Éxodo 29:40 - La'aqtaqa Ñim Lo'onatac 'Enauacna 2013

⁴⁰ Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

Éxodo 29:40 Referans Kwoze

Filipenses 2:17

Qami' ỹataqta qaua'amaqchiñi Ñim Lo'onatac 'Enauacna qataq qauo'onataxañiitacot, qaq damaye 'eeta'am aca qarachetaqtaxanaqche. Qaq saiuena'a da aỹem qaỹalauat, nache que'eca ileuaxa ỹalectaigui aca qarachetaqtaxanaqche maye qaỹa'añiỹot Ñim Lo'onatac 'Enauacna. Qaq da sevira'aguet de'era, nache ỹataqta samachiguiñi qataq sauotaique da qami' ñetonaxau'.

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Ezequiel 46:14

Qaq nataqa'en ye nte'eta nache qoỹanot qome Ñim Nataxala' da nachetaqtaxanaxat ca siete litros ca nañiguishec ala, qataq ca un litro ca aceite, cam qaicorelec qome ca 'ayiiña. Qaq 'era da qalapaxañi lataxac maye qaỹamaxasoxoolec, qaq damaye chochaq tatec qanqa'en.

Ezequiel 45:17

qaq que'eca nta'a, camaye huapegue' qome da ỹan ca shiguiỹacpi da yaqto' nachetaqtaxanaxatpi maye qaỹavigaxatta, qataq aca nachetaqtaxanaqte maye ala na nañiguishec, qataq ca lataxa, da ivita da dalaxaic so ca'agoxoic, qataq yem na'a'q mataxaqui, qataq 'enauac na naponaxacpi na Israel. Qaq nataqa'en ỹaneuo qome aca nachetaqtaxanaqte souaxat ca nasouaxashet, qataq aca nachetaqtaxanaqte ala na nañiguishec, qataq aca nachetaqtaxanaqte qaỹavigaxatta, qataq aca nachetaqtaxanaqte maye ỹa'axat da manaxac, yaqto' ishet da qaỹapalaxat na nasouaxashetpi na Israel.

Isaías 57:6

'Am Israel, 'am 'anqopita da 'aỹa'anot da 'ayo'oxonnataxanaxac na salleeta coma' maye chegaqangui so la'auaxac, qaq nacheye yemaye da 'aỹa'a da 'arma' qome. Qaq nachena namayepi da 'aucorelec na 'arachetaqtaxanaxat lataxa qataq 'aỹa'anem ana ala na 'añiguishec. Qaq ¿peta'a 'aupi'itaxaatega da samachiguiñi da ime 'enauac de'era?

Levítico 23:13

Nataqa'en qaroiuo ca cuatro kilos ca ỹataqta no'on 'ayiiña maye qairaqneguet ca aceite, yaqto' qoỹanot Ñim Nataxala' da nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'. Qataq qaroiua'a nataqa'en aca 'oonole laỹe' ca lataxa da nachetaqtaxanaxat maye qaicoraxana.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Ezequiel 46:11

Qaq cam ỹora'a't naponaxacpi, qalaq qoỹaneuo qome da nachetaqtaxanaxat ca veinte litros na nañiguishec ala, huaqta'aguet qanqa'en ca huaca llalec, qaq ca qagueta llalaqpi qalaq maicheye ca qaỹauaxaỹaxaneguet. Qaq ca veinte litros ca nañiguishec ala, qalaq qaỹauaxaỹaxaneguet ca tres litros y medio ca aceite da qoỹaneuo.

Ezequiel 46:7

Qaq ca 'oonolec huaca llalec nache ỹauaxaỹaxaneguet ca veinte litros nañiguishec ala da ỹaneuo, qataq 'eeta'am naqa'en da ỹaneuo ca qagueta lhuaraic, qaq caua qagueta llalqa qalaq maicheye cam ỹauaxaỹaxaneguet. Qaq ca veinte litros nañiguishec ala, qalaq ỹauaxaỹaxaneguet ca tres litros y medio ca aceite.

Ezequiel 46:5

Qaq ca 'oonolec qagueta lhuaraic nache ỹauaxaỹaxaneguet ca veinte litros nañiguishec ala da ỹaneuo, qaq caua qagueta llalqa qalaq maicheye cam ỹauaxaỹaxaneguet. Qaq cam veinte litros nañiguishec ala, qalaq ỹauaxaỹaxaneguet ca tres litros y medio ca aceite da ỹaneuo.

Ezequiel 45:24

Qaq ñi 'oonolec huaca llalec, qataq ñi 'oonolec qagueta lhuaraic, nache qaỹauaxaỹaxaneguet qome ca veinte litros ala na nañiguishec, qataq tres litros y medio ca aceite.

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Ezequiel 4:11

qaq nataqa'en 'auauo'o ca ỹoqta laloqo' da 'anỹomgui ca saq 'amaqtaq 'etaxat.

Deuteronómio 32:38

cam chectac naxa na lcheta ana lachetaqtaxanaqtepi qataq nỹomtapigui na lachetaqtaxanaxat lataxa namayepi? ¡Ñaq ñisheguem taxa da itauan namayepi! ¡Qataq anac taxa da npaxaalec namayepi!

