Éxodo 28:34 - La'aqtaqa Ñim Lo'onatac 'Enauacna 2013

³⁴ qaq da 'aỹa'anauo acamayepi nache hua'auñi da 'aỹa'anauo aca 'oonole ne'enaqta qo'oipaq ala hualoq laỹe, qataq ca'attalec aca 'oonole aca natoina maye chegaqaigui na oro, qataq ca'attalec aca lỹa ne'enaqta qo'oipaq ala hualoq laỹe, nache ivittec 'anqa'en caua laỹel aca npoto.

Éxodo 28:34 Referans Kwoze

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Cantares 8:2

Qataq nache ishet da 'am sauegueua'a ye lma' aso ỹate'e, nache 'eco' taxa da 'am ñapaxaguenaxala'. Nache aỹem 'am sami' na lli'i ana ỹañiguishe granadapi qataq da 'am ñeỹomaxangui na 'onaxaic lataxa.

Cantares 6:11

Saigui qome ye lma' ana nañiguishe nogalpi, semeten da mashe nsala ana lauepi ana qo'oipaqpi na no'onaxa ca'amapega't, qataq mashe huo'o ana llaxataxa ana nañiguishe uvapi qataq ana lauoxo ana granadapi.

Cantares 6:7

Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Cantares 4:13

Qataq qoneta'am ca nañiguishe lma' maye ñaxaalec ana granada maye qaica ca 'ena'am da lamaic ana ala, nañiguishe lma' maye nlaqtelec ana lauoxo ana alheña.

Cantares 4:3

Na 'ap qalaq togaxaraic 'eeta'am na nqo'oilliguishec, qataq huo'o da lamaic naua 'ara'aqtaqa. Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Salmos 89:15

Ỹataqta machiguiñi qome ca nhuo' le'ecpi, maye ỹaỹaten da 'am ỹo'oxoreetac 'Am Nataxala', qataq quetaigui nam 'are'eraxa,

Éxodo 28:33

Qataq 'auo'ot aca llo'oxoraqtepi ne'enaqta qo'oipaq ala, 'auauota'a ca hualoq laỹe imalaqalec, tocalec, togaxaraic, qataq 'aỹa'aachiguingui ca laiñi aca natoinapiole, maye chegaqaigui na lcat oro, nache 'aviraxata'a't da 'anaua'alo caua laỹel aca'aca npoto,

Éxodo 28:35

Nache ñi Aarón ỹaañi qome aca'aca npoto da ỹacoolec da lo'onataxanaxac, da ivita da inoxonoigui ca npe'l, qataq da huenoxonec, nache iuen da qaỹa'aqtega da l-lamaxa aca'aca natoinapiole, nache qaỹaỹaten da ñimaye saishet da ileu.»

Éxodo 39:22

Qaq 'enauac se'eso nhuomaigui lomaxaqui chegaqaigui na hualoq laỹe imalaqalec.

Éxodo 39:26

se'eso nhuomaigui lomaxaqui, da qaỹacoolec da no'onataxanaxac, qataq qoỹanaguilo soua laỹel somaye aso latoinapi, qataq aso ne'enaqtapi ala ana granda. Nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.