Éxodo 29:7 - La'aqtaqa Ñim Lo'onatac 'Enauacna 2013

⁷ Ime, nache 'auacona ca aceite nache 'aucorelec na lqaic da yaqto' 'aỹotauga da ntaxaỹaxanaxanec.

Éxodo 29:7 Referans Kwoze

Números 35:25

Nache ca nhuo' le'ecpi maiche ilo'ogue qataq ntela'a qome ca shiỹaxaua maye ilamaxata'a da ỹalauat ca lỹa, ntelaqna'aguet ca ipaltaique lvi' maye lauo' le'ec que'eca ileu. Nache que'eca shiỹaxaua qaỹe'eguelaxata que'eca huaqta'a't nỹecpi maye ỹe'egueneua'a co'ollaxa, qaq nache netaña camaye ivitta'a da ileu ca lataxala' ca ntaxaỹaxanaxanecpi maye ncoyiguishec.

Levítico 21:10

Qaq ca lataxala' na ntaxaỹaxanaxanecpi maye qoỹami' da ỹataqta huo'o da 'enec da ỹaayiñi caua alogo na ntaxaỹaxanaxanec, chegoqta'a co'ollaq qaicorelec na lqaic ca aceite, nache camaye saishet da isotagui na laue, qataq saishet da colaqta'ape naqa'en caua alogo da yaqto' la'anaxat ca lasouaxac.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Salmos 133:2

'Eeta'am ca no'on coraxat maye qaicorelec na lqaic so Aarón, nache ivittaña da naguingui ana lqa' laue, anam lqa' laue somaye nache nviraña so loga't aso lapoto.

Salmos 89:20

Aỹem sanata co'ollaxa ñi David maye ỹamaxashec, nache secorelec so qui'itta icoraxanaxat.

Levítico 10:7

Qalaxaye nagui saishet da qoquiỹa'ai ne'ena ñegueuo na npe'l, yaqto' saishet da qaullivi, cha'aye mashe ime da qami' qaicoreleguete so aceite da qami' qaiỹotaugalo da qami' lalamaqa'ate Ñim Nataxala'.» Nache soomaye ipacchiguilo da ỹo'o't da lamaxasoxonaxac so Moisés.

Éxodo 28:41

Qaq 'era da 'eetec da no'otaxac 'anqa'en ñi 'arqaỹa Aarón, qataq ñeua llalqa. Ime, nache 'aucoreleguete naua lqaigo ca aceite, da yaqto' huo'o da 'eneque, qataq 'auỹotaugalo da itaxaỹaxanaxanqa.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Levítico 21:12

Qataq saishet qome da ca'ai ca nanataqa' maye lalamaxat Ñim Nataxala', qataq saishet qome da ỹo'ot ca ne'enaguec, cha'aye camaye mashe sogote da qaicorelec ca aceite da yaqto' nalemaqte' da do'onataxanot Ñim Nataxala'. Qaq 'era da ỹa'aqtac, Aỹem Nataxala'.

Zacarías 4:14

Nache somaye aỹem ỹasateguet, 'eeta': «De'eraua dos, nacheraua daua nca'agui'she, da yaqto' huapegueto da lo'onataxanaxac Ñim Nataxala' maye lalamaqte 'enauac ana 'alhua.»

Éxodo 40:13

qaq ñi Aarón nache 'auamaxalec da ỹaayiñi caua alogo da ntaxaỹaxanaxanec. Ime, nache 'aucorelec ca ncoraxanaxat yaqto' 'anagui da lo'onataxanaxac da itaxaỹaxanaxanec.

Levítico 7:35

Qaq aca'aca nachetaqtaxanaqtepi maye qaỹavigaxat da qoỹanot Ñimaye, nachaca qome aca taỹot ñi Aarón qataq cam chegoxoguetpi, nache chegoqchiguiña qome que'eca na'a'q da qoỹanagui da ntaxaỹaxanaxanec da qaitaxaỹapegue' Ñim Nataxala'.