Éxodo 27:21 - La'aqtaqa Ñim Lo'onatac 'Enauacna 2013

²¹ Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Éxodo 27:21 Referans Kwoze

Números 19:21

Qaq 'era da qalapaxañi lataxac maye nache 'eetai' qome da qaỹo'ottac. Qaq que'eca shiỹaxaua maye qui'itta da lataxac maye dechegoxosoxona ca 'etaxat maye ishet da iỹouec ca nasouaxashet, camaye iuen qome da iỹoi' caua alogo. Qaq ca lỹa shiỹaxaua da ỹashelgui ca 'etaxat qui'itta maye iqui'itaxat da nataxac, camaye saishet da qui'itta'a ivitta'a da pe.

Números 18:23

Qaq nachaqnata na leviitapi da huetague' qome na no'onatacpi ñi npe'l maye naỹonqa', qaq da huo'o ca ỹasouaxat, nache maiche nasouaxaala't. Qaq 'era da lataxac maye nache 'eetai' qome da ỹo'ottac ca 'am chegoxoguetpi. Qaq na leviitapi saishet qome da huo'o ca lalamaxat da ỹalectaigui na Israel le'ecpi.

2 Crónicas 13:11

Qaq namayepi ye nte'eta qataq ye avit, ỹanot naxa Ñim Nataxala' ana nachetaqtaxanaqte qaỹavigaxatta, qataq na nchenaxanaxat, qataq ỹachalec so qui'itta lmala' ana nauolepi, qaq da avit nache ỹe'eraxatoigui aso ncoỹaraxanaxaquipi maye netagui aso lashe oro. Cha'aye qomi' salaxasoxoguet nam lamaxasoxonaxacpi Ñim Nataxala', maye Qanatamnaxala', qami' qalaxaye qoquiỹa'ai Ñimaye.

1 Samuel 3:3

Qaq so Samuel do'ocheta huetaigui aso atamnaxaqui maye netaigui aso arca maye laỹe' da naỹamaxataxac Ñim Lo'onatac 'Enauacna. Qaq aso lcoỹaraqte aso atamnaxaqui ñaq 'ettaigui.

Levítico 16:34

Qaq 'era da nache 'eetai' lataxac da qoyecỹaxaqui: Da nache 'oonolec da qauo'oche ye vi'i da yaqto' qaỹapalaxat nam ỹo'ot lle'etaxaloxosat na Israel le'ecpi.» Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Éxodo 30:8

Nataqa'en da avit da ỹe'eraxatoigui aca ncoỹaraxanaxaquipi, nache nataqa'en ỹavigaxat ca nchenaxanaxat, qataq ỹauaachigui naqa'en Ñim Nataxala'. Qaq 'era qome da nache 'eetai' lataxac da qoyecỹaxaqui qataq ca qaỹa'alquipi.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

1 Samuel 30:25

Qaq nache huaiguio' se'eso na'a'q da so David lapaxañi de'era lataxac da huo'o ca loquiaxac, qaq so Israel le'ecpi nache queta da ỹo'ottac, choche ivitta'a nagui.

Éxodo 28:43

yaqto' ñi Aarón qataq ñeua llalqa, nache ỹaatrañi caamaye da taua'alo ca npe'l maye huaña qome da nauaare' Ñim Nataxala', huo'otaq da taua'alo aca nca'atoxonaxalate da ỹacooleguete da lo'onataxanaxa'c, yaqto' qaica ca ne'enaxa'c qataq saishet da ileu'. Qaq 'era da chochaq tatec namaxasoxonaxac maye qoỹanem ñi Aarón, qataq cam chegoxoguetpi.»

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem:

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Lucas 12:35

Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

Mateo 4:16

Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Salmos 134:1

Qavio'oxoyiñi qome Ñim Nataxala', 'enauac qami' maye qami' lamaxashecpi, qami' maye qoviita'a naxa ye pe añi atamnaxaqui maye lalamaqte Ñimaye.

Números 8:9

Nache nquigueua'a 'anqa'en na leviitapi ye sa qaỹapeque ñi npe'l maye naỹonqa', qataq 'alaỹona't 'enauac na Israel le'ecpi.

Levítico 24:9

Qaq acamayepi, nache taỹot qome ñi Aarón qataq na chegoxoguetpi ñimaye. Qaq namayepi da chec aca'aca nauole, nache huaña naqa'en ca ỹaqauga ye pa'auo ye nqasoxoc ñi npe'l, cha'aye qaiỹotauga nachetaqtaxanaqte maye qoỹanot Ñim Nataxala'. Qaq acamayepi ỹataqta sa qaishetapec.»

Levítico 24:3

Qaq ñi Aarón nacheñi ñi huapegue' qome da ỹaỹamaxaañi ayemayepi, da yaqto' palom 'ettaigui da netaigui ñi npe'l, ye npa'auec ñi napoxonaxat maye netaña añi arca maye laỹe' naua ñaỹamaxataxaco. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta.

Levítico 3:8

nache ỹashel-lec na lqaic. Ime, nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Ime, nache ñeua llalqa so Aarón icoroto naua laỹel añi nca'atoxonaxalate ca ltago'q.

