Éxodo 29:22 - La'aqtaqa Ñim Lo'onatac 'Enauacna 2013

²² Ime, qataq 'anqateua'a ca lcheta so la'araxashet, lailshecpi, l-lamec, lchiguishel, qataq ca lcheta na aloiguishec ltele'eta, cha'aye que'eca qagueta nachetaqtaxanaxat da huo'o ca qoỹanagui da lo'onataxanaxac da ntaxaỹaxanaxanec.

Éxodo 29:22 Referans Kwoze

Éxodo 29:13

Qaq ca lcheta ca lailshecpi, qataq ca l-lamec qataq caua lchiguishel, nache 'auavigaxa't 'auachalec aca nca'atoxonaxalate,

Números 18:18

Qalaxaye ca lapat 'am taỹot qome ca ltogue lapat maye qoỹaasheguem da nachetaqtaxanaxat da Aỹem qoỹanot, qataq ca ltele'eta aloiguishec.

Levítico 10:14

Qaq aca'aca lachetaqtaxanaqte na Israel le'ecpi maye qanhuaachigui, ca ltogue lapat maye qoỹaasheguem da qoỹanot Ñim Nataxala', qataq ca ltele'eta maye qaralamaxache da qollequi, camaye nache huaña ye qaiỹotauga da qarquia'aqa'ai, 'am qataq ca 'aỹa'alaqpi ỹalleppi, qataq ca 'alpi.

Levítico 9:21

Qalaxaye so ltogue lapat qataq aso lleegue aloiguishe, ỹa'auaxaañi da ỹaasheguem da ỹanot Ñim Nataxala', nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 9:19

Nataqa'en ỹaneuo so lcheta so huaca qataq so qagueta, qataq 'enauac so la'araxashet qataq so lcheta na lauel le'ecpi, qataq soua lchiguishel ima'agueta so lcheta nataqa'en na lsheenec so l-lamec,

Levítico 7:3

Qaq 'enauac ca lcheta acamaye, nache qoỹaneuo, qataq 'enauac ca lcheta ca la'araxashet qataq ca lcheta na lauel le'ecpi,

Levítico 3:9

Nache ca ỹaneuo aca lachetaqtaxanaqte qanhuaachigui, camaye ỹanot Ñim Nataxala' da yaqto' qaỹavigaxat 'enauac ca lcheta ca la'araxashet, qataq ca lcheta na lauel le'ecpi,

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Éxodo 29:23

Qaq aca nauolepi maye saishet da lalegue ana ỹasheeraxachigui ca ndaqñiguishec maye huetangui aca npaqtole maye netaña ca lanataqa' Ñim Nataxala', nache 'auacona qome aca 'oonole connagui, qataq aca 'oonole maye lalegue ca aceite, qataq aca 'oonole aca nauole maye sanquesaxan.

Levítico 7:37

Qaq 'era da llec aca nachetaqtaxanaqtepi qaỹavigaxatta, qataq aca chegaqaigui ana ala ca nañiguishec, qataq 'enauaque caua nachetaqtaxanaqte maye sa imauaq da qaỹavigaxa't, qataq aca nachetaqtaxanaqte da huo'o ca qoỹanagui da lo'onataxanaxac, qataq aca qanhuaachigui.

Levítico 14:12

Ime, nache ca ntaxaỹaxanaxanec ỹaconeua'a ca 'oonolec que'ecaua qagueta, nache ỹaneuo lỹateuo naqa'en ca laỹolec ca aceite da yaqto' lachetaqtaxanaxat maye sa imauaq da qaỹavigaxat, nache ỹaasheguem da ỹanot Ñim Nataxala'.

1 Samuel 9:24

Nache so nhuoshaxanaxanec sa naỹaloxon da nqatsheguem so lallac no'oitai', nache ỹami' so Saúl. Qaq so Samuel 'enapego' somaye, 'eeta': 'Ena nam mashe qaiỹotauga da qaỹauotaique da 'oq. 'Auaconeguet nache qollec, cha'aye aỹem seỹotauga namaye da yaqto' qollec nagui da aỹem secoyeguen na shiỹaxauapi da yaqto' iquia'axauapi. Nache so Saúl lquia'axaua so Samuel se'eso na'a'q.