Éxodo 28:43 - La'aqtaqa Ñim Lo'onatac 'Enauacna 2013

⁴³ yaqto' ñi Aarón qataq ñeua llalqa, nache ỹaatrañi caamaye da taua'alo ca npe'l maye huaña qome da nauaare' Ñim Nataxala', huo'otaq da taua'alo aca nca'atoxonaxalate da ỹacooleguete da lo'onataxanaxa'c, yaqto' qaica ca ne'enaxa'c qataq saishet da ileu'. Qaq 'era da chochaq tatec namaxasoxonaxac maye qoỹanem ñi Aarón, qataq cam chegoxoguetpi.»

Éxodo 28:43 Referans Kwoze

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Éxodo 20:26

Qaq ỹoqo'oye aca'aca nca'atoxonaxalate maye ỹalamaqte, saishet qome da huo'o ca taỹasheguema napiaxala'pi, yaqto' da huo'o ca tasheguema da qoñiita nache saishet da yo'oqteua'alo naua logoxoshe'ete.»

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

Números 18:22

Qaq na laỹe Israel le'ecpi qalaq saishet qome da taua'a ñi npe'l maye naỹonqa', cha'aye lasouaxashet da taua'a, qaq ishet da maiche nasouaxaala't da ileu.

Levítico 22:9

Nache na ntaxaỹaxanaxanecpi ỹataqta ỹalaxalec qome na ỹamaxasoxonaxacpi, yaqto' qaica ca ileu, souaxat da ỹashaxanec da ỹa'aqtac. Cha'aye Aỹem Nataxala' maye sanem namayepi da Aỹem do'onataxanot.

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Levítico 5:1

Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Éxodo 30:21

nache iỹoi' naua lhuaxaye qataq naua lchel. Yaqto' saishet da ileu'. Qaq 'era qome da nache 'eetai' lataxac da llec da lo'onataxanaxac ñi Aarón qataq cam chegoxoguetpi».

Levítico 16:13

nache ỹachangui aca laỹe na nchenaxanaxat huaña ye pa'auo, nache ca lmala'q camaye sa yo'oq naqa'en ñi lapoxot añi laỹe' naua aỹamaxataxaco. Qaq da 'eetec de'era ñi Aarón, nache saishet da ileu qome.

Ezequiel 44:17

Qalaxaye qom huenoxonoigui ñi lasom maye naña ye qasoxoc maye pa'aỹauo, qalaq iuen da ỹaatañi na logoxot maye chegaqaigui na lino. Qaq da do'onataxaatac da hueta'a ye pa'aỹauo qasoxoc, huo'otaq añi atamnaxaqui, qalaq saishet qome da ỹaatrañi naua alogo maye chegaqaigui na qagueta laue.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 22:15

Qalaxaye ca ntaxaỹaxanaxanecpi saishet qome da ỹa'ashaxan aca nachetaqtaxanaqtepi maye ỹaneuo na Israel le'ecpi da ỹanot Ñim Nataxala',

Números 15:15

Qaq de'era qalapaxañi lataxac, nacherata 'oonolec da qauo'ocheetac qome, qataq ca chegaqauecpi maye qami' ỹalectaiguilo. Qaq 'era da chochaq tatec lataxac maye qalapaxañi, da yaqto' qami' qataq ca qami' chegoxogueta, nache 'eetai' qome da ỹo'ottac. Cha'aye qami' qataq ca chegaqauecpi, nache qoñiita'a't da qoviito'ot Ñim Nataxala'.

Números 18:8

Ñim Nataxala' 'enapega so Aarón, 'eeta': «Aỹem, 'am sepa'axana'aguet da 'aulotague' 'enauac na nachetaqtaxanaxatpi maye Aỹem qoỹanot. Nache 'enauac na qaiỹotauga nachetaqtaxanaxatpi maye Aỹem ỹanot na Israel le'ecpi, namaye 'am sanem qataq na 'aỹa'alaqpi da yaqto' qaralamaxache, qaq de'era lataxac nache 'eetai' qome.

Números 18:32

Qaq da ime da iỹotauga ca ỹataqta no'on da Aỹem ỹanot, nache ishet da chec ca no'onañi, qalaxaye saishet da huo'o ca lasouaxashet, cha'aye da 'eetec de'era, nache saishet da na'aqchet na lachetaqtaxanaxatpi na Israel le'ecpi, qataq saishet da huo'o ca ileu.›»