Éxodo 25:21 - La'aqtaqa Ñim Lo'onatac 'Enauacna 2013

²¹ Ime, nache que'eca lapoxot qalapaxalec qome aca'aca laỹe', nache 'auachanguilo acamaye caua nqataxaco maye 'am sanema qome.

Éxodo 25:21 Referans Kwoze

Éxodo 26:34

Ime, qataq 'auacona ca lapoxot, nache 'auapogongui aca laỹe' caua nqataxaco, nache 'aỹa'anaña ca ndaqa' maye sa qaishetapec.

Romanos 10:4

Qaq Ñimaye saishet da qomi' ỹaỹamaxareete' souaxat da salaxasoxoguet na namaxasoxonaxacpi; cha'aye nagui Ñimaye nda'a't da ỹaconeguet cam huo'o da lpi'iỹaxac So Cristo. Cha'aye So Cristo nacheso so loga't nam namaxasoxonaxacpi.

Éxodo 16:34

Qaq qaipacchigui da la'aqtac Ñim Nataxala' maye ỹami' so Moisés, nache so Aarón ỹanaña aso naco'oña 'alhua so nalochiguiña aso laỹe' soua lqataxaco Ñim Lo'onatac 'Enauacna, da yaqto' ỹaỹamaxat.

Éxodo 30:6

Qaq da ime, nache aca'aca nca'atoxonaxalate 'aỹa'anaña ca pa'auec ca napoxonaxat maye naloteuga ca netaña aca laỹe caua nqataxaco, maye huaña da 'am ñauane'.

Éxodo 40:20

Qaq co'ollaq ime, nache so Moisés ỹaconalo soua coma'ye maye nanettaleguete soua nqataxaco, nache ỹachanguilo aso laỹe'. Ime, nache ỹa'aldeuo soua lachoxola'ate, qataq ỹauo'o so lapoxot asomaye.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Levítico 16:13

nache ỹachangui aca laỹe na nchenaxanaxat huaña ye pa'auo, nache ca lmala'q camaye sa yo'oq naqa'en ñi lapoxot añi laỹe' naua aỹamaxataxaco. Qaq da 'eetec de'era ñi Aarón, nache saishet da ileu qome.

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Números 17:4

Nache acamayepi 'anaña ye sa qaỹapeque añi arca maye laỹe' da ñaỹamaxataxac, maye netaigui ñi npe'l maye huaña naxa da qami' ñauaneto.

1 Reyes 8:9

Qaq asa'aso arca maye laỹe' da aỹamaxataxac qalaq nachesouate' soua dos coma'ye dapaqaiqa da huetanguilo co'ollaxa, maye so Moisés ỹacheranguilo asomaye co'ollaq huaña ye Horeb, yem huaña co'ollaq Ñim Nataxala' naỹamaxate' so Israel le'ecpi, co'ollaq ca'ai ye Egipto.

2 Crónicas 23:11

Huaña nache so Joyadá, qataq soua llalqa nqatrec so llalec so nta'a, nache ỹanaxanaxangui aso naro'o da nta'a, qataq ỹanem aso nere maye nanettalec da aỹamaxataxac, qaq co'ollaq ime da icorelec na lqaic somaye, nache 'enauac se'eso shiỹaxauapi ỹa'alaxalec somaye, 'eeta': «Nache 'eetai' qome da nta'a.»

Deuteronómio 10:5

Huaña nache senoteeguesop añi qasoxonaxa qataq soxochiguilo aso laỹe' soua nqataxaco maye ỹo'onata. Cha'aye nachera da aỹem ỹamaxalec Ñim Nataxala', qaq nache ivitta'a nagui da huetanguilo asa'aso laỹe'.»