Éxodo 28:30 - La'aqtaqa Ñim Lo'onatac 'Enauacna 2013

³⁰ Nache que'eca ntogue lapoxot qaỹacherangui qome ca Urim qataq ca Tumim. Ỹoqo'oye iuen da netaleguete ana ltogue so Aarón da taua'a ca lanataqa' Ñim Nataxala'. Cha'aye caamaye nachecaua caua chegoqchiguilo qome da qaỹaỹaten ca 'eetapeguec Ñim Nataxala'.»

Éxodo 28:30 Referans Kwoze

Nehemías 7:65

Nataqa'en so nta'a sa ỹashenem da chec somayepi aso nachetaqtaxanaqte maye qui'itta, choche ivitta'a da huo'o ca ntaxaỹaxanaxanec da ichemaxata Ñim Nataxala', ỹachegoxotchiguilo soua coma'yolqa maye alletaxaqui' Urim qataq Tumin.

Esdras 2:63

Qaq so nataxala' sa ỹashenem somayepi da chec so qoỹaneuo nallec maye saqaishetapec, choche ivitta'a da huo'o ca ntaxaỹaxanaxanec da dechemaqtaxaalec ỹauota'aisalo sua coma'yolqa Urim qataq Tumim.

Deuteronómio 33:8

Qaq da ỹanem la'aqtac so Leví, 'eeta': «'Am Nataxala', soua 'aralamqa'ate Tumim qataq Urim qalaq 'aỹa'anema so shiỹaxaua maye 'arpe'et, qataq 'avi'iguen co'ollaq huaña ye Masah, som 'ancotaỹapegue' co'ollaq huaña ye npaxaatasheguem na 'etaxat ye Meribá,

Números 27:21

Qalaxaye so Josué taua'a qome so ntaxaỹaxanaxanec Eleazar da yaqto' somaye ichemaxata Aỹem chegoqchigui so Urim. Yaqto' ca la'aqtac so Josué da ỹamaq na Israel le'ecpi da jec, qataq da ñe'eguelaxauo, nacheca ca ỹalaxaguet qome namayepi da ỹo'ot.

Levítico 8:8

Ime, qataq nqolaaña naqa'en so laỹe' soua coma'yolqa maye chegoqchiguilo da qaỹaỹaten ca 'eetapeguec Ñim Nataxala'.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

1 Samuel 28:6

Ỹoqo'oye so Saúl inat co'ollaxa Ñim Nataxala', qalaxaye Ñimaye saishet da ỹasateguet da ỹachegoxotchigui ca lchoxonaxac, huo'otaq so coma' maye le'enaxat urim, huo'otaq so na'aqtaxanaxanecpi.

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Zacarías 6:13

Ñimaye qaltaq no'oxoosheguem qome añi ỹalamaqte atamnaxaqui, nache ỹaconeguet qome da llo'oxoyec da nta'a. Qataq nso'ongui qome aca nso'onaxaqui da damaxasoxon, qaq na laỹe aca nso'onaxaqui nache nso'ootaña qome ca ntaxaỹaxanaxanec, qaq caamaye nache huetraigui qome da l-lagaxayec.›

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

2 Corintios 12:15

Qaq aỹem qaica ca shectega da sematteuo na aỹem hueto'ot, ivira'a da yo'oqchigui ñachaalataxac da saneuo da yaqto' qami' setaua'n. Da aỹem ỹataqta qami' sauoteque, qaq ¿ta'ainco' qami' ye saishet da aỹem qauauochec?

2 Corintios 7:3

Qaq saishet da shenapec de'era da yaqto' qauem da qarhuennataxaqui, cha'aye mashe ime caillaye da ỹa'aqtac da qami' ỹataqta qanhuañiỹaua'a da iquiyaqteỹaxac, da yaqto' qami' ñachaalataxau' qataq da qami' ileuaxa'u.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Éxodo 28:29

Nache so Aarón da taigui ca npe'l maye huaña qome da nauane' Ñim Nataxala', nache ỹaañi que'eca ntogue lapoxot da yaqto' qaỹaỹaten ca 'eetapeguec Ñim Nataxala', qataq nache netalec ana ltogue caua le'enaqa'ate soua llalqa so Israel da taua'a Ñim Nataxala', yaqto' nache 'eetai' da saishet da qaicoua'aisalo soomaye.