Éxodo 26:34 - La'aqtaqa Ñim Lo'onatac 'Enauacna 2013

³⁴ Ime, qataq 'auacona ca lapoxot, nache 'auapogongui aca laỹe' caua nqataxaco, nache 'aỹa'anaña ca ndaqa' maye sa qaishetapec.

Éxodo 26:34 Referans Kwoze

Éxodo 40:20

Qaq co'ollaq ime, nache so Moisés ỹaconalo soua coma'ye maye nanettaleguete soua nqataxaco, nache ỹachanguilo aso laỹe'. Ime, nache ỹa'aldeuo soua lachoxola'ate, qataq ỹauo'o so lapoxot asomaye.

Éxodo 25:21

Ime, nache que'eca lapoxot qalapaxalec qome aca'aca laỹe', nache 'auachanguilo acamaye caua nqataxaco maye 'am sanema qome.

Hebreos 9:5

Qaq nam pa'asheguem aso laỹe', nache netaleguete soua ne'enaqtaqa maye huo'oi naua laua't. Qaq naua laua't soomaye, nache ipelteetaleguete so lapoxot aso laỹe' soua namaxasoxonaxaco. Qaq damaye naigui da hueta'a Ñim Lo'onatac 'Enauacna. Qaq nagui saishet da iuen da sa'axataqta 'enauac ca lataxac de'era.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

1 Reyes 6:16

Qataq so ỹataqta pa'auo aso atamnaxaqui, nataqa'en ỹo'ot so nanataqa' maye sa qaishetapec, maye ivi' ye nueve metros, nache nataqa'en lapaxauo so nchiiguishec 'epaq cedro, chegoqchiguiña naqa'en so pa'aguiñi nache ivittasheguema so pa'asheguem.

Ezequiel 41:4

Qaq ime, nache so shiỹaxaua naloqten na pa'auo so ndaqa', nache somaye ivi' diez metros ñi 'oonolec naua cuatro laỹel. Qaq huaña nache se'eso shiỹaxaua aỹem 'enapega, 'eeta': «Ne'ena nachena na ndaqa' maye saqaishetapec.»