Éxodo 29:34 - La'aqtaqa Ñim Lo'onatac 'Enauacna 2013

³⁴ Qaq da huo'otaq iviraigui ca lỹa na'a'q da huo'o aca no'onañi aca nauole, qataq ca lapat que'eca nachetaqtaxanaxat da huo'o ca qoỹanagui da lo'onataxanaxac, nache camaye saishet da qanallec, nacherata da qaỹavigaxat, cha'aye saishet da qaishetapec.

Éxodo 29:34 Referans Kwoze

Levítico 8:32

Qaq ca no'onañi que'eca lapat qataq aca nauole, nache qaualache, qalaxaye qauavigaxache qome.

Éxodo 12:10

Qaq saishet qome da huo'o ca qano'onaxatañi da taỹaigui ca lỹa na'a'q. Da huo'otaq huo'o ca no'onañi, nache camaye qaỹavigaxat, qaỹasaxangui ca norec.

Levítico 10:16

Qaq co'ollaq ime, nache so Moisés denataxanaique so quetaq maye qoỹaneuo da nachetaqtaxanaxat maye sa imauaq da qaỹavigaxat, nache choche ỹe'elaqtem da mashe qaỹavixaxat. Nache ỹataqta dalemataỹa so Eleazar qataq so Itamar, soua no'oirañi llalqa so Aarón, nache inatta'apo', 'eeta':

Éxodo 29:28

Qaq damaye lalamaxat qome ñi Aarón qataq ñeua llalqa. Qaq 'era qome da chochaq tatec lataxac, qataq llec aca nachetaqtaxanaqte maye qaỹamaxalec na Israel le'ecpi. Qaq 'enauac aca'aca nachetaqtaxanaqte da nhuaachigui qome da ỹan na Israel le'ecpi, acamaye qoỹaasheguem da qoỹanot Ñim Nataxala'.

Éxodo 29:26

Qaq da ime, nache 'auacona ca ltogue lapat que'eca qagueta maye nachetaqtaxanaxat, da qoỹanagui da lo'onataxanaxac ñi Aarón, nache 'aỹa'aasheguem da 'aỹa'anot Ñim Nataxala'. Qaq que'eca ltogue lapat maye 'aỹa'aasheguem, camaye nache 'aralamaxat.

Éxodo 29:22

Ime, qataq 'anqateua'a ca lcheta so la'araxashet, lailshecpi, l-lamec, lchiguishel, qataq ca lcheta na aloiguishec ltele'eta, cha'aye que'eca qagueta nachetaqtaxanaxat da huo'o ca qoỹanagui da lo'onataxanaxac da ntaxaỹaxanaxanec.

Éxodo 16:19

Ime, nache so Moisés 'enapega, 'eeta': «Saishet qome da huo'o ca no'onaxatañi ca aloq da iviraigui ca lỹa na'a'q».

Éxodo 23:18

Qom ivita da aỹem qaỹa'añiỹot ca qaỹavigaxat shiguiỹac, qalaq saishet da lỹateuo ca ltago'q, nataqa'en saishet da qaỹa'añiiuo aca nauole 'ayiiña maye huo'o ana lalegue maye ỹasheeraxachigui, qataq saishet da qauaỹamaxache ca lcheta que'eca shiguiỹac da taỹaigui ca lỹa na'a'q.

Éxodo 34:25

Qataq ca nachetaqtaxanaxat shiguiỹac, saishet qome da lỹateuo ca ltago'q da qoỹaneuo qataq aca nauole maye huo'o na lalegue maye ỹasheeraxachigui. Qataq que'eca shiguiỹac maye qoỹaneuo, huaigui qanqa'en ca na'a'q maye laloxoqui co'ollaxa so Lapascua, da qanallec ana nauole maye qaica ca lalegue da ỹasheeraxachigui, qataq saishet qome da huo'o ca no'onañi, da yaqto' iviraigui ca lỹa na'a'q.