Éxodo 29:10 - La'aqtaqa Ñim Lo'onatac 'Enauacna 2013

¹⁰ Qaq da ime, nache 'auauegueua'a ca lasom ca npe'l ca huaca llalec, yaqto' ñi Aarón qataq ñeua llalqa, ỹashel-leguete na lqaic que'eca shiguiỹac,

Éxodo 29:10 Referans Kwoze

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Levítico 1:4

Qaq nache huaña yemaye da ỹashel-lec na lqaic que'eca shiguiỹac, yaqto' que'eca shiguiỹac qaỹaỹamaxareeta. Qataq nache chegoqchigui da qaỹapalaxat na lasouaxashetpi que'eca shiỹaxaua.

Éxodo 29:19

Ime, qataq 'auacona ca lỹa qagueta yaqto' ñi Aarón qataq ñeua llalqa ỹashel-leguete na lqaic camaye.

Éxodo 29:15

Qataq 'auacona ca 'oonolec caua qagueta, yaqto' ñi Aarón qataq ñeua llalqa ỹashel-leguete qome na lqaic que'eca shiguiỹac.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Levítico 3:2

Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Éxodo 29:11

nache ỹauaachigui 'anqa'en Ñim Nataxala' da 'aualauat que'eca huaca llalec, huaña ca ñegueuo ca npe'l.

Números 8:12

Ime, nache na leviitapi ỹashel-lec na lqaic ca huaca llalaqpi, nache ca 'oonolec que'eca huaca llalaqpi, ỹaneuo da yaqto' qaỹapalaxat na lasouaxashetpi, qaq ca lỹa qalaq ỹanot Ñim Nataxala' da lachetaqtaxanaxat sa imauaq da qaỹavigaxatta.

Ezequiel 43:23

Qaq qom 'aumat de'era lataxac da nỹoxoc acamaye, nache 'auacona ca 'oonolec huaca llalec, qataq ca qagueta lhuaraic, qaq caamaye 'enauaque qome da qaica ca lque'emaxa,

Levítico 4:4

Qataq iroua'a ye ñegueuo ñi npe'l maye huaña naxa da qanauane' Ñim Nataxala' que'eca huaca, nache ỹashel-lec na lqaic. Ime, nache ipelecot na lqosot huaña naqa'en ye lanataqa' Ñim Nataxala'.