Éxodo 26:1 - La'aqtaqa Ñim Lo'onatac 'Enauacna 2013

¹ «Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

Éxodo 26:1 Referans Kwoze

Éxodo 26:36

Qaq ca ñegueuo que'eca npe'l, nache 'auamaxasoxoolec da qaỹo'ot ca lapoxonaxat hualoq laỹe imalaqalec da lo'oxoỹaxac, tocalec, qataq ca togaxaraic da lo'oxoỹaxac qataq ca chegaqaigui na ỹoqta no'on lino, nache qanteeñi ca llo'oxoraxatpi.

Éxodo 36:35

Nataqa'en qaỹo'ot so lapoxonaxat no'oxonec malaxaraic, tocalec, qataq so togaxaraic da lo'oxoỹaxac, qataq so ỹataqta no'on lino, qataq qanteteua'alo soua dos shiỹaxau' maye huo'oi soua laua't da yaqto' llo'oxoraxat.

Éxodo 26:31

Qataq 'auo'ot qome ca lapoxonaxat hualoq laỹe imalaqalec da lo'oxoỹaxac, tocalec, qataq togaxaraic da lo'oxoỹaxac, qataq ca chegaqaigui na ỹataqta no'on lino. Qataq 'auamaxalec ca ỹaỹaten da le'enaqtaxanaxac da yaqto' ỹe'enaxa't caua dos shiỹaxau' maye huo'oi naua laua't, da yaqto' llo'oxoraxa't que'eca napoxonaxat.

Éxodo 25:18

Nache 'aỹa'analeguete qome caua dos ne'enaqtaqa huo'oi caua laua't, caamaye 'aurota'alo aca ntoqnaxanaqte da 'auo'o't, nache 'aỹa'ana'agueta caua lsheeneqa.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

Hebreos 9:9

Qaq 'enauac de'era qaỹo'ot cha'aye qomi' qaỹachaxaategalo da ỹoqta ỹactec da la'amaqchec nagui: sa seshetaq da shenaqtega mashe qaỹapalaxat na qarasouaxashetpi souaxat da sanaxauo aca qarachetaqtaxanaqte, ana saishet da qaỹavigaxat qataq ana qaỹavigaxatta.

Hebreos 8:2

Qaq Somaye, nacheso So Jesucristo maye ỹo'ottac da lo'onataxanaxac da ntaxaỹaxanaxanec qataq huetasheguema yem ỹataqta 'eesa lma' Ñim Lo'onatac 'Enauacna maye maiche lo'onatac Ñimaye, qaq saishet da lo'onatac ca choche shiỹaxaua.

Juan 2:21

Qalaxaye aso no'onaxanaxaqui maye detaqtega So Jesús, nachera da maiche lalamaxat lo'ocỹaxac.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

1 Crónicas 21:29

Cha'aye so npe'l maye lanataqa' naxa Ñim Nataxala', maye nauaxaỹaxaasheguem co'ollaxa so Moisés huaña ye toolec 'alhua, qataq aso nca'atoxonaxalate maye qaỹachalec naxa na nachetaqtaxanaxat qaỹavigaxatta, ñaq netraña co'ollaxa ye qaỹoqotcheguema 'alhua ye Gabaón,

1 Crónicas 17:1

Qaq so David, co'ollaq mashe netaigui so lma' lta'araic, nache 'enapega so na'aqtaxanaxanec Natán, 'eeta': Ña 'aumeten da aỹem, sootaigui na nỹec lta'araic maye nda'a't na 'epaq cedro, qaq añi arca maye laỹe' soua lqataxaco Ñim Nataxala', qalaq netaigui ñi qaica ca la'amaqchec npe'l.

Éxodo 40:2

«Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Éxodo 35:35

nache ỹanema da ỹataqta ỹaỹate'n da ỹo'ot ca camachaqca na no'onatacpi maye qaichec, qataq da ỹo'o't ca llo'oxoraxat ca hualoq laỹepi maye imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq da ỹo'o't ca camachaqca nam no'oxonecpi.

Éxodo 35:6

qataq ca ỹotta'a't hualoq laỹepi maye malaxaraic, tocalec, qataq togaxaraic da lo'oxoỹaxac, qataq ca ỹataqta no'on lino, qataq ca quetaq laue,

Éxodo 25:8

Qataq 'auo'ot qome que'eca npe'l lta'araic, yaqto' Aỹem ishet da qami' sootaiguilo.

Éxodo 25:4

qataq ca hualoq laỹe maye naueralec da lmalaxa, qataq ca naueralec da ltogaxa, qataq ca togaxaraic, qataq ca no'on hualoq maye isotta, qataq ca laue aca quetaq,

Hebreos 9:2

Som npe'l maye qaỹo'ot co'ollaxa da huaña da qaỹo'oxoren Ñim Lo'onatac 'Enauacna, 'eeta' da lataxac: so hua'auchiguiñi ndaqa', le'enaxat ndaqa' qui'itta somaye hueta'a aso ncoỹaraxanaxaqui qataq so nquia'axala' maye huetaleguete soua nauolel 'ayiiña maye qaiỹotaugalo da lalamaqtel Ñim Lo'onatac 'Enauacna.

Éxodo 26:2

Qaq 'enauac que'eca napoxonaxatpi iuen da 'eeta'a't ye lalogaxa, doce metro y medio ye lalogaxa, qaq ca hua'axagui ivi' dos metro ye lcateueegue.

Éxodo 35:11

nanataqa' maye huaña da qanauane' Ñim Nataxala', nache ỹo'ot aca lauoqtepi, qataq ca lo'oxonaxala'pi acamaye qataq ca l-llecnaxanaxatpi, qataq ca lemaxaquipi ca lquetpi da yaqto' nllañi que'eca npe'l,

Números 3:25

Qaq somayepi nacheso so ilotague' qataq ntela'a so ỹataqta no'on lapoxot so pa'asheguem, qataq so lapoxonaxatpi so ñegueuo so npe'l maye lanataqa' Ñim Nataxala',

2 Samuel 7:2

nache so nta'a David 'enapego' so Natán, som la'aqtaxanaxanec Ñim Lo'onatac 'Enauacna, 'eeta': Ña 'aumeten aỹem, mashe sootaigui na nỹec maye no'onataxat ana qo'oipaq cedro, qaq añi arca maye laỹe' naua lqataxaco Ñim Lo'onatac 'Enauacna qalaq ñaq netaigui ñi npe'lolec.

Éxodo 31:7

Ca npe'l maye huaña da aỹem qanauane', aca arca laỹe caua nqataxaco, qataq cam lapoxot acamaye, qataq 'enauac ca lhuenecpi que'eca npe'l,

Éxodo 39:3

Qataq qairapaqchen so lcat oro. Ime, nache qanchiguiñi 'eeta'am qanqa'en ca ntetaxanaxat da yaqto' leraxat so hualoq laỹe imalaqalec, tocalec, togaxaraic da lo'oxoỹaxac, qataq so no'on lino.

Números 4:25

Namayepi nachena na ỹache qome ca lapoxonaxatpi ca npe'l, qataq 'enauac que'eca npe'l, qataq ca ỹataqta no'on lo'oc maye qalapaxalec naxa na pa'aỹasheguem, qataq ca lapoxot ca ñegueuo ca npe'l maye naỹonqa',

1 Reyes 6:29

qaq nache 'enauac na pa'auo qataq na pa'auec asa'aso atamnaxaqui da qaỹo'ot so llo'oxoraxat ne'enaqtacpi shiỹaxauapi maye huo'oi naua laua't, qataq aso ne'enaqta chaicpi, qataq aso qo'oipaq lauoxopi.