Éxodo 29:4 - La'aqtaqa Ñim Lo'onatac 'Enauacna 2013

⁴ Ime, nache 'auauegueua'alo ca lasom ca npe'l, ñi Aarón qataq ñeua llalqa nache 'auamaxaleguete da nache'l,

Éxodo 29:4 Referans Kwoze

Éxodo 40:12

Qaq da ime, nache 'auauegueuo ñi Aarón, qataq ñeua llalqa da 'auauegueua'a ca ñegueuo que'eca npe'l. Ime, nache 'auamaxaleguete da nache'l,

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

1 Pedro 3:21

Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Deuteronómio 23:11

Qalaxaye da mashe avit, nache camaye nachel, qaq da inoxooñi añi nala', nache camaye ishet da huenoxoneua'a que'eca nanataqa'.

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Éxodo 40:28

Ime, nache so Moisés ỹaviguisheguem so lapoxot so ñegueuo so npe'l.

Éxodo 26:36

Qaq ca ñegueuo que'eca npe'l, nache 'auamaxasoxoolec da qaỹo'ot ca lapoxonaxat hualoq laỹe imalaqalec da lo'oxoỹaxac, tocalec, qataq ca togaxaraic da lo'oxoỹaxac qataq ca chegaqaigui na ỹoqta no'on lino, nache qanteeñi ca llo'oxoraxatpi.

Éxodo 29:3

qaq da ime, nache 'auachangui aca npaqtole maye laỹe' aca nauole, yaqto' 'aroua'a ca npe'l maye huaña qome da nauaare' Ñim Nataxala', qataq ca huaca llalec qataq caua dos qagueta.

Números 8:9

Nache nquigueua'a 'anqa'en na leviitapi ye sa qaỹapeque ñi npe'l maye naỹonqa', qataq 'alaỹona't 'enauac na Israel le'ecpi.

Ezequiel 42:14

Qaq na ntaxaỹaxanaxanecpi qom huenoxoneua'a yemaye, nache saishet da pa'auec da tauga ye pa'aỹauec qasoxoc da saxanaxa da nqa't naua alogo maye lo'onataxanaxaqui' da ỹacheraña yemaye, cha'aye ne'enaua alogo ỹataqta qui'itte'. Qaq da pa'auec da tauga ye hueta'a na nhuo' le'ecpi, qalaq iuen da ỹaayiñi caua lỹa't alogo.»

Éxodo 40:32

Qaq soomaye nache ỹataqta nỹote' naxa da ivita da pa'aroigui so npe'l, qataq naxa da tareua'a aso nca'atoxonaxalate. Qaq nache ipacchiguilo da lamaxasoxonaxac Ñim Nataxala' maye ỹamaxalec co'ollaxa so Moisés.