Éxodo 29:39 - La'aqtaqa Ñim Lo'onatac 'Enauacna 2013

³⁹ Nache ca 'oonolec 'aỹa'aneuo ye nte'eta, qaq ca lỹa nache 'aỹa'aneuo ye avit.

Éxodo 29:39 Referans Kwoze

2 Reyes 16:15

Qaq co'ollaq ime, nache so nta'a Ajaz, ỹamaxalec so ntaxaỹaxanaxanec Urías, da ỹachalec asa'aso nca'atoxonaxalate late'erai aca nachetaqtaxanaqte qaỹavigaxatta, maye qoỹaneuo naxa ye nte'eta, qataq asom qoỹaneuo da avit, qataq nataqa'en aso nachetaqtaxanaqte qaỹavigaxatta, qataq aso chegaqaigui ana ala na nañiguishec maye lachetaqtaxanaqte so nta'a, qataq aso lachetaqtaxanaqte qaỹavigaxatta 'enauac se'eso nhuo' le'ecpi yi'iye 'alhua, qataq so lachetaqtaxanaxat lataxa qaicorelec aso nca'atoxonaxalate. Qaq nache 'eetec nataqa'en som ltago'q som nachetaqtaxanaxatpi qaỹavigaxatta, qataq so laỹepi shiguiỹacpi maye nachetaqtaxanaxat da qaicorelec asomaye. Qaq aso nca'atoxonaxalate bronce, qalaq nachesota so nta'a naxa da iuen da nshetaique da ichemaxata cam 'eetapeguec Ñim Nataxala'.

Hechos 26:7

Nataqa'en nam llalaqpi soua sachegoxosoxogueta doce llalqa so Israel, namayepi nataqa'en iuattaique qom ivita da ipacchigui de'era qaỹachaxanapec co'ollaxa. Qaq ỹoqo'oye namayepi ỹo'oxoreetac Ñim Lo'onatac 'Enauacna 'enauaque naua na'axa'te qataq naua pe'. Qaq nachera de'era ñaquitaxac, 'am ita'a Agripa, da huo'omshe na judiopi aỹem npa'agueetega.

Lucas 1:10

qaq 'enauac so shiỹaxauapi nqouagaxaueetac, pa'atauga so nqasoxoc aso no'onaxanaxaqui late'erai.

Salmos 5:3

'Am Nataxala', ye nte'etom qalaq 'aua'aqtega da ivilỹaxac, ye nte'etom qalaq 'am sanot da ñachoxonnaxac, ime nache seuattaique ca 'arasataxac.

2 Crónicas 13:11

Qaq namayepi ye nte'eta qataq ye avit, ỹanot naxa Ñim Nataxala' ana nachetaqtaxanaqte qaỹavigaxatta, qataq na nchenaxanaxat, qataq ỹachalec so qui'itta lmala' ana nauolepi, qaq da avit nache ỹe'eraxatoigui aso ncoỹaraxanaxaquipi maye netagui aso lashe oro. Cha'aye qomi' salaxasoxoguet nam lamaxasoxonaxacpi Ñim Nataxala', maye Qanatamnaxala', qami' qalaxaye qoquiỹa'ai Ñimaye.

Éxodo 29:40

Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

1 Reyes 18:29

Qalaxaye choche ivitta'a da napacalec so na'a'q laiñi da somayepi queto'ot da ỹa'alaqtai', qataq parenaxaatai', 'eeta'am na huo'o da aloic, ivitta'a so laloqo' da qoỹaneuo so nachetaqtaxanaxat, qalaxaye ỹataqta qaica ca qaỹa'axaỹa, huo'otaq da huo'o ca ỹasateguet somayepi.

2 Reyes 3:20

Qaq so nte'eta so lỹa na'a'q, maye huetoigui naxa da qoỹaneuo ana nachetaqtaxanaqte, nache chegaqa'ague da pa'aigue ye Edom so 'etaxat, nache ipaxaalec naqa'en yemaye.

Esdras 9:4

Qaq huaña nache 'enauac nam huo'o naq 'enec naqa'en da la'aqtac Ñim Natamnaxala' na Israel le'ecpi, ỹataqta daquico souaxat da lasouaxashet ne'ena cheta'ague da ñe'eguelaq nache aỹem qaicoleesop, qalaxaye aỹem nache ñeso'ootañi, qaica ca ỹa'añaxac choche ivitta'a so laloqo' da qaỹo'ot so nachetaqtaxanaxat ye avit.

Salmos 141:2

Ñaq 'am iviro'ot qome da ñatamnaxac, 'eeta'am ca nchenaxanaxat maye ama na laita, naua ihuaxaye maye 'am sachaxaato'oto, qalaq 'eeta'am ca nachetaqtaxanaxat da mashe avit.

Daniel 9:21

Qaq so ñaq ñatameetac, nache so Gabriel, som aỹem nachaxana co'ollaq huaigui so hua'auñi ỹauanaqchec, somaye anac huaỹotac da naỹa ye soota'a. Qaq da lviraxac somaye, hua'c da huetoigui so laloqo' naxa da qoỹanot Ñim Nataxala' ana nachetaqtaxanaqtepi ye avit.

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

2 Crónicas 2:3

Ime nache so Salomón ỹamaxa da la'aqtac so Jirán, maye nta'a ye Tiro, 'eeta': «Aỹem 'auo'otec qome dam 'auo'otec co'ollaxa so ita'a David, da 'auamaqtega co'ollaxa na qo'oipaqpi cedro da yaqto' ỹo'ot so lma' lta'araic.