jacob, Ñimaye aỹem namaxalo qami'.› Qaq 'era da ỹe'enaxat maye chochaq tatec, qataq 'era da ỹe'enaxat maye qaica ca loga't.»

Éxodo 3:15 Referans Kwoze

Hebreos 13:8

So Jesucristo saishet da naralaxat da lataxac: Somaye nache 'eetai'.

Malaquías 3:6

Cha'aye Aỹem Nataxala', saishet da ñequic. Qaq ỹoqo'oye qami', maye qauachegoqoiguet so Jacob, saishet co'ollaxa da qami' qanmatchiyiñi.»

Oseas 12:5

Qaq Ñim Nataxala', Ñim Lo'onatac 'Enauacna, maye Qaica ca Ỹaqalanapec, Ñimaye da le'enaxat 'eeta': «Nataxala'».

Miqueas 4:5

Qaq na laỹe ỹotta'a't shiỹaxauapi qalaq quetague' nam maiche natamnaxala'pi, qomi' qalaxaye nache 'eetai' qome da qolaqto'ot da salaxasoxoguet Ñim Nataxala' maye Qanatamnaxala'.

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Salmos 102:12

Qalaxaye 'Am Nataxala', da 'aro'onataxanaxac chochaq tatec, da 'are'enaxat qalaq nache 'eetai' qome da nhuennataxat.

Salmos 135:13

'Am Nataxala', da 'are'enaxat chochaq tatec, da 'are'enaxat nache 'eetai' qome da lhuennataxat cam dalaxaicpi.

Hechos 7:32

«Aỹem maye Nachaỹem ỹo'oxoreetrac co'ollaxa soua hua'au' 'arta'al, so Abraham, qataq so Isaac qataq so Jacob.» Nache so Moisés ỹataqta iviloxolaqchet da lcolanaxa, nache saishet da ỹañoxot da namatasheguem.

Deuteronómio 1:11

¡Qaq Ñim Nataxala' maye Natamnaxala' so hua'au qarta'ailpi, ivi' ye mil ye lcata da qami' nquigaxatrec. Qataq qami' ichoxore'n, qaq nache ipacchigui da ỹan la'aqtac co'ollaxa!

Éxodo 4:5

Qaq 'era qome da 'eetec da 'am qaỹa'amaqten da ỹataqta 'eesa da 'am nachaxana nam Nataxala', maye Natamnaxala' soua hua'au' 'arta'al, Natamnaxala' so Abraham, Isaac qataq so Jacob.

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 72:17

Qataq nache 'eetai' qome da sa imeuo da le'enaxat, qataq da na'aqtaguec nache 'eetai' qome 'eeta'am añi nala'. Qataq chegoqchigui qome da le'enaxat camaye, da 'enauac na ỹotta'a't shiỹaxauapi ỹaconeguet da nchoxonnataguec, qataq 'enauac namayepi da ỹamata'ac da machiguiñi.

2 Crónicas 28:9

Qalaxaye huo'o so la'aqtaxanaxanec Ñim Nataxala', le'enaxat Obed, maye ca'ata'aguet so alleppi co'ollaq mashe inoxooteua'a ye Samaria, nache 'enapega, 'eeta': Ñim Nataxala' maye Natamnaxala' so hua'au qarta'ailpi, dalemataỹa na Judá le'ecpi, ỹoqo'oye ỹaneguet namayepi da qarhuaqỹaxaqui, qalaxaye qami' qaualauache, qauroilec da ỹataqta lta'araic qarayeloxoi maye iviro'ot na piguem.

Mateo 22:32

«Aỹem maye Nachaỹem Natameetacot so Abraham, Isaac qataq so Jacob.» Qaq saishet da Natameetacot Ñimaye na leuaxaicpi, nachaqnata nam nca'altauecpi, cha'aye Ñimaye 'enauac nca'altauec naqa'en na shiỹaxauapi.

Deuteronómio 4:1

Qaq nagui qami' shenapegalo qami' Israel le'ecpi, qana'axaỹaxañiỹalo qome naua qalapaxayiñi lataxaco, qataq naua namaxasoxonaxaco maye qami' sapaxagueneque, qataq ỹataqta qauo'oche' qome, yaqto' qarca'alliiuec, qataq qoñiỹalec ye 'alhua maye qami' ỹanema qome Ñim Nataxala' maye Natamnaxala' so hua'au qarta'ailpi.

Deuteronómio 1:35

‹Ne'ena qauemaic shiỹaxauapi saishet qome da chochaq 'oonolec ca inoxoneua'a yi'iye 'alhua maye sachaxanapeguem co'ollaxa so hua'au lta'alpi.

