Éxodo 29:12 - La'aqtaqa Ñim Lo'onatac 'Enauacna 2013

¹² Ime, nache 'auacona aca laỹe' ca ltago'q ca huaca llalec, nache 'aua'ayingui ana 'aya'axaata, nache 'aua'ame'n naua lcoue aca nca'atoxonaxalate, qaq ca no'onañi que'eca ntago'q nache 'aucorot na pa'aguiñi acamaye.

Éxodo 29:12 Referans Kwoze

Éxodo 27:2

Qaq caua cuatro lsheeneqa nache netegueta 'anqa'en caua cuatro lcoue. Ime, nache mpa'aỹasheguem 'anqa'en ca lcat bronce da 'alapaxalec aca'aca nca'atoxonaxalate.

Levítico 9:9

Nache soua llalqa somaye iroua'alo so laỹe' so ntago'q, nache so Aarón ỹa'ayingui aso llaxaata somaye, nache ỹa'ame'n soua lsheeneqa soua lcoue aso nca'atoxonaxalate. Qaq so no'onañi, nache icorot na pa'aguiñi asomaye.

Levítico 8:15

Qaq so Moisés, nache ipelecot na lqosot se'eso huaca. Ime, nache ỹacona so laỹe' so ltago'q, nache ỹa'ayingui ana llaxaata, da yaqto' ỹa'ame'n naua lsheeneqa soua lcoue aso nca'atoxonaxalate, qaq so no'onañi ntago'q, nache icorot na pa'aguiñi asomaye. Qaq 'era da 'eetec da qui'itta naqa'en aso nca'atoxonaxalate, qataq nache huaña da qaỹapalaxat ca nasouaxashet.

Éxodo 30:2

Qaq acamaye ivi' ca cuarenta y cinco centímetros ye locta qataq cuarenta y cinco centímetros ye lcachiguiñi qataq ivi' noventa centímetros ye loquitcheguema, qataq 'anaua'alo caua lsheeneqa aca nca'atoxonaxalate caua lcoue nache ima'agueta 'anqa'en.

Hebreos 10:4

Cha'aye ne'enaua ltago'q na huaca lhuaraicpi qataq na quetaq lhuaraicpi maye qaỹavigaxattac, naamaye saishet da ỹañoxot da ỹapalaxat na nasouaxashetpi.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

Levítico 16:14

Ime, nache ỹacona aca laỹe' ca ltago'q ca huaca, nache ỹa'ayingui ana llaxaata, nache ichegoqot na laỹe maye pa'aigue da yo'oxoñi ñi lapoxot añi laỹe' naua aỹamaxataxaco. Qataq siete da ichegoxogue ca ntago'q da pa'aỹa'ague ñi'iñi lapoxot.

Levítico 5:9

Ime, nache nlom da ichegoxolec na 'oonolec laỹe añi nca'atoxonaxalate ca ltago'q que'eca nachetaqtaxanaxat. Qaq ca no'onañi, nache ichegoqot na pa'aguiñi añi nca'atoxonaxalate, cha'aye nachetaqtaxanaxat maye sa imauaq da qaỹavigaxat.

Levítico 4:34

Ime, nache ca ntaxaỹaxanaxanec ỹa'ayingui ana llaxaata ca ltago'q aca qagueta maye nachetaqtaxanaqte maye sa imauaq da qaỹavigaxat, nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Levítico 4:30

Ime, nache ca ntaxaỹaxanaxanec ỹa'ayingui ana llaxaata ca ntago'q qataq nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Levítico 4:25

Ime, nache ca ntaxaỹaxanaxanec ỹa'ayingui ana llaxaata ca ltago'q ca quetaq maye nachetaqtaxanaxat maye sa imauaq da qaỹavigaxat, nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Levítico 4:18

Qataq nache ỹa'ame'n naua lsheeneqa ñeua lcoue añi lca'atoxolate na nchenaxanaxat ama na laita, maye netaigui ñi npe'l. Qaq ca no'onañi ntago'q, nache icorot na pa'aguiñi añi nca'atoxonaxalate da huo'o na qaỹavigaxat, maye netaña ye ñegueuo ñi npe'l.

Levítico 4:7

Qataq ỹa'ame'n naua lsheeneqa ñeua lcoue añi lca'atoxolate na nchenaxanaxat maye ama na laita maye netaigui ñi npe'l. Qaq ca no'onañi ltago'q ca huaca llalec, nache icorot na pa'aguiñi añi nca'atoxonaxalate da huo'o na qaỹavigaxat maye netaña ye ñegueuo ñi npe'l.

Éxodo 38:2

Nache soua cuatro lsheeneqa na pa'asheguem ỹauo'oi soua lcoue, qaq nache ima'a't naqa'en asomaye. Ime, nache lapaxalec so lcat bronce.

Apocalipsis 6:9

Qaq se'eso Qagueta Llalec can qaltaq ivita da nqat aso cinco soua na'anaxanaqtel, nache sela'a da som qaỹalauatpi co'ollaxa, souaxat da ỹa'axattac da la'aqtac Ñim Lo'onatac 'Enauacna, hueto'ot aso nca'atoxonaxalate.

Éxodo 29:11

nache ỹauaachigui 'anqa'en Ñim Nataxala' da 'aualauat que'eca huaca llalec, huaña ca ñegueuo ca npe'l.