Éxodo 25:22 - La'aqtaqa Ñim Lo'onatac 'Enauacna 2013

²² Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Éxodo 25:22 Referans Kwoze

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Isaías 37:16

«'Am Nataxala' maye Qaica ca 'Auqalanapec, maye 'Am Natamnaxala' na Israel le'ecpi, qataq añi 'anso'onaxaqui netanguilo ñeua ne'enaqtaqa le'enaxat querubines. Qataq nachaq 'amta da 'am natamnaxala', 'enauac nam nta'alpi ana 'alhua. 'Am maye 'auo'ot co'ollaxa na piguem qataq ana 'alhua.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

1 Samuel 4:4

Huaña nache so Israel le'ecpi huo'oi soua ỹamaxalo ye Silo da yaqto' ndoi' aso arca maye laỹe' da naỹamaxataxac Ñim Nataxala' maye Qaica ca Ỹaqalanapec, maye netanguilo soua dos ne'enaqtaqa maye huo'oi na laua't. Qaq so Jofní qataq so Finés som dos llalqa so Elí, nache pa'atra'agueta da ilotrague' asa'aso arca maye laỹe' da naỹamaxataxac Ñim Lo'onatac 'Enauacna.

Números 17:4

Nache acamayepi 'anaña ye sa qaỹapeque añi arca maye laỹe' da ñaỹamaxataxac, maye netaigui ñi npe'l maye huaña naxa da qami' ñauaneto.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Salmos 99:1

Ñim Nataxala' nacheñi ñi Nta'a, añi nso'onaxaqui Ñimaye netanguilo soua ne'enaqtaqa le'enaxa't querubines, qaq na ỹotta'a't shiỹaxauapi ỹataqta iviloxol, qataq ana 'alhua ỹataqta cholaxan qome.

2 Samuel 6:2

nache so David chegoqchiguiña ye Baalá maye huaigui ye 'alhua Judá, nache lỹatec 'enauac so nalleppi da nqochenaxat aso arca maye laỹe' soua lqataxaco Ñim Nataxala', asom huaña naxa da qaiỹaxana da le'enaxat Ñim Lo'onatac 'Enauacna maye Qaica ca Ỹaqalanapec maye netaleguete soua ne'enaqtaqa shiỹaxau' maye huo'oi naua laua't datatralec ye nso'onqa' Ñimaye da Nta'a.

Éxodo 30:36

Qataq 'aulaxachigui ca laỹe camaye, ỹataqta huesotchigui 'anqa'en, nache 'auachichiguiña ca saqaỹapeque aca laỹe' caua nqataxaco, maye netaigui ca npe'l maye huaña qome da 'am ñauane'. Qaq que'eca nchenaxanaxat camaye ỹataqta sa qaỹa'ashaxaatac,

Éxodo 30:6

Qaq da ime, nache aca'aca nca'atoxonaxalate 'aỹa'anaña ca pa'auec ca napoxonaxat maye naloteuga ca netaña aca laỹe caua nqataxaco, maye huaña da 'am ñauane'.

Jueces 20:27

Huaña, nache inat Ñim Nataxala'. Qaq se'eso na'a'q, aso arca maye laỹe' so naỹamaxataxac Ñim Lo'onatac 'Enauacna netaña ye Betel.

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Éxodo 31:6

Qataq sauo'o ltaua ñi Aholiab, ñim llalec so Ajisamac, maye chegoxoguet so Dan. Qataq 'enauac ca laỹepi ỹaanaxanaxaicpi sami' da nquiguec da laỹaanec, yaqto' ỹo'ot 'enauac ca 'am samaxalecpi da 'auo'ot:

Éxodo 20:24

Qauo'oche qome aca nca'atoxonaxalate 'alhua, nache qauachiỹalec acamaye cam Aỹem qaỹa'añiỹot qarachetaqtaxanaxache qaỹavigaxatta, qataq qanhuaachigui chegaqaigui nam shiguiỹacpi maye qaralamaxache, qagueta, huaca. Nache Aỹem ñanac qome da qami' sanema ca ichoxonnataxanaxa da huaña na 'alhuapi maye huaña da qaiuennate da ỹe'enaxat.

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

1 Crónicas 13:6

Ime, nache so David lỹatac 'enauac so Israel le'ecpi da tasheguema ye Quiriat Yearin, maye nataqa'en le'enaxat Baalá, yem huaigui ye 'alhua Judá, da yaqto' ỹachegoxotchiguiña yemaye da nquigaxat aso arca maye laỹe' soua lqataxaco Ñim Lo'onatac 'Enauacna, asom huaña naxa da qaiỹaxana da le'enaxat Ñim Nataxala', maye aso nso'onaxaqui natatañalo soua ne'enaqtaqa querubines.

Salmos 80:2

Ỹauaachigui 'anqa'en na Efraín, Benjamín, qataq na Manasés, da 'anlouec qataq 'auanac da qomi' 'anca'alaxatrec.

Ezequiel 43:6

Qaq se'eso shiỹaxaua, nache aỹem huaqta'ai', huaña nache sa'aqchigui Ñim Nataxala', lamaqtoigui aso atamnaxaqui da aỹem 'enapega