Éxodo 25:8 - La'aqtaqa Ñim Lo'onatac 'Enauacna 2013

⁸ Qataq 'auo'ot qome que'eca npe'l lta'araic, yaqto' Aỹem ishet da qami' sootaiguilo.

Éxodo 25:8 Referans Kwoze

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

1 Reyes 6:13

Qaq Aỹem, nache salectaigui qome na Israel le'ecpi, qataq saishet da salat ne'ena nhuo' le'ecpi Israel le'ecpi maye ỹalamaxatpi.»

Éxodo 29:45

Qaq Aỹem, nache sootaigui qome na Israel le'ecpi, nache namayepi Aỹem Natamnaxala'.

Zacarías 2:10

Ñim Nataxala' 'eeta', da la'aqtac: «¡Qauo'onaxañeetai' qome, souaxat da qantonaxaqui, qami' maye qarmaye na Jerusalén, cha'aye Aỹem ñanac qome da qami' sootanguilo!

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Zacarías 8:3

Qaq Aỹem ñe'eguelaxa qome ye Jerusalén da qaltaq sonaña. Qaq huaña nache ye Jerusalén, qaỹamata'ac qome da Huaqta'a't Nỹecpi maye hueta'a da Nalaxayec, qaq añi qasoxonaxa maye lalamaqte Ñim Nataxala', qalaq qaỹamata'ac qome da Qasoxonaxa maye Qui'itta.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Números 5:3

Qaq na'aictaxa da ỹale huo'otaq 'alo, nache qaỹo'orauec, ca'ai qanqa'en ca qanayeuta'a nanataqa'. Yaqto' saishet da huo'o ca huec ne'ena nalolaxapi que'eca qanayeuta'a nanataqa', maye nataqa'en Aỹem sootaña.»

Levítico 21:12

Qataq saishet qome da ca'ai ca nanataqa' maye lalamaxat Ñim Nataxala', qataq saishet qome da ỹo'ot ca ne'enaguec, cha'aye camaye mashe sogote da qaicorelec ca aceite da yaqto' nalemaqte' da do'onataxanot Ñim Nataxala'. Qaq 'era da ỹa'aqtac, Aỹem Nataxala'.

Levítico 4:6

nache ỹa'ayingui ana llaxaata ca ntago'q qataq siete da ỹe'eguelaxalec da ichegoxogue da pa'aỹa'ague ñi napoxonaxat, ỹauaachigui naqa'en Ñim Nataxala'.

Éxodo 15:2

Qaq da ỹo'onec sanot Ñim Nataxala', cha'aye Ñimaye nacheñi ñi ỹa'añaxac qataq ica'alaxa. Ñimaye nacheñi Ñim Ñatamnaxala' maye Lo'onatac 'Enauacna, qaq ỹoqo'oye sho'oxoren, Ñimaye nacheñi Ñim Natamnaxala' so ita'a, qaq ỹoqo'oye lta'araic da ỹo'oxonnataxanaxac Ñimaye.

Levítico 10:4

Ime, nache so Moisés iỹaxana so Misael qataq so Elzafán som llalqa so Uziel, qataq ntesoqo' so Aarón, nache 'enapegalo, 'eeta': «Ña qauanaqui da qanqacheeguesopa yeua qarhuo'oi lashe' na npe'l maye lalamaxat Ñim Nataxala', nache qauroỹeuga na pa'auec na nanataqa' maye qanayeutaña.»

Hechos 7:44

Qaq som hua'au qarta'alpi co'ollaq huetalec so toolec 'alhua, nache somayepi ỹachetac so npe'l maye huetaiguilo soua nanettaleguete soua lamaxasoxonaxaco Ñim Lo'onatac 'Enauacna. Qaq se'eso npe'l, somaye qaỹe'enaxatchigui co'ollaxa so ỹamaxalec Ñimaye so Moisés, co'ollaq 'enapega da ỹe'enaxatchigui da no'onataxac som ỹauaachigui.

Éxodo 29:46

Huaña nache Aỹem ỹauatton da Nachaỹem Nataxala', qataq Aỹem Natamnaxala' maye ñeqateeguesop co'ollaxa ye Egipto da yaqto' sootaigui namayepi. Aỹem maye Nachaỹem Nataxala' maye Natamnaxala'.»

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.

Josué 22:31

Huaña co'ollaxa, nache so Finés, som llalec so ntaxaỹaxanaxanec Eleazar, 'enapego' somayepi, 'eeta': «Nagui saỹatenaqta da Ñim Nataxala' qomi' hueta'agueta, cha'aye qami' saishet da qauauoitaique da qauataiỹa'aguet Ñimaye, nache qomi' qanca'alaxacheueeguesopa da lhuaxanaxanaxac Ñim Nataxala'.»

Éxodo 15:17

'Am Nataxala', ña qomi' 'aunoxonaqchetreuo qome, ña qomi' 'aỹa'analeguete yem qaỹoqotcheguemec 'alhua maye 'aralamaxat, yem 'alhua maye 'arca'aguishec da 'arma', yem atamnaqa' maye maiche 'aua'ayiñi.

1 Crónicas 22:19

Qaq nagui, ỹataqta imauec qome da qarquiyaqteỹaxaqui qataq da qanachaalataxaqui, da qanmichiỹaique Ñim Nataxala' maye Qanatamnaxala'ai. Qaq ỹoqo'oye nagui, qauacoñiilec qome da qauo'oche aca atamnaxaqui maye lalamaqte Ñim Lo'onatac 'Enauacna maye Nataxala', da yaqto' añi arca maye laỹe' da aỹamaxataxac, qataq nam no'onataxanaxatpi maye qoỹanot co'ollaxa Ñim Nataxala', nache qanquigaxachiỹa qome acam atamnaxaqui maye qano'oxoosheguem da lalamaqte Ñim Nataxala'.»

Ezequiel 37:26

Qataq so'ot qome ca ñaỹamaxataxac maye chochaq tatec da ñaỹamaxate' namayepi, cam ñaỹamaxataxac maye ỹo'ot da nlagaxayec. Qataq so'otec qome da nquictauec ye lcata namayepi, qataq nache 'eetai' qome da netangui ñaqa'en namayepi aca qui'itta ỹalamaqte atamnaxaqui.

Ezequiel 37:28

Qaq aca'aca qui'itta ỹalamaqte atamnaxaqui qom nache 'eetai' da netangui namayepi, nache na laỹepi ỹotta'a't shiỹaxauapi, ỹaỹaten qome da Aỹem lleca'aguishec na Israel le'ecpi, da seỹotauga da yaqto' ỹalamaxatpi.»

Ezequiel 43:7

nache, 'eeta': «'Ena na lma' añi ñeso'onaxaqui, qataq nachena na ỹapiaqa', nachena na huaña da chochaq tatec da soota'aguet na Israel le'ecpi. Qaq namayepi qataq ca lta'alpi, qalaq saishet qome da ỹe'eguelaxalec da ishepaxanaqchet da ỹe'enaxat souaxat da saỹalaq: qataq saishet qome da ỹe'eguelaxalec da no'oxoosheguem ca le'enaqtac maye lqui'ipi so lta'alpi maye mashe ileu,