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 30:36

Qataq 'aulaxachigui ca laỹe camaye, ỹataqta huesotchigui 'anqa'en, nache 'auachichiguiña ca saqaỹapeque aca laỹe' caua nqataxaco, maye netaigui ca npe'l maye huaña qome da 'am ñauane'. Qaq que'eca nchenaxanaxat camaye ỹataqta sa qaỹa'ashaxaatac,

Éxodo 29:44

Nache ca npe'l qataq aca nca'atoxonaxalate ỹataqta qui'itta, nataqa'en ñi Aarón qataq na chegoxoguetpi, namayepi seỹotauga da nalemaqte' da Aỹem do'onataxanot.

Éxodo 29:42

Qaq 'era qome da chochaq tatec lataxac da qoyecỹaxaqui qataq cam qami' chegoxogueta. Da llec aca'aca nachetaqtaxanaqtepi maye qaỹavigaxat da Aỹem qoỹanot, acamaye qandoua'a ca ñegueuo ca npe'l maye huaña qome da Aỹem 'anauane' da 'am setaxaỹapegue'.

Éxodo 29:28

Qaq damaye lalamaxat qome ñi Aarón qataq ñeua llalqa. Qaq 'era qome da chochaq tatec lataxac, qataq llec aca nachetaqtaxanaqte maye qaỹamaxalec na Israel le'ecpi. Qaq 'enauac aca'aca nachetaqtaxanaqte da nhuaachigui qome da ỹan na Israel le'ecpi, acamaye qoỹaasheguem da qoỹanot Ñim Nataxala'.

Éxodo 25:16

Ime, nache 'auachanguilo acamaye que'ecaua nqataxaco maye 'am sanema qome.

Éxodo 16:34

Qaq qaipacchigui da la'aqtac Ñim Nataxala' maye ỹami' so Moisés, nache so Aarón ỹanaña aso naco'oña 'alhua so nalochiguiña aso laỹe' soua lqataxaco Ñim Lo'onatac 'Enauacna, da yaqto' ỹaỹamaxat.

Génesis 1:8

nache se'eso pa'asheguem na'atchiguiñi le'enaxat naqa'en «piguem.» Qaq nvi' so pe, ime qataq anac so yo'oxoñi, qaq 'era da 'eetec so na'a'q dos.

Génesis 1:5

nache na yo'oqchiguiñi le'enaxat naqa'en «na'a'q», qaq na napalaxa le'enaxat «pe». Qaq nvi' so pe, ime qataq anac so yo'oxoñi, qaq 'era da 'eetec so la'auaxanec na'a'q.

Levítico 24:2

«'Auamaxalec qome na Israel le'ecpi da 'am ndoua'a ca ỹoqta no'on aceite, yaqto' nache 'eetai' da 'ettaigui añi ncoỹaraxanaxaquipi ye ỹanataqa'.

Números 18:5

Cha'aye ndotrec qami' da qauloitague' qome 'enauac na sa qaishetapec qataq añi nca'atoxonaxalate. Yaqto' saishet da talec ca nhuaxanaguec na Israel le'ecpi.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 30:21

nache iỹoi' naua lhuaxaye qataq naua lchel. Yaqto' saishet da ileu'. Qaq 'era qome da nache 'eetai' lataxac da llec da lo'onataxanaxac ñi Aarón qataq cam chegoxoguetpi».

Levítico 6:15

Nache ca 'oonolec caamaye, ỹauota'a 'oonole napocna da ỹacona ca ỹataqta no'on lsoche ana ala ca nañiguishec, qataq lalegue ca aceite, qataq ca nchenaxanaxat qo'oipaq lcha'q ama na laita maye huetalec aca'aca nachetaqtaxanaqte. Qaq 'enauac acamaye, nache ỹavigaxat, ỹachalec añi nca'atoxonaxalate da nachetaqtaxanaqte, maye naigui da qaiuennate da Ñim Nataxala' lalamaxat 'enauacna, yaqto' da ama laitaỹaxac ỹamaateguet Ñimaye.

Levítico 7:36

Nache 'era da lamaxasoxonaxac Ñim Nataxala', da yaqto' na Israel le'ecpi iỹotauga ne'ena laỹe aca lachetaqtaxanaqtepi da yaqto' taỹot ca ntaxaỹaxanaxanecpi, chegoqchiguiña que'eca na'a'q da qoỹanagui da lo'onataxanaxac camayepi. Qaq 'era qome da nache 'eetai' lataxac 'enauac na Israel le'ecpi.»

Levítico 10:9

«'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Levítico 23:14

Saishet qome da qollequi aca nauole, huo'otaq aca ña lmala ala ca nañiguishec, huo'otaq aca nqachilliguishe, nato' qom ivita ca na'a'q da qaroiuo da qaỹa'añeeuo aca qarachetaqtaxanaqche. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta, na'aictaxa cam pa'aigue ca qoñiitaña ana 'alhua.

Levítico 23:21

Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Números 35:29

Qaq de'era qalapaxañi lataxac, nachera qome da lataxac da qoyecỹaxaqui qataq ca qami' chegoxogueta, na'aictaxa ca qoñiitaña ana 'alhua.