Éxodo 28:42 - La'aqtaqa Ñim Lo'onatac 'Enauacna 2013

⁴² Nataqa'en 'auamaxasoxooleguete caua lpa'axanaqtel chegaqaiguilo na lino,

Éxodo 28:42 Referans Kwoze

Ezequiel 44:18

Qataq ỹaatañi qome ca laxataxat na lqaic, hualoq laỹe maye chegaqaigui na lino, qataq aca lamaxaso maye nataqa'en chegaqaigui na lino, qataq saishet da ỹaxattagui na lasot cam ishet da nchelchaxañi naqa'en.

Levítico 16:4

Qataq da huenoxoneuo, nache ỹa'auaxaañi nachel. Ime, nache ỹaayiñi soua lpa'axanaqa'ate, qataq napogoña so lapo' ca ntaxaỹaxanaxanec, qataq nsaachigui so lasot alaxa, qataq so lqaic alaxa soua alogo maye chegaqaiguilo na lino maye lalamaqa'ate da ntaxaỹaxanaxanec.

Levítico 6:10

Qaq ca ntaxaỹaxanaxanec, nache ỹaañi qome ca lapo' hualoxolaỹi maye chegaqaigui na lino, qataq caua lpa'axanaqtel. Ime, nache lapona't ca alo aca nachetaqtaxanaqte qaỹavigaxatta maye huetalec añi nca'atoxonaxalate, nache ỹachaua'a na laỹe añimaye.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Éxodo 39:28

nache 'ena'ama soua lqaic alaxa, qataq na lo'oxoraxa't soomaye qataq naua lpa'axanaqtel soomaye, nache chegaqaigui na no'on lino,

Éxodo 20:26

Qaq ỹoqo'oye aca'aca nca'atoxonaxalate maye ỹalamaqte, saishet qome da huo'o ca taỹasheguema napiaxala'pi, yaqto' da huo'o ca tasheguema da qoñiita nache saishet da yo'oqteua'alo naua logoxoshe'ete.»

Ezequiel 44:17

Qalaxaye qom huenoxonoigui ñi lasom maye naña ye qasoxoc maye pa'aỹauo, qalaq iuen da ỹaatañi na logoxot maye chegaqaigui na lino. Qaq da do'onataxaatac da hueta'a ye pa'aỹauo qasoxoc, huo'otaq añi atamnaxaqui, qalaq saishet qome da ỹaatrañi naua alogo maye chegaqaigui na qagueta laue.

Levítico 6:3

huo'otaq da ilalec ca nogoxoshet maye deqat nache saishet da ichoxot, qataq da ỹan ca la'aqtac da 'eetega saishet da ilalec ca deqat nogoxoshet, qataq da 'eetega saishet da ỹo'ot na nasouaxashetpi maye nache 'eetai' naxa da ỹo'ottac na shiỹaxauapi,