Éxodo 29:13 - La'aqtaqa Ñim Lo'onatac 'Enauacna 2013

¹³ Qaq ca lcheta ca lailshecpi, qataq ca l-lamec qataq caua lchiguishel, nache 'auavigaxa't 'auachalec aca nca'atoxonaxalate,

Éxodo 29:13 Referans Kwoze

1 Samuel 2:16

Qaq naxa ñim shiỹaxaua da 'enapec: «Ña 'auata'a da ỹavic na lcheta, cha'aye nachera da lataxac qanqa'en. Ime, nache maiche 'oiqueetac qome ca 'auaconeua'a,» nache so namaxashec, 'eeta': «¡'A'i, nache aỹem 'aỹa'anem nagui! Qaq qom saishet da aỹem 'aỹa'anem, nache seuotaxanec qome.»

Isaías 43:24

Qataq saishet co'ollaxa da 'ausheenaxana aca coqta maye ama na laita, da yaqto' Aỹem 'aỹa'anot da 'arachetaqtaxanaqte, qataq saishet da samachiguiñi naqa'en nam Aỹem 'aỹa'aatecot lcheta na shiguiỹacpi maye 'auavigaxattac. Maye nacherata da 'auo'ot da ñasamiisop na 'arasouaxashetpi, qataq nam qauem maye 'auo'otpi.

Isaías 34:6

Qaq so lainec Ñim Nataxala' huagui qome na ntago'q qataq na lcheta, 'eeta'am da 'eetec naxa da qaỹalauat na qagueta llalaqpi, qataq ana quetaqpi da nachetaqtaxanaqte qaỹavigaxatta. Cha'aye Ñim Nataxala' ỹo'ot qome ca ỹavigaxatta lachetaqtaxanaxat huaña naqa'en ye Bosra, qataq cam ỹataqta lta'araic lalaataxanaxac huaña ye Edom.

Isaías 1:11

Ñim Nataxala', 'eeta': «¿Ta'ainco' da aỹem qandoitapegueua'a nam ỹataqta qalota qarachetaqtaxanaxache da qauavigaxache? Ye aỹem mashe ỹataqta saỹemec na qarachetaqtaxanaxache qagueta lhuaraicpi, qataq na lcheta na huaca llalaqpi, aỹem mashe ỹataqta seqaiga na ltago'q na huaca lhuaraicpi, qataq na qagueta lhuaraicpi, qataq na quetaq llalaqpi.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Números 18:17

Qalaxaye ca la'auaxanec llalec ana huaca, qagueta, qataq na quetaq, saishet da huo'o ca lasheue da nmeneguet 'anqa'en. Cha'aye namaye qaiỹotauga da ỹalamaxat, nache qaỹalauat qome, qaq na ltago'q, nache qaiquetegaxaalec añi nca'atoxonaxalate, qaq na lcheta qaỹavigaxat da nachetaqtaxanaxat, yaqto' da ama laitaỹaxac ỹamaateguet Ñim Nataxala'.

Levítico 17:6

Nache ca ntaxaỹaxanaxanec ỹacona ca ltago'q que'eca shiguiỹac, nache icoroto naua laỹel añi nca'atoxonaxalate maye lalamaqte Ñim Nataxala' maye netaña ye ñegueuo ñi npe'l. Ime, nache ỹavigaxat ca lcheta yaqto' da ama laitaỹaxac ỹamaateguet Ñim Nataxala'.

Levítico 16:25

Qataq na lcheta ca nachetaqtaxanaxat maye sa imauaq da qaỹavigaxat, nataqa'en ỹavigaxat ỹachalec añi nca'atoxonaxalate.

Levítico 9:19

Nataqa'en ỹaneuo so lcheta so huaca qataq so qagueta, qataq 'enauac so la'araxashet qataq so lcheta na lauel le'ecpi, qataq soua lchiguishel ima'agueta so lcheta nataqa'en na lsheenec so l-lamec,

Levítico 9:10

Ime, nache ỹachalec aso nca'atoxonaxalate da yaqto' ỹavigaxat so lcheta qataq soua lchiguishel ima'aguet naqa'en so lcheta, qataq so lsheenec so l-lamec se'eso shiguiỹac, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 8:25

Ime, nache somaye ỹacona 'enauac so lcheta so la'araxashet, qataq so lcheta so lauel le'ecpi, qataq soua lchiguishel ima'aguet naqa'en so lcheta, qataq so lsheenec so l-lamec, qataq so ltele'eta aloiguishec.