Números 29:16

Nataqa'en qaỹa'añiiuo ca quetaq, qaỹavigaxatta da yaqto' qaỹapalaxat ca qarasouaxashichi, nataqa'en ca nachetaqtaxanaxat qaỹavigaxatta, maye nache 'eetai' naxa da qoỹaatapegueuo naua na'axa'te, huaxaiguet qanqa'en ca 'ayiiña qataq ca lataxa.

Números 28:24

Qaq 'era da qauo'oche da huaigui ye 'oonolec na'a'q que'ecaua siete na'axa'te da nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'. Nache huaqtalec qanqa'eñi aca nachetaqtaxanaqte maye nache 'eetai' da qoỹaatapegueuo 'enauaque naua na'axa'te qataq ca lataxa.

Números 28:10

Qaq 'eca ca nachetaqtaxanaxatpi qaỹavigaxatta, ye na'a'q mataxaqui, qataq aca nachetaqtaxanaqte qaỹavigaxatta maye, nache 'eetai' da qaỹo'ottac 'enauaque naua na'axa'te huaqta'aguet qanqa'en ca lataxa.»

Números 28:5

Qaq que'eca lachetaqtaxanaxat, qalaq ỹauaxaỹaxaneguet ca dos kilos ca ỹataqta no'on 'ayiiña, maye chegaqaigui na ala ca nañiguishec, nache iraqneguet ca un litro ca aceite.

Números 15:24

Da huo'otaq huo'o ca nasouaxashet da saq noma na ỹalecta'a't nhuo' le'ecpi, nache 'enauac namayepi ỹaneuo ca 'oonolec huaca llalec da lachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala', qataq lỹateuo qanqa'en aca nauole, qataq ca lataxa. Nache qaipacchigui da lqataxac Ñim Nataxala', qataq qoỹaneuo nataqa'en ca quetaq da yaqto' qaỹapalaxat ca nasouaxashet.

Números 15:7

qataq ca napactelec ca un litro na lataxa, da yaqto' nachetaqtaxanaxat maye ama da laitaỹaxac, da yaqto' ỹamaateguet Ñim Nataxala'.

Éxodo 30:24

qataq seis kilos ca casia, qataq ca seis litro ca aceite. Qataq nache ipacchigui aca lasheue maye qoỹaneua'a ca npe'l.

Éxodo 16:36

Qaq so Israel le'ecpi da naloqten aso maná, nache do'ogoxona aso naloqnaxanaxaqui maye ivi' dos kilos asom le'enaxat gomer.

Génesis 35:14

nache so Jacob ỹacona so coma', nache nachalataxaañi, ỹaachiguiña yem huaña co'ollaq detaqtague' Ñimaye. Qaq ime, nache icorelec somaye so aceite, qataq so lataxa,

Éxodo 29:39

Nache ca 'oonolec 'aỹa'aneuo ye nte'eta, qaq ca lỹa nache 'aỹa'aneuo ye avit.

Éxodo 29:41

Qaq ca lỹa qagueta maye 'aỹa'aneuo ye avit, nache 'eeta'am 'anqa'en da lataxac ca hua'auñi nachetaqtaxanaxat, qataq ca lataxa maye 'aucorelec ca nachetaqtaxanaxat da ama laitaỹaxac ỹamaateguet Ñim Nataxala'.

2 Reyes 3:20

Qaq so nte'eta so lỹa na'a'q, maye huetoigui naxa da qoỹaneuo ana nachetaqtaxanaqte, nache chegaqa'ague da pa'aigue ye Edom so 'etaxat, nache ipaxaalec naqa'en yemaye.

Oseas 9:4

Huaña nache qaica ca lataxa da ỹanot Ñim Nataxala', qataq ana lachetaqtaxanaqtepi saishet da ỹaỹamaxaren Ñimaye. Qaq aca nauole maye chectac, qalaq 'eeta'am aca nauole da huo'o da nasouaxac, qaq cam chec acamaye nache saishet da qui'itta. Qaq namayepi ishet qome da chec aca'aca nauole, qalaxaye saishet qome da iroua'a añi atamnaxaqui maye lalamaqte Ñim Nataxala'.

Levítico 6:13

Qaq que'eca norec maye huetalec añi nca'atoxonaxalate, camaye nache 'eetai' qome da 'ettaigui qanqa'en.

Números 4:16

Qaq so Eleazar, maye llalec so ntaxaỹaxanaxanec Aarón, nacheso so pa'aiguet da ilo'ogue ca aceite maye lca'atoxot ana ncoỹaraxanaxaquipi, qataq ca nchenaxanaxat maye ama da laitaỹaxac, qataq ca nachetaqtaxanaxat maye chegaqaigui ana ala ca nañiguishec, qataq ca aceite maye ncoraxanaxat. Qataq ilo'ogue ca npe'l, qataq 'enauac ca sa qaishetapec logoxoshetpi camaye.»