Éxodo 29:1 - La'aqtaqa Ñim Lo'onatac 'Enauacna 2013

¹ «Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Éxodo 29:1 Referans Kwoze

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Éxodo 12:5

Qaq que'eca shiguiỹac, camaye ỹale qataq ivi' qome ca 'oonolec vi'i, qataq ỹataqta qaica ca lque'emaxa, qagueta huo'otaq quetaq.

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

2 Crónicas 13:9

Qataq nataqa'en qami' qauo'oyiỹauec co'ollaxa so ltaxaỹaxanaxanecpi Ñim Nataxala' maye chegoxoguetpi so Aarón, qataq so leviitapi, nache qauauo'oi na qartaxaỹaxanaxanequi da qaue'enaxache nam ỹotta'a't shiỹaxauapi, maye sa ỹauatton Ñim Lo'onatac 'Enauacna, nache camachaqca shiỹaxaua maye ndotauo ca 'oonolec huaca llalec qataq ca siete peenaqpi, nache ntaxaỹaxanaxanec da qanatamnot nam saq 'en atamnaxala'pi.

Levítico 22:20

qalaxaye saishet da que'emaxaic, cha'aye camaye saishet qome da qaỹaconeguet.

Levítico 16:3

Qaq ñimaye da huenoxoneua'a ye pa'auo ñi npe'l, nache irouo ca 'oonolec huaca da lachetaqtaxanaxat maye sa imauaq da qaỹavigaxat, qataq ca 'oonolec qagueta da lachetaqtaxanaxat qaỹavigaxatta.

Levítico 9:2

Nache 'enapego' so Aarón, 'eeta': «'Auaconeua'a qome ca huaca, yaqto' nachetaqtaxanaxat maye sa imauaq da qaỹavigaxat, qataq ca qagueta lhuaraic maye qaica ca lque'emaxa, yaqto' nachetaqtaxanaxat qaỹavigaxatta, nache qoỹanot Ñim Nataxala'.

Levítico 6:6

Qataq ỹanot Ñim Nataxala' ca qagueta qaica ca lque'emaxa da lachetaqtaxanaxat maye sa imauaq da qaỹavigaxat, huo'otaq aca lasheue que'eca shiguiỹac. Nache iroua'a ca ntaxaỹaxanaxanec.

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Éxodo 28:3

Qataq 'anmitaique qome ca sanem co'ollaxa da ỹaỹaten da ỹo'ot ca nogoxot qataq da ỹo'ot ca leraxat ca nogoxot da ỹo'oxoraqta naqa'en, yaqto' ỹo'o't caua alogo so Aarón. Qaq da ime, nache sanagui da lo'onataxanaxac da itaxaỹaxanaxanec.

Éxodo 28:41

Qaq 'era da 'eetec da no'otaxac 'anqa'en ñi 'arqaỹa Aarón, qataq ñeua llalqa. Ime, nache 'aucoreleguete naua lqaigo ca aceite, da yaqto' huo'o da 'eneque, qataq 'auỹotaugalo da itaxaỹaxanaxanqa.

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Levítico 8:1

Nache Ñim Nataxala' 'enapega so Moisés, 'eeta':

Ezequiel 43:23

Qaq qom 'aumat de'era lataxac da nỹoxoc acamaye, nache 'auacona ca 'oonolec huaca llalec, qataq ca qagueta lhuaraic, qaq caamaye 'enauaque qome da qaica ca lque'emaxa,

Éxodo 28:1

«Qaq 'am, qonapega qome ñi Aarón qataq soua llalqa Nadab, Abiú, Eleazar qataq so Itamar da yaqto' nachesoua qome soua itaxaỹaxanaxanqa da sachegoxotaigui na Israel le'ecpi.

Levítico 6:13

Qaq que'eca norec maye huetalec añi nca'atoxonaxalate, camaye nache 'eetai' qome da 'ettaigui qanqa'en.

Levítico 7:35

Qaq aca'aca nachetaqtaxanaqtepi maye qaỹavigaxat da qoỹanot Ñimaye, nachaca qome aca taỹot ñi Aarón qataq cam chegoxoguetpi, nache chegoqchiguiña qome que'eca na'a'q da qoỹanagui da ntaxaỹaxanaxanec da qaitaxaỹapegue' Ñim Nataxala'.

Levítico 14:11

Nache ca ntaxaỹaxanaxanec ỹauegueua'a camaye ye ñegueuo ñi npe'l maye huaña naxa da qanauane' Ñim Nataxala' qataq ca lachetaqtaxanaxat.