Éxodo 26:36 - La'aqtaqa Ñim Lo'onatac 'Enauacna 2013

³⁶ Qaq ca ñegueuo que'eca npe'l, nache 'auamaxasoxoolec da qaỹo'ot ca lapoxonaxat hualoq laỹe imalaqalec da lo'oxoỹaxac, tocalec, qataq ca togaxaraic da lo'oxoỹaxac qataq ca chegaqaigui na ỹoqta no'on lino, nache qanteeñi ca llo'oxoraxatpi.

Éxodo 26:36 Referans Kwoze

Éxodo 36:37

Qataq so ñegueuo so npe'l, qaỹo'ot so lapoxonaxat no'oxonec malaxaraic, tocalec, qataq na togaxaraic da lo'oxoỹaxac, qataq so ỹataqta no'on lino, qataq qantetta so leraxat.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Salmos 78:60

qataq ca'ai so npe'l maye naña ye Silo, maye lanataqa' naxa da netangui na shiỹaxauapi.

2 Samuel 7:6

Cha'aye nache chegoqta'a so na'a'q co'ollaq ca'ai ñaqa'en ye Egipto na Israel le'ecpi, nache ivitta'a nagui da saishet da sootaigui ca nỹec, nacherata da sootaigui naxa na npe'lolec.

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Números 3:25

Qaq somayepi nacheso so ilotague' qataq ntela'a so ỹataqta no'on lapoxot so pa'asheguem, qataq so lapoxonaxatpi so ñegueuo so npe'l maye lanataqa' Ñim Nataxala',

Éxodo 39:33

Nache qoỹanot co'ollaxa so Moisés 'enauac se'eso no'otaxat so atamnaqa', npe'l, qataq so logoxoshetpi, lemaxaquipi so npe'l, 'epaqpi, la'axasoxola' so l-llecnaxanaxatpi, lauoqtepi, qataq aso no'oxonaxalatepi,

Éxodo 35:11

nanataqa' maye huaña da qanauane' Ñim Nataxala', nache ỹo'ot aca lauoqtepi, qataq ca lo'oxonaxala'pi acamaye qataq ca l-llecnaxanaxatpi, qataq ca lemaxaquipi ca lquetpi da yaqto' nllañi que'eca npe'l,

Éxodo 26:31

Qataq 'auo'ot qome ca lapoxonaxat hualoq laỹe imalaqalec da lo'oxoỹaxac, tocalec, qataq togaxaraic da lo'oxoỹaxac, qataq ca chegaqaigui na ỹataqta no'on lino. Qataq 'auamaxalec ca ỹaỹaten da le'enaqtaxanaxac da yaqto' ỹe'enaxa't caua dos shiỹaxau' maye huo'oi naua laua't, da yaqto' llo'oxoraxa't que'eca napoxonaxat.

Éxodo 27:16

Qaq ca ñegueuo que'eca lpaqtaxat ca nqasoxoc que'eca npe'l, qalaq ivi' qome nueve metros ca locta ca napoxonaxat hualoq laỹe imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq qantetta ca llo'oxoraxatpi, qataq cuatro caua lauoqtel, qataq caua na'attaleguete caamaye.

Éxodo 28:39

Nache aca'aca npoto qataq ca nqaic alaxa chegaqaiguilo 'anqa'en na ỹoqta no'on lino. Qaq ca lasot alaxa ỹo'oxoraqta 'anqa'en ca leraxat.

Éxodo 38:18

Qaq se'eso napoxonaxat so ñegueuo so nqasoxoc so npe'l, ỹataqta ỹo'oxoraqta so leraxatpi maye qanteelec so hualoq laỹe imalaqalec, tocalec, qataq so togaxaraic qataq na ỹoqta no'on lino. Qataq ivi' nueve metros ye lalogaxa qataq dos metros y veinticinco centímetros ye lshequitcheguema. Nache naloteguet ye lalogaxa so lapoxot so qasoxoc.

Éxodo 39:29

qataq so lasot alaxa nataqa'en chegaqaigui na no'on lino, qataq na hualoq laỹe imalaqalec, tocalec, togaxaraic da lo'oxoỹaxac, qataq qantetta so leraxat. Qaq nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Ezequiel 16:10

Qataq 'am sanaxanaxangui aso 'arpoto maye ỹotta'a't da lo'oxoỹaxac, qataq soua 'onaxaiqa 'arapela'ate maye chegaqaigui na huesottac lo'oc, qataq aso 'arpoto maye chegaqaigui na no'on lino qataq na qashelgaxaraic.

Éxodo 28:15

Qaq ca ntogue lapoxot le'enaxat pectoral maye netanguilo caua coma'ye maye ỹo'ot da qaỹaỹaten ca 'eetapeguec Ñim Nataxala', camaye da qaỹo'ot nache llo'oxoraxat qanqa'en na oro, qataq na hualoq laỹe imalaqalec, tocalec, togaxaraic qataq na ỹataqta no'on lino. Nache 'eeta'am qanqa'en da no'onataguec so efod.

Éxodo 35:15

qataq aca lca'atoxolate ca nchenaxanaxat, qataq caua 'epaxaye maye lachoxola'ate, qataq ca aceite maye ncoraxanaxat, qataq ca nchenaxanaxat maye ama da laitaỹaxac, qataq ca lapoxonaxat ca ñegueuo que'eca npe'l,

Éxodo 40:5

Nataqa'en 'aupa'axaneuo aca lca'atoxolate ca nchenaxanaxat, nache 'aỹa'anaña ca datatta añi laỹe' na iqataxacpi. Ime, qaq 'auaviguisheguem ca lapoxonaxat ca ñegueuo ca npe'l.