Éxodo 3:13 - La'aqtaqa Ñim Lo'onatac 'Enauacna 2013

¹³ Qalaxaye so Moisés qaltaq 'enapego' Ñim Lo'onatac 'Enauacna, 'eeta': «Damaye ỹataqta seqalana'a, da aỹem shenapega ye Israel le'ecpi da sheeta': ‹Ñim Lo'onatac 'Enauacna maye Natamnaxala' soua hua'au' qarta'alli' aỹem namaxalo qami'›, qaq da huo'otaq aỹem inat da 'eeta': ‹¿Qaq 'eetec ca le'enaxat camaxa? Nache ¿ca sheetec ca ỹa'aqtac?›»

Éxodo 3:13 Referans Kwoze

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Génesis 32:29

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

Jueces 13:17

Nache so Manoa inat so nale piguem le'ec Ñim Nataxala', 'eeta': ¿Ca 'eetec ca 'are'enaxat? Yaqto' 'am sho'oxorenaqtac qom ipacchigui de'era 'ara'aqtac maye qomi' 'aỹa'anema.

Jueces 13:6

Nache asa'aso 'alo jec da da'aqtaxanem so lhua, 'eeta': «Huo'o so nale Ñim Lo'onatac 'Enauacna maye naỹa ye soota'a. Qaq da lataxac somaye ỹataqta ỹo'ot da ỹa'aalaxa, cha'aye 'eeta'am da lashiguiỹaxac nam nale piguem le'ec Ñim Nataxala'. Qaq aỹem saishet da senat ca chegaqa'ague, qataq somaye saishet da aỹem da'aqtaxanem ca 'eetec ca le'enaxat.

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 3:15

Ñim Lo'onatac 'Enauacna nataqa'en 'enapega so Moisés, 'eeta': «Qonapega qome ye llalaqpi so Israel, qoneta': ‹Ñim Nataxala', Ñim Natamnaxala' soua hua'au' qarta'alli' Abraham, Isaac qataq Jacob, Ñimaye aỹem namaxalo qami'.› Qaq 'era da ỹe'enaxat maye chochaq tatec, qataq 'era da ỹe'enaxat maye qaica ca loga't.»

Éxodo 7:16

Qaq nache huaña yemaye qome, da qonapega, qoneta': ‹Ñim Nataxala' maye Natamnaxala' na hebreopi, Ñimaye aỹem namaq da 'am shenapega da 'aua'aqta'a na lalamaxatpi Ñimaye da taỹa ye toolec 'alhua da natamnot. Qalaxaye ñaq 'eetalec nagui da saishet da 'aualaq›

Isaías 52:6

Qalaxaye mashe natauo cam na'a'q da na ỹalamaxat nhuo' le'ecpi Aỹem ỹauattoota qome, qataq ỹaỹaten da aỹem maye setaqtacot co'ollaxa namayepi, nachaỹem Nataxala'.»