Éxodo 26:31 - La'aqtaqa Ñim Lo'onatac 'Enauacna 2013

³¹ Qataq 'auo'ot qome ca lapoxonaxat hualoq laỹe imalaqalec da lo'oxoỹaxac, tocalec, qataq togaxaraic da lo'oxoỹaxac, qataq ca chegaqaigui na ỹataqta no'on lino. Qataq 'auamaxalec ca ỹaỹaten da le'enaqtaxanaxac da yaqto' ỹe'enaxa't caua dos shiỹaxau' maye huo'oi naua laua't, da yaqto' llo'oxoraxa't que'eca napoxonaxat.

Éxodo 26:31 Referans Kwoze

Mateo 27:51

Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui,

2 Crónicas 3:14

Nataqa'en ỹo'ot so napoxonaxat hualoq laỹe morau da lo'oxoỹaxac, qataq so lỹa ỹactec da ltogaxa da lo'oxoỹaxac, qataq so lino, ime nache ỹachalec somaye soua le'enaqtaqa querubines maye huo'oi naua laua't.

Éxodo 36:35

Nataqa'en qaỹo'ot so lapoxonaxat no'oxonec malaxaraic, tocalec, qataq so togaxaraic da lo'oxoỹaxac, qataq so ỹataqta no'on lino, qataq qanteteua'alo soua dos shiỹaxau' maye huo'oi soua laua't da yaqto' llo'oxoraxat.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Éxodo 36:8

Nache so 'onataxanaxaicpi maye ỹataqta ỹaỹaten da lo'onataxanaxac, ỹa'ara't so npe'l, ỹauota'alo diez soua napoxonaqa'ate maye chegaqaigui na ỹataqta no'on lino, imalaqalec, tocalec qataq togaxaraic da lo'oxoỹaxac, qataq qantette' soua llo'oxoraqa'ate ne'enaqtaqa shiỹaxau' maye huo'oi naua laua't.

Éxodo 26:1

«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

Efesios 2:14

So Cristo nacheso so qomi' ỹanema da qarlagaxayec. Chegoqchigui da nque'eenaxac Somaye co'ollaq qaiuaxaata'aguet so npe'enaxaqui da ilaxachigui so npaqtaxanaxat maye nachera da nquiỹaxanaqtaic, maye ỹo'ot da na judiopi sa nhuoone' nam saishet da judiopi. Qaq nagui ne'enaua dos, Somaye ỹo'oteguet da 'enauac da nhuo' le'ecpi.

Marcos 15:38

Huaña, nache so hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi, ỹataqta ivirañi se'eso lcolaxa.

Cantares 7:1

'Am, maye 'am nta'a llale ỹataqta 'onaxaiqa naua 'arapia'ate da 'aỹa'aatrañi naua 'arapela'ate. Naua laỹel naua 'eeguel ỹataqta ỹo'oxoraqte' 'eeta'ama na no'onatac lo'onatac na ỹoqta ỹaỹaten da ỹo'ot na 'otaxatpi.

Salmos 137:5

Da huo'otaq ivita da 'am secoua'ai 'am Jerusalén, qalaq no'ono' da deqaqa na ihuaq aỹoiguishec.

Levítico 16:15

Qaq da ime, nache ipelecot na lqosot ca quetaq da yaqto' nachetaqtaxanaxat maye sa imauaq da qaỹavigaxat, yaqto' qaỹapalaxat na lasouaxashetpi na ỹalecta'a't nhuo' le'ecpi. Qaq ca ltago'q, nache iroua'a ye pa'auo ñi lapoxonaxat ñi npe'l maye netaña añi laỹe' naua aỹamaxataxaco, qataq nache ichegoqot ñi lapoxot añimaye, nache ỹe'enaxatchigui da 'eetec ca ltago'q ca huaca.

Éxodo 40:21

Ime, nache iroua'a so pa'auo so npe'l, qataq ỹaviguisheguem so lapoxot, da yaqto' ỹapoua'a aso arca maye laỹe' soua nqataxaco, huaña nache ipacchigui da la'aqtac Ñim Nataxala'.

