Éxodo 28:12 - La'aqtaqa Ñim Lo'onatac 'Enauacna 2013

¹² Nache ỹanaguilo naua lallaco ca npo' le'enaxat efod, yaqto' so Aarón ỹacheta'ape caamaye netaleguete naua lallaco naua le'enaqa'ate soua llalqa so Israel, yaqto' lỹateuo da taua'a ye lanataqa' Ñim Nataxala', nache namayepi saishet da qaicoua'ai.

Éxodo 28:12 Referans Kwoze

Éxodo 28:29

Nache so Aarón da taigui ca npe'l maye huaña qome da nauane' Ñim Nataxala', nache ỹaañi que'eca ntogue lapoxot da yaqto' qaỹaỹaten ca 'eetapeguec Ñim Nataxala', qataq nache netalec ana ltogue caua le'enaqa'ate soua llalqa so Israel da taua'a Ñim Nataxala', yaqto' nache 'eetai' da saishet da qaicoua'aisalo soomaye.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Números 31:54

Qaq so Moisés qataq so ntaxaỹaxanaxanec Eleazar ỹaconeguet co'ollaxa so oro maye lachetaqtaxanaxatpi so nataxala'pi, nache iroua'a so npe'l da yaqto' Ñim Nataxala' saishet da icoua'ai na Israel le'ecpi.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Levítico 24:7

Nache 'auachaua'alo naua laỹel ca ndochiguiñi nchenaxanaxat ama na laita, nache 'auavigaxat camaye da yaqto' nmeneguet aca nachetaqtaxanaqte nauolepi, cha'aye naigui da qaiuennate da Ñimaye lalamaxat 'enauacna.

Hechos 10:4

Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Lucas 1:54

Qataq itauan na Israel le'ecpi maye lamaxashecpi, qataq saishet da ỹaxanec da lauotaxanaqtaic namayepi.

Isaías 62:6

'Am Jerusalén, na 'arpaqtaxanaxatpi sanalec na 'arauanaxanaxanecpi, maye ye na'a'q qataq ye pe saishet da vi'iiguet da 'eeta': «Qami' maye qauỹaxañiitacot Ñim Nataxala', saishet qome da qavi'imqaita,

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Salmos 89:19

Huo'o co'ollaxa so na'a'q da huaigui 'anqa'en so nauanaqchec da 'autaqa, nache 'aua'aqtaxanem na 'aralamaxat nhuo' le'ecpi, maye ỹataqta 'am ỹalaxaguet, qoneta': «Mashe sanem da itaunaxanaxac ñim ỹataqta 'añaxaic, ñim ỹataqta no'on da lataxac ne'ena nhuo' le'ecpi, maye mashe sanagui da la'amaqchec da nta'a.

Éxodo 28:7

Qataq qaỹo'ot caua lque'ete qota'a't da yaqto' nllañi somaye.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

1 Corintios 11:24

Nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole, nache 'enapeco': «Qolliqui ne'ena; nachena na maiche ỹapat maye taỹa'a da qoỹaneuo da qami' qanqouagueque. Qaq da ivita da qolliqui, nache qaltaq qauennache Aỹem.»

Éxodo 28:11

Qaq que'eca lo'o ca 'otaxatpi nacheca qome ca ỹerelec que'ecaua dos coma'ye naua le'enaqa'ate soua llalqa so Israel ỹe'enaxatchigui da 'eetec da ỹerelec aca na'anaxanaqte. Nache lapaxagueta na oro caua coma'.

Deuteronómio 33:12

Qaq da ỹanem la'aqtac so Benjamín, 'eeta': «So lauotaxat Ñim Nataxala' ỹataqta amata da nmataxac, cha'aye Ñimaye ỹataqta ntela'a somaye, ¡Nache somaye huetalec da ltelaqtaxanaxac Ñimaye!»

Da na'aqtaguec so Job 31:36

nache ỹataqta ñallaguisheetactaxa que'eca ỹasouaxashet, nache 'eeta'am ñaqa'en da ñaro'ootaña.