Éxodo 27:16 - La'aqtaqa Ñim Lo'onatac 'Enauacna 2013

¹⁶ Qaq ca ñegueuo que'eca lpaqtaxat ca nqasoxoc que'eca npe'l, qalaq ivi' qome nueve metros ca locta ca napoxonaxat hualoq laỹe imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq qantetta ca llo'oxoraxatpi, qataq cuatro caua lauoqtel, qataq caua na'attaleguete caamaye.

Éxodo 27:16 Referans Kwoze

Éxodo 26:36

Qaq ca ñegueuo que'eca npe'l, nache 'auamaxasoxoolec da qaỹo'ot ca lapoxonaxat hualoq laỹe imalaqalec da lo'oxoỹaxac, tocalec, qataq ca togaxaraic da lo'oxoỹaxac qataq ca chegaqaigui na ỹoqta no'on lino, nache qanteeñi ca llo'oxoraxatpi.

Salmos 45:14

Qataq na no'on llo'oxoraxat naua alogo da qaỹauegueua'a ñi nta'a, nache ca'attaueegue na qa'ampi maye nauochaxauapi anamaye.

Jueces 5:30

‹Souaxai' ncolaxattapigui ca lhuotaxanaxatpi maye laueguec huaigui se'eso alaataxac. Nache ñi 'oonolec cam alaataxaicpi ỹacona aca 'oonole huo'otaq dos ca qa'ampi maye nlatapi, qaq ca Sísara qalaq souaxai' taỹot cam no'on da lo'oxoỹaxa'c npotoyec: qataq 'oonolec huo'otaq dos caua no'oxonqa maye ỹotta'a't da lo'oxoỹaxac, da yaqto' llo'oxoraxat na lqosot ca huegaxanaxaic.›

Éxodo 39:29

qataq so lasot alaxa nataqa'en chegaqaigui na no'on lino, qataq na hualoq laỹe imalaqalec, tocalec, togaxaraic da lo'oxoỹaxac, qataq qantetta so leraxat. Qaq nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 36:37

Qataq so ñegueuo so npe'l, qaỹo'ot so lapoxonaxat no'oxonec malaxaraic, tocalec, qataq na togaxaraic da lo'oxoỹaxac, qataq so ỹataqta no'on lino, qataq qantetta so leraxat.

Éxodo 28:39

Nache aca'aca npoto qataq ca nqaic alaxa chegaqaiguilo 'anqa'en na ỹoqta no'on lino. Qaq ca lasot alaxa ỹo'oxoraqta 'anqa'en ca leraxat.

Éxodo 26:31

Qataq 'auo'ot qome ca lapoxonaxat hualoq laỹe imalaqalec da lo'oxoỹaxac, tocalec, qataq togaxaraic da lo'oxoỹaxac, qataq ca chegaqaigui na ỹataqta no'on lino. Qataq 'auamaxalec ca ỹaỹaten da le'enaqtaxanaxac da yaqto' ỹe'enaxa't caua dos shiỹaxau' maye huo'oi naua laua't, da yaqto' llo'oxoraxa't que'eca napoxonaxat.

Éxodo 27:15

Qataq nache 'eetec nataqa'en da lỹa laỹe, ivi' siete metros ca lpaqtaxat, qataq tres caua lauoqte, qataq tres caua na'attaleguete.

Éxodo 27:17

Qaq 'enauac aca'aca lauoqtepi que'eca lpaqtaxat ca nqasoxoc ca npe'l, nache qaỹauo'o aca la'aitepi, qataq ca lemaxatpi lcat plata, qaq ca na'attalecpi nache qaỹauota'a ca lcat bronce.

Números 3:26

qataq so coleesop lapoxonaxatpi maye lpaqtaxat, qataq so lapoxonaxat so ñegueuo so qasoxoc maye netaña aso nca'atoxonaxalate, qataq so lquetpi so npe'l maye huaña naxa da qanauane' Ñim Nataxala'.