Levítico 8:16

Ime, nache so Moisés ỹacona 'enauac so lcheta na lauel le'ec se'eso huaca, qataq so lsheenec so l-lamec, qataq soua lchiguishel ima'aguet naqa'en so lcheta, nache ỹavigaxat, ỹachalec aso nca'atoxonaxalate.

Levítico 7:31

Ime, nache ỹanem ca ntaxaỹaxanaxanec, da yaqto' ỹavigaxat ca lcheta ỹachalec añi nca'atoxonaxalate. Qaq ca ltogue lapat, nache taỹot ca ntaxaỹaxanaxanecpi maye ltauapi so Aarón.

Levítico 7:3

Qaq 'enauac ca lcheta acamaye, nache qoỹaneuo, qataq 'enauac ca lcheta ca la'araxashet qataq ca lcheta na lauel le'ecpi,

Levítico 6:12

Qaq que'eca norec maye 'ettaigui huetalec añi nca'atoxonaxalate, camaye saishet qome da 'om qanqa'en. Qaq ca ntaxaỹaxanaxanec, nache ỹasaqtauaq qome ca 'epaqpi maye lalonaxat que'eca norec ye nte'eta. Ime, nache ỹachalec que'eca norec aca nachetaqtaxanaqte qaỹavigaxatta. Ime, qataq npa'axatcheguem ca lcheta aca nachetaqtaxanaqte maye qanhuaachigui.

Levítico 4:35

Ime, nache nqat 'enauac ca lcheta, ỹe'enaxatchigui naqa'en da lataxac da nqat na lcheta ca laỹepi qagueta nachetaqtaxanaxat maye qanhuaachigui. Qaq ca ntaxaỹaxanaxanec, nache npa'axatcheguem naqa'en acamaye da ỹavigaxat, ỹachalec añi nca'atoxonaxalate maye huetalec ca lỹa shiguiỹac maye nachetaqtaxanaxat qaỹavigaxatta. Qaq da nache 'eetec de'era ca ntaxaỹaxanaxanec, nache qaỹapalaxat ca lasouaxashet que'eca shiỹaxaua.

Levítico 4:31

Ime, nache nqat 'enauac ca lcheta, ỹe'enaxatchigui da lataxac da nqat ca lcheta aca nachetaqtaxanaqte maye qanhuaachigui. Qaq ca ntaxaỹaxanaxanec, nache ỹavigaxat, ỹachalec añi nca'atoxonaxalate, yaqto' da ama laitaỹaxac ỹamaateguet Ñim Nataxala'. Qaq da nache 'eetec de'era ca ntaxaỹaxanaxanec, nache qaỹapalaxat ca npe'enaxac que'eca shiỹaxaua.

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

Levítico 1:15

Nache ca ntaxaỹaxanaxanec iroua'a añi nca'atoxonaxalate, nache inoxonec ca lqaic, nache ỹavigaxat ỹachalec añi nca'atoxonaxalate. Qaq da ime da nlom na ltago'q da icorot na 'oonolec laỹe añi nca'atoxonaxalate,

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Éxodo 29:25

Qaq da ime da ỹaayeshegue'm, nache 'auavigaxat, 'auachalec aca nca'atoxonaxalate, qataq lỹateuaq ca nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Éxodo 29:22

Ime, qataq 'anqateua'a ca lcheta so la'araxashet, lailshecpi, l-lamec, lchiguishel, qataq ca lcheta na aloiguishec ltele'eta, cha'aye que'eca qagueta nachetaqtaxanaxat da huo'o ca qoỹanagui da lo'onataxanaxac da ntaxaỹaxanaxanec.

Éxodo 29:18

Qaq 'enauac camaye 'auavigaxat, 'auachalec aca nca'atoxonaxalate da nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Éxodo 12:9

Qaq saishet qome da qollequi ca laỹe da ñaq tocchigui, huo'otaq ca qoỹaatauaq. Qaq ima ca shiguiỹac, lqaic, lapia'ate, qataq na lauel le'ec, namayepi qaỹauotta.

Levítico 7:4

qataq caua lchiguishel ima'aguet nataqa'en ca lcheta, qataq ca lcheta ca l-laq lapat, nataqa'en ca lsheenec ca l-lamec.