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 38:23

Somaye ntaune' co'ollaxa so Aholiab, maye llalec so Ajisamac, som chegoxoguet so Dan, som lcat lo'o, qataq ỹaỹaten da ỹo'ot na no'oxonec, qataq na leraxat na hualoq laỹe imalaqalec, tocalec, qataq na togaxaraic, qataq na no'on lino.

Éxodo 35:35

nache ỹanema da ỹataqta ỹaỹate'n da ỹo'ot ca camachaqca na no'onatacpi maye qaichec, qataq da ỹo'o't ca llo'oxoraxat ca hualoq laỹepi maye imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq da ỹo'o't ca camachaqca nam no'oxonecpi.

Éxodo 35:25

Qaq so 'alpi maye ỹaỹaten da lo'oxonaxanaxac, nataqa'en irouo so lo'oxonec malaxaraic, tocalec, qataq so togaxaraic da lo'oxoỹaxac, qataq so ỹataqta no'on lino,

Éxodo 35:6

qataq ca ỹotta'a't hualoq laỹepi maye malaxaraic, tocalec, qataq togaxaraic da lo'oxoỹaxac, qataq ca ỹataqta no'on lino, qataq ca quetaq laue,

Éxodo 28:15

Qaq ca ntogue lapoxot le'enaxat pectoral maye netanguilo caua coma'ye maye ỹo'ot da qaỹaỹaten ca 'eetapeguec Ñim Nataxala', camaye da qaỹo'ot nache llo'oxoraxat qanqa'en na oro, qataq na hualoq laỹe imalaqalec, tocalec, togaxaraic qataq na ỹataqta no'on lino. Nache 'eeta'am qanqa'en da no'onataguec so efod.

Éxodo 25:18

Nache 'aỹa'analeguete qome caua dos ne'enaqtaqa huo'oi caua laua't, caamaye 'aurota'alo aca ntoqnaxanaqte da 'auo'o't, nache 'aỹa'ana'agueta caua lsheeneqa.

Éxodo 25:4

qataq ca hualoq laỹe maye naueralec da lmalaxa, qataq ca naueralec da ltogaxa, qataq ca togaxaraic, qataq ca no'on hualoq maye isotta, qataq ca laue aca quetaq,

Lucas 23:45

cha'aye añi nala' qalaq ỹataqta qaica ca le'eraxa, qaq som lapoxonaxat hualoxolaỹi maye pa'auo aso no'onaxanaxaqui late'erai qalaq colaqchiguingui na laiñi.

Éxodo 26:32

Ime, nache 'emaxagui aca lemaxaquipi lcat oro, maye netaguilo caua cuatro lashel maye chegaqaigui ana qo'oipaq acacia, maye qalapaxalec ca lcat oro, qataq na'atteleguete 'anqa'en caua cuatro lo'oxonaxalatel maye chegaqaigui ca lcat plata.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Éxodo 36:36

Ime, nache qoỹemaxaua'a so lemaxaquipi lcat oro maye netagui aso cuatro lashepi maye chegaqaigui ana qo'oipaq acacia, maye qaỹo'oxoolec so lcat oro, qataq na'attaleguete soua cuatro lcat plata.

Éxodo 27:16

Qaq ca ñegueuo que'eca lpaqtaxat ca nqasoxoc que'eca npe'l, qalaq ivi' qome nueve metros ca locta ca napoxonaxat hualoq laỹe imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq qantetta ca llo'oxoraxatpi, qataq cuatro caua lauoqtel, qataq caua na'attaleguete caamaye.

Éxodo 35:12

qataq aca laỹe' caua aỹamaxataxaco qataq caua 'epaxaye maye lachoxola'ate, qataq ca lapoxot maye qalapaxalec, qataq ca napoxonaxat maye ỹapotaua'a acamaye,

Números 4:5

Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.