Biblia Todo Logo
Bib sou entènèt

- Piblisite -




Éxodo 25:10 - La'aqtaqa Ñim Lo'onatac 'Enauacna 2013

10 «'Auo'ot qome aca laỹe' naua nqataxaco, 'aua'ara't na 'epaq maye chegaqaigui ana acacia, acamaye ivi' un metro y diez centímetros ye lalogaxa, qataq sesenta y cinco centímetros ye lcateueegue, qataq sesenta y cinco centímetros ye loquitcheguema.

Gade chapit la Kopi




Éxodo 25:10
11 Referans Kwoze  

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.


Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.


Qaq so Salomón nataqa'en nqochenaxat aso llale so faraón ỹachegoxotchiguiña so huaqta'a't nỹecpi maye lalamaxat so David, nache ỹanaigui so nma' lta'araic maye no'oxoosheguem co'ollaxa da yaqto' lma' asomaye, cha'aye 'enapeco': Añi ihua saishet da nache netaigui ñi lma' lta'araic so David maye nta'a na Israel, cha'aye nam nma'pi maye mashe netaigui co'ollaxa añi arca maye laỹe' naua lqataxaco Ñim Nataxala' ỹataqta sa qaishetapec.


qataq aca laỹe' caua aỹamaxataxaco qataq caua 'epaxaye maye lachoxola'ate, qataq ca lapoxot maye qalapaxalec, qataq ca napoxonaxat maye ỹapotaua'a acamaye,


Qataq somayepi, nacheso so qaipataxalec da ilo'ogue aso arca maye laỹe' soua aỹamaxataxaco, qataq so lmala' aso nauole maye qaica ca lalegue, qataq aso ncoỹaraxanaxaqui maye siete naua lhua'q, qataq aso nca'atoxonaxalatepi, qataq so laỹe logoxoshetpi, qataq so lapoxonaxatpi, qataq so nhuenecpi.


Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.


Ca npe'l maye huaña da aỹem qanauane', aca arca laỹe caua nqataxaco, qataq cam lapoxot acamaye, qataq 'enauac ca lhuenecpi que'eca npe'l,


Qaq 'era da 'eetec da ime so npe'l maye huaña da qanauane' Ñim Nataxala', qaq so Israel le'ecpi ỹataqta imatta da ỹo'ot 'enauac som damaxasoxoolecpi Ñim Nataxala' maye ỹamaxalec co'ollaxa so Moisés.


Qataq npa'axanasheguem na ỹataqta no'on lo'oc, qataq ỹaueguelec na hualoq laỹe imalaqalec ime, nache ỹanaguilo caua lachoxola'ate, da qaỹache añimaye.


Swiv nou:

Piblisite


Piblisite