Éxodo 26:26 - La'aqtaqa Ñim Lo'onatac 'Enauacna 2013

²⁶ Nataqa'en 'auo'o't qome caua cinco nllecnaxanaqa'ate na 'epaqpi acacia, da yaqto' nlletañi ca nchiiguishec 'epaq na 'oonolec laỹe que'eca npe'l,

Éxodo 26:26 Referans Kwoze

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Efesios 4:16

Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

Romanos 15:1

Qomi' maye ỹoqta saỹaanaqta da 'eetapeguec Ñim Lo'onatac 'Enauacna, saishet da nda'a't da seuennaqtega cam 'onaxaic maye maiche qomi' taleguete. Nachaqrata da qomi' setauanaq nam saxanaxa da da'añi da lpi'iỹaxac.

Números 4:31

Qaq da lo'onataxanaxac da huapegue' ca npe'l, nache ỹache ca nchiiguishec 'epaqpi, qataq ca l-llecnaxanaxatpi ca npe'l, huoqtepi, qataq ca na'attalecpi naxa acamaye,

Números 3:36

Qaq se'eso chegoxoguet so Merari, nache qaipataxalec da ilotague' 'enauac so nchiiguishec 'epaqpi maye l-llecnaxanaxatpi, qataq aso lauoqtepi qataq so na'attalec asomayepi, qataq 'enauac so laỹe logoxoshetpi so npe'l,

Éxodo 25:5

qataq ca peenaq lo'oc maye nqo'oilliguishec togaxaraic, nataqa'en ca no'on lo'oc, qataq ca 'epaq le'enaxat acacia,

Éxodo 26:25

Qaq ocho qome que'ecaua qaỹa'ara't nchiigui'ishe 'epaxaye maye na'attalec qanqa'en caua dieciséis lcat plata, nache dos caua na'attaleguete ñi 'oonolec que'ecaua 'epaxaye.

Éxodo 26:27

qataq cinco caua lỹa't 'epaxaye da pa'aira'ague da lỹa laỹe, qataq caua lỹa't cinco da yaqto' nlletrañi ca nchiiguishec 'epaqpi maye pa'aỹa'ague da avit.