Éxodo 28:28 - La'aqtaqa Ñim Lo'onatac 'Enauacna 2013

²⁸ Nache caua la'aitel ca lomaxaqui qaiuomaigui le'enaxat efod qaỹo'ot ca lquet malaxaraic da qaicoñera'aguet ca ntogue lapoxot, yaqto' caamaye ishet da qota'a't.

Éxodo 28:28 Referans Kwoze

Números 15:38

«Qonapega na Israel le'ecpi qataq 'enauac nam chegoxoguetpi da ỹo'ot qome ana lauoxo maye llo'oxoraqte naua laỹel na logoxot, nache da nteteuo anamayepi, nache ỹauota'a na ntetaxanaxat imalaqalec da lo'oxoỹaxac.

Éxodo 28:37

Nache que'eca lapaqaic lcat oro, 'aỹa'analec ca latapshec que'eca nqaic alaxa, qataq 'auo'o't ca lquet imalaqalec da lo'oxoỹaxac, nache 'acoñetchiguiñi camaye.

Éxodo 28:31

«Qataq 'auo'ot qome aca lapoto ca ntaxaỹaxanaxanec, chegaqaigui 'anqa'en ca hualoq imalaqalec da lo'oxoỹaxac,

Éxodo 25:7

qataq ca coma' le'enaxat ónice qataq ca no'on laỹepi maye qaỹauotaique da no'onataxat ca npo' le'enaxat efod, qataq caua lallagui'ishe som lataxala' ca ntaxaỹaxanaxanecpi.

Éxodo 28:8

Qaq ca lasot alaxa maye nllañi ca efod camaye nataqa'en chegaqaigui na oro, hualoq laỹe imalaqalec, tocalec, togaxaraic qataq na ỹataqta no'on lino.

Éxodo 28:27

Qataq 'auo'o't caua lỹa't la'aitel, chegaqaiguilo na oro, nache 'aỹa'anaguilo ca dataỹa'ague ca alo' ca lomaxaqui qaiuomaigui sa qaỹapeque 'anqa'en ca lasot alaxa.

Éxodo 28:29

Nache so Aarón da taigui ca npe'l maye huaña qome da nauane' Ñim Nataxala', nache ỹaañi que'eca ntogue lapoxot da yaqto' qaỹaỹaten ca 'eetapeguec Ñim Nataxala', qataq nache netalec ana ltogue caua le'enaqa'ate soua llalqa so Israel da taua'a Ñim Nataxala', yaqto' nache 'eetai' da saishet da qaicoua'aisalo soomaye.

Éxodo 39:41

qataq so no'oxonec nogoxot da qaỹacoolec na no'onatacpi so npe'l, qataq soua alogo so ntaxaỹaxanaxanec Aarón, qataq soua alogo soua llalqa.