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Génesis 24:12

Qaq huaña yemaye, nache so namaxashec nqouagaxauen, 'eeta': «'Am Nataxala', maye 'Am Natamnaxala' ñi ña'aco' Abraham, aỹem 'aỹa'anem na na'a'q, da no'oitegue da ỹecỹaxac, qataq 'auachaxana da 'arauotaxanaqtaic ñi ña'aco'.

Éxodo 3:13

Qalaxaye so Moisés qaltaq 'enapego' Ñim Lo'onatac 'Enauacna, 'eeta': «Damaye ỹataqta seqalana'a, da aỹem shenapega ye Israel le'ecpi da sheeta': ‹Ñim Lo'onatac 'Enauacna maye Natamnaxala' soua hua'au' qarta'alli' aỹem namaxalo qami'›, qaq da huo'otaq aỹem inat da 'eeta': ‹¿Qaq 'eetec ca le'enaxat camaxa? Nache ¿ca sheetec ca ỹa'aqtac?›»

Éxodo 4:1

Qalaxaye so Moisés 'enapeco': «Yemayepi qome saishet da aỹem ỹa'amaqten, qataq saishet da aỹem ỹoqocha'a. Nacherata da aỹem 'enapega qome, 'eeta': ‹Ñim Nataxala' yo'oqta da saishet da 'am nachaxana.›»

Éxodo 6:2

Nache Ñim Lo'onatac 'Enauacna qaltaq 'enapega so Moisés, 'eeta': «Aỹem maye Nachaỹem Nataxala'.

Éxodo 15:2

Qaq da ỹo'onec sanot Ñim Nataxala', cha'aye Ñimaye nacheñi ñi ỹa'añaxac qataq ica'alaxa. Ñimaye nacheñi Ñim Ñatamnaxala' maye Lo'onatac 'Enauacna, qaq ỹoqo'oye sho'oxoren, Ñimaye nacheñi Ñim Natamnaxala' so ita'a, qaq ỹoqo'oye lta'araic da ỹo'oxonnataxanaxac Ñimaye.

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Salmos 30:4

Qami' maye ỹataqta qoquiitegue da llecỹaxac Ñim Nataxala', ¡qauo'oñi qome na no'onecpi qavio'oxoyiñi da qui'itta le'enaxat Ñimaye!

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Isaías 26:8

Qomi' nataqa'en ñanomaqta da ỹataqta qolaqtegue so nqa'aic maye qomi' 'auachaxanalo chegoqchiguilo naua 'arqataxaco, 'Am Nataxala'. Da lhuennataxac añi qarquiyaqte qalaq huotaique da saishet da 'am secouaqa'ai.

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

Jeremías 33:2

«Aỹem Nataxala' maye ỹo'onata ana 'alhua, qataq so'ot co'ollaxa da lataxac, qataq saỹamaxatchiguiñi co'ollaq sanaña ye lma', 'am shenapega:

Daniel 2:23

'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,

1 Crónicas 29:18

'Am Nataxala', maye 'Am Natamnaxala' soua Abraham, Isaac qataq so Israel maye qarta'al, qaq nache 'eetai' qome 'anqa'en da huetaigui da lquiyaqteỹaxac de'era nhuennataxac ne'ena 'aralamaxat nhuo' le'ecpi, qataq 'auaueca'aguet da lquiyaqteỹaxac da yaqto' saishet da 'am ỹaxanec.

Salmos 30:5

Cha'aye da layeloxo Ñimaye sa qaỹauec, qalaxaye da no'on ltaunaxanaxac ivittec naqa'en da achaalataxac. Cha'aye da huo'o da noinaxac ye pe, qalaxaye ye lỹa na'a'q qaltaq huo'o da namaicỹaxac.

Salmos 68:5

Ñim Lo'onatac 'Enauacna maye netaña añi qui'itta lalamaqte atamnaxaqui, Ñimaye nacheñi ñi lta'a na qaicaua caua lta'al. Qataq nacheñi ñi iueettapeguelec ana pa'aipi.

Salmos 102:13

Qaq da 'anachaañi qome nache huo'o da 'archoxonnataxanaxa ye Sión, cha'aye mashe ivita ye laloqo' da 'auchoxoren, qataq mashe ivita ye laloqo' maye 'icchiguiña co'ollaxa.

Oseas 12:6

Qaq ỹoqo'oye 'am Israel, 'avi'eguelaxa qome Ñim 'Anatamnaxala'; 'auo'ot qome da nauotaxanaqtaic, qataq da nalochiguiñi lataxac, qataq nache 'eetai' qome da 'auacheto'ot da 'arpi'iỹaxac Ñim 'Anatamnaxala'.