Éxodo 29:43 - La'aqtaqa Ñim Lo'onatac 'Enauacna 2013

⁴³ Qataq nache huaña da ñauane' na Israel le'ecpi, nache que'eca nanataqa' hueta'a da ỹo'oxoyec cha'aye soota'a.

Éxodo 29:43 Referans Kwoze

1 Reyes 8:11

Qaq souaxat se'eso lo'oc, nache so ntaxaỹaxanaxanecpi saishet co'ollaxa da nache pa'atauo da ỹo'ot da lo'onataxanaxac, cha'aye da llo'oxoyec Ñim Nataxala' ỹataqta nlaqchigui aso atamnaxaqui.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Ezequiel 43:5

Qaq huaña nache so Saqcha'a La'añaxac Ñim Nataxala' aỹem ỹanaxanaxaasheguem, nache aỹem ỹauegueua'a ye qasoxoc maye pa'aỹauo, nache sela'a da llo'oxoyec Ñim Nataxala' da nlaxatchigui aso atamnaxaqui.

2 Crónicas 5:14

Qaq souaxat se'eso napalñi lo'oc nache so ntaxaỹaxanaxanecpi saishet da queto'ot da ỹo'ot da llo'oxonnataxanaxac, cha'aye da llo'oxoyec Ñim Nataxala' ỹataqta nlaxagui asa'aso atamnaxaqui.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Isaías 60:1

'Am Jerusalén, ña qoñesheguem nache 'am 'eroigui, cha'aye mashe nvi' na 'arcoỹaraxanaxat, qaq da llo'oxoyec Ñim Nataxala' 'eroigui da 'am icoỹattalec.

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Éxodo 29:42

Qaq 'era qome da chochaq tatec lataxac da qoyecỹaxaqui qataq cam qami' chegoxogueta. Da llec aca'aca nachetaqtaxanaqtepi maye qaỹavigaxat da Aỹem qoỹanot, acamaye qandoua'a ca ñegueuo ca npe'l maye huaña qome da Aỹem 'anauane' da 'am setaxaỹapegue'.

Éxodo 29:44

Nache ca npe'l qataq aca nca'atoxonaxalate ỹataqta qui'itta, nataqa'en ñi Aarón qataq na chegoxoguetpi, namayepi seỹotauga da nalemaqte' da Aỹem do'onataxanot.

Levítico 9:4

qataq ca 'oonolec huaca qataq ca 'oonolec qagueta lhuaraic, nache qaỹalauat huaña ye lanataqa' Ñim Nataxala' yaqto' nachetaqtaxanaxat maye qanhuaachigui. Nataqa'en qandoiuo qome aca nachetaqtaxanaqte lsoche ana ala ca nañiguishec qairaqneguet ca aceite, cha'aye Ñim Nataxala' qami' nachaxanalo ne'ena na'a'q.›»

Éxodo 40:35

Nache so Moisés saishet da pa'aigui se'eso npe'l maye huaña naxa da qanauane' Ñim Nataxala', cha'aye so lo'oc ỹataqta imattalec somaye, qataq da llo'oxoyec Ñim Nataxala' ỹataqta imattalec so npe'l.

Levítico 9:6

Nache so Moisés 'enapeco': «'Era da qami' ỹamaxaleguete Ñim Nataxala', qaq damaye qauo'oche qome, nache Ñim Nataxala' qami' nachaxanalo, qataq ỹataqta qaica ca 'ena'am da llo'oxoyec.»

2 Crónicas 5:13

Nache somayepi 'enauac da nmasheguem da do'onaxaata'ai' aso lviquepi, ỹo'oxoreetac qataq ỹaatacot da na'achecỹaxac Ñim Nataxala'. Qaq somayepi co'ollaq nlamaxaren da do'onaxaata'ai' aso lasheerepi, simbalopi, qataq aso laỹepi nviquepi, nache do'onaxaato'ot Ñim Nataxala', 'eeta': «Qavio'oxoyiñi Ñim Nataxala', cha'aye Ñimaye soxoraic, qataq chochaq tatec da lauotaxanaqtaic.» Huaña co'ollaxa nache aso atamnaxaqui maye lalamaqte Ñim Nataxala', ỹataqta nlaqchigui so napalñi lo